လံာ်ယဃ့းစက့လး 2:3 - Sgaw Karen Common Bible

³ “ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ယဃ့းစက့လး 2:3 Iomraidhean Croise

လံာ်စီၤပၤခံဘ့ၣ်တဘ့ၣ် 17:14

ဘၣ်ဆၣ်အဝဲသ့ၣ်တစူၢ်ဝဲဒၣ်ဘၣ်. အဝဲသ့ၣ်အခိၣ်ကိၤဝဲဒ်အမိၢ်ပၢ် ဖံဖုလၢပျၢၤတဖၣ်အသိး, ပှၤလၢအတနာ်ဘၣ်ယွၤအဝဲသ့ၣ်အကစၢ်ယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

စံးထီၣ်ပတြၢၤ 106:28

မၤကဒီးဖဲပဧိၢ်န့ၣ်, ကစၢ်ယွၤအပှၤဂီၢ် မုၢ်လဲၤသကိးတၢ်လၢ တၢ်ဘူၣ်ထီၣ်ဘါထီၣ်ဘဧၤလးအပူၤ, ဒီးအီၣ်တၢ်လုၢ်တၢ်ပာ်တဖၣ်လၢ တၢ်လုၢ်ထီၣ်အီၤဆူ ကစၢ်လၢအသံတဖၣ်န့ၣ်လီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 44:20

အန့ၣ်ဒီး, ယစံးဘၣ်ပိာ်ခွါတဖၣ်ဒီး ပိာ်မုၣ်တဖၣ်လၢ အစံးဆၢတ့ၢ်ယၤလၢ ကျဲဒ်သိးအံၤန့ၣ်,

လံာ်ယံးရမံယၤ 44:21

“ဖဲအဘၣ်ဃးဒီး တၢ်လုၢ်တၢ်ပာ်တဖၣ်လၢ သုဝဲဒီးသုမိၢ်ပၢ်ဖံဖုလၢပျၢၤတဖၣ်, သုစီၤပၤဒီး သုခိၣ်သုနၢ်တဖၣ်, ဒီၤထံကီၢ်အပှၤဂီၢ်မုၢ်လုၢ်ထီၣ်တ့ၢ်ဝဲလၢ ကီၢ်ယူဒၤအဝ့ၢ်တဖၣ်အပူၤ, ဒီးလၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ မ့ၢ်ဂ့ၤန့ၣ်, မ့ၢ်သုဆိကမိၣ်လၢယွၤတသ့ၣ်ညါအီၤမ့ၢ်ဂ့ၤ, သးပ့ၤနီၣ်ကွံာ်အီၤမ့ၢ်ဂ့ၤ, န့ၣ်ဧါ.

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်ယဃ့းစက့လး 24:3

တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

လံာ်မၤလကံ 3:7

ဒ်သုမိၢ်ပၢ်ဖံဖုလၢပျၢၤလၢသုမဲာ်ညါသ့ၣ်တဖၣ်အသိး, သုဃၣ်ကွံာ်သုသးလၢယတၢ်သိၣ်တၢ်သီဒီးတတိၢ်န့ၢ်ဘၣ်အီၤဘၣ်. ဟဲက့ၤဆူယအိၣ်တက့ၢ်. ဒီးယကဟဲက့ၤဆူသုအိၣ်န့ၣ်လီၤ. ဘၣ်ဆၣ်သုသံကွၢ်, ‘ပကဟဲက့ၤကဒါက့ၤဒ်လဲၣ်.’

လံာ်တၢ်ဂံၢ် 20:10

အဝဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီဖုညါလၢလ့ အမဲာ်ညါဒီးစီၤမိၤၡ့စံးဝဲ, “ပှၤပူထီၣ်တၢ်ဖိသ့ၣ်ဧၢ, ကနၣ်တက့ၢ်. မ့ၢ်ပဘၣ်ဒုးဖျိးထီၣ်ထံလၢလ့အံၤအပူၤလၢသုဂီၢ်ဧါ.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

လံာ်သိၣ်လီၤသီလီၤတၢ် 9:24

စးထီၣ်လၢယသ့ၣ်ညါသုလံၤလံၤန့ၣ်သုပူထီၣ်တ့ၢ်တၢ်ထီဒါယွၤ န့ၣ်လီၤ.

လံာ်သိၣ်လီၤသီလီၤတၢ် 9:27

သ့ၣ်နီၣ်ထီၣ်က့ၤနခ့နပှၤတဖၣ်, လၢအမ့ၢ်ဝဲစီၤအၤဘြၤဟၣ်, စီၤအံၤစဲးဒီးစီၤယၤကိာ်တက့ၢ်. ဒီးတဘၣ်ပာ်သူၣ်ပာ်သးလၢပှၤဂီၢ်မုၢ်အံၤအတၢ်ခိၣ်ကိၤ, ဒီးအတၢ်ဒဲးဘးအဂ့ၢ်န့ၣ်တဂ့ၤ.