လံာ်ယဃ့းစက့လး 2:7 - Sgaw Karen Common Bible

⁷ တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 2:7 Iomraidhean Croise

လံာ်တၢ်ဟးထီၣ်ကွံာ် 6:29

အဝဲစံးဝဲဒၣ်, “ယဲဒၣ်အံၤယမ့ၢ်ယွၤလီၤ. တၢ်လၢယတဲဘၣ်နၤတမံၤလၢ်လၢ်န့ၣ်တဲဘၣ်ကီၢ်အဲၤကူပတူး အစီၤပၤတက့ၢ်.”

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 17:20

တဲဘၣ်အစီၤပၤတဖၣ်ဒီး, ကီၢ်ယူဒၤအပှၤဂီၢ်မုၢ်ခဲလၢာ်, ဒီးပှၤကိးဂၤဒဲး လၢအအိၣ်လၢဝ့ၢ်ယရူၤၡလ့ၣ်အပူၤလၢအနုာ်လီၤဟးထီၣ်လၢတြဲၤ တဖၣ်အံၤဒ်သိးကဒိကနၣ်တၢ်လၢယစံးန့ၣ်တက့ၢ်.

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 26:2

ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယံးရမံယၤ 34:6

ဝံၤဒီး ယဟ့ၣ်လီၤတၢ်ကစီၣ်အံၤဆူ စီၤပၤစီၤစံးဒကံယၤအအိၣ်လၢ ဝ့ၢ်ယရူၤၡလ့ၣ်အပူၤ,

လံာ်ယံးရမံယၤ 36:14

အန့ၣ်ဒီး, ပဒိၣ်ပပှၢ်တဖၣ် မၢလီၤစီၤယဟူဒံၤ (လၢ အမ့ၢ်စီၤနသၤနံယၤ အဖိခွါ, စီၤၡလ့မယၤအလံၤခွါ, ဒီးစီၤကူၤၡံအလိၤ) ဒ်သိးအကတဲဘၣ် စီၤဘၤရူးလၢ အကဟဲစိာ်လံာ်ထူလၢ အဝဲဖးထီၣ်န့ၢ် ပှၤဂီၢ်မုၢ်န့ၣ်လီၤ. စီၤဘၤရူးဟဲစိာ်န့ၢ် အဝဲသ့ၣ်လၢ လံာ်ထူန့ၣ်လီၤ.

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယံးရမံယၤ 44:20

အန့ၣ်ဒီး, ယစံးဘၣ်ပိာ်ခွါတဖၣ်ဒီး ပိာ်မုၣ်တဖၣ်လၢ အစံးဆၢတ့ၢ်ယၤလၢ ကျဲဒ်သိးအံၤန့ၣ်,

လံာ်ယံးရမံယၤ 6:28

အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဖိတဖၣ်အခိၣ်ကိၤဝဲ, ကိၤဝဲဒ်တိၢ်ဘီဒီးထးအသိးန့ၣ်လီၤ. အဝဲသ့ၣ်ခဲလၢာ်ဟးဂီၤ ဝဲ, ဟးဝ့ၤဝီၤဒီးရၤလီၤတၢ်သီၣ်ဝံသဲကလၤန့ၣ်လီၤ.

လံာ်ယံးရမံယၤ 7:27

လၢတၢ်န့ၣ်အဃိ, စီၤယံးရမံယၤဧၢ, နကဘၣ်စံးဘၣ်တဲဘၣ် ယပှၤဂီၢ်မုၢ်လၢတၢ်ကတိၤသ့ၣ်တဖၣ်အံၤခဲလၢာ်လီၤ. ဘၣ်ဆၣ်ဒီး, တမ့ၢ်အဝဲသ့ၣ်ကဒိကနၣ်နၤဘၣ်. နကကိးထီၣ်အဝဲသ့ၣ်, ဘၣ်ဆၣ်ဒီးတမ့ၢ်အဝဲသ့ၣ်ကစံးဆၢနၤဘၣ်.

လံာ်ယဃ့းစက့လး 11:25

ဒီးယစံးဘၣ်တဲဘၣ်ပှၤဘၣ်တၢ်စိာ်မၢကဲကုၢ်တဖၣ်, တၢ်ကိးမံၤဒဲးလၢယွၤဒုးနဲၣ်တ့ၢ်ယၤန့ၣ်လီၤ.

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်ယဃ့းစက့လး 20:27

ဒီးခဲကနံၣ်အံၤပှၤကညီလၢအသံသ့ဧၢ, တဲဘၣ်ပှၤအံၣ်စရ့လးဖိ တဖၣ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်ဒ်အံၤတက့ၢ်. အအံၤမ့ၢ်ကျဲအဂၤတဘိလၢအဝဲသ့ၣ်အပၢ်တဖၣ်ဒုၣ်ဒွဲၣ်ယၤခီဖျိ အဝဲသ့ၣ်အတၢ်ကလုၢ်ကတိၤန့ၣ်လီၤ.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်ယဃ့းစက့လး 3:4

ဝံၤဒီး ကစၢ်ယွၤစံးဝဲဒၣ်, ပှၤကညီလၢ အသံသ့ဧၢ, လဲၤဆူကီၢ်အံၣ်စရ့လး အပှၤဂီၢ်မုၢ်အအိၣ်ဒီး စံးဘၣ်အဝဲသ့ၣ်တၢ်တမံၤဂ့ၤတမံၤဂ့ၤလၢ ယတဲဘၣ်နၤလၢ နကစံးအီၤန့ၣ်တက့ၢ်.

လံာ်ယဃ့းစက့လး 33:7

ခဲကနံၣ်အံၤ, ပှၤကညီလၢအသံသ့ဧၢ, ယဒုးကဲထီၣ်နၤပှၤခိးကွၢ်တၢ်ဖိတဂၤလၢအံၣ်စရ့လး အပှၤကလုာ်အဂီၢ်န့ၣ်လံ. နကဘၣ်တဲဘၣ်အဝဲသ့ၣ် လၢတၢ်ဟ့ၣ်ပလီၢ်တဖၣ်လၢယဟ့ၣ်လီၤနၤန့ၣ်လီၤ.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ဧၤမိၣ် 3:13

ဒိကနၣ်ခဲကနံၣ်အံၤ, ဒီးဟ့ၣ်ပလီၢ်စီၤယၤကိာ်အစၢၤအသွဲၣ်တဖၣ် တက့ၢ်,” တၢ်စိတၢ်ကမီၤခဲလၢာ်အကစၢ်, သ့တၢ်လၢာ်ယွၤစံးဝဲဒၣ်.

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”