လံာ်ယဃ့းစက့လး 2:8 - Sgaw Karen Common Bible

⁸ ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤတက့ၢ်. ပူထီၣ်တၢ်ဒ်အဝဲသ့ၣ်အသိးတဂ့ၤ. အိးထီၣ်နကိာ်ပူၤဒီးအီၣ်တၢ် လၢယကဟ့ၣ်လီၤနၤန့ၣ်တက့ၢ်.”

လံာ်ယဃ့းစက့လး 2:8 Iomraidhean Croise

စံးထီၣ်ပတြၢၤ 105:28

ကစၢ်ယွၤဆှၢလီၤတၢ်ခံးတၢ်နၤလၢ ကီၢ်အလိၤ, ဘၣ်ဆၣ် ပှၤအဲၤကူပတူးဖိတဖၣ် တစူၢ်ဘၣ်အတၢ်မၤလိာ်ဘၣ်.

လံာ်ယၡါယၤ 50:5

ယွၤဟ့ၣ်တ့ၢ်ယၤတၢ်သ့ၣ်ညါနၢ်ပၢၢ်ဒီးယတပူထီၣ်ထီဒါအီၤမ့ၢ် ဂ့ၤ, ဃၣ်ကွံာ်ယသးလၢအီၤမ့ၢ်ဂ့ၤန့ၣ်ဘၣ်.

လံာ်ယၡါယၤ 8:11

လၢအတၢ်စိကမီၤဖးဒိၣ်အပူၤန့ၣ်, ယွၤဟ့ၣ်ပလီၢ်တ့ၢ်ယၤလၢယသုတပိာ်ကျဲလၢပှၤဂီၢ် မုၢ်ပိာ်တ့ၢ်ဝဲတဂ့ၤန့ၣ်လီၤ. အဝဲစံးဝဲဒၣ်,

လံာ်ယံးရမံယၤ 13:2

အဃိ, ယပှ့ၤအီၤဒီးကူထီၣ်အီၤလီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်ယဃ့းစက့လး 12:7

ယမၤတၢ်လၢယွၤတဲဘၣ်တ့ၢ်ယၤလၢယကဘၣ်မၤအီၤန့ၣ်လီၤ. မုၢ်နံၤအဝဲန့ၣ်ယဘိၣ်ထီၣ်တၢ်ဘိၣ်တဘိၣ်ဒ်ပှၤဃ့ၢ်ကွံာ်ဆူထံဂၤ ကီၢ်ဂၤတဂၤမၤဝဲအသိး, ဒီးလၢဟါအဝဲန့ၣ်ဖဲတၢ်ခံးလီၤန့ၣ်, ယဘၢၣ်ဖျိတၢ်ပူၤတပူၤလၢဟံၣ်အတၢ်ဒူၣ်လၢယစုဒၣ်ယဲဒီးဟးထီၣ် ကွံာ်ယဲလီၤ. ဖဲပှၤကိးဂၤဒဲးကွၢ်တၢ်အဖၢမုၢ်န့ၣ်, ယဝံထီၣ်တၢ်ဘိၣ်လၢယဖံဘၣ်ခိၣ်အလိၤဒီးဟးထီၣ်ကွံာ်န့ၣ်လီၤ.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ယဃ့းစက့လး 33:7

ခဲကနံၣ်အံၤ, ပှၤကညီလၢအသံသ့ဧၢ, ယဒုးကဲထီၣ်နၤပှၤခိးကွၢ်တၢ်ဖိတဂၤလၢအံၣ်စရ့လး အပှၤကလုာ်အဂီၢ်န့ၣ်လံ. နကဘၣ်တဲဘၣ်အဝဲသ့ၣ် လၢတၢ်ဟ့ၣ်ပလီၢ်တဖၣ်လၢယဟ့ၣ်လီၤနၤန့ၣ်လီၤ.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.

လံာ်လီၣ်ဖျါ 10:9

သတးဒီး, ယလဲၤဆူကလူးတဂၤန့ၣ်အအိၣ်, ဒီးမၢအဟ့ၣ်ယၤလံာ်ထူဖိတဘ့ၣ်န့ၣ်လီၤ. အဝဲဒၣ်စံးဘၣ်ယၤ, “ဟံးန့ၢ်ဒီးအီၣ်အီၤတက့ၢ်. ကဆံၣ်ထီၣ်ဝဲလၢနဟၢဖၢပူၤ, မ့မ့ၢ်လၢနကိာ်ပူၤန့ၣ် ကဆၢဝဲဒ်ကနဲစီအသိးလီၤ.”