လံာ်ယဃ့းစက့လး 19:8 - Sgaw Karen Common Bible

⁸ ပှၤကလုာ်တဖၣ်ပာ်ဖှိၣ်ထီၣ်အသးလၢကဒုးတၢ်ဒီးအီၤအဂီၢ် န့ၣ်လီၤ. ပှၤဂီၢ်မုၢ်ဟဲလၢတၢ်လီၢ်ကိးပူၤဒဲးန့ၣ်လီၤ. အဝဲသ့ၣ်သလၣ်ထီၣ်အစၤတဖၣ်ဒီးဖီၣ်န့ၢ်အီၤလၢအစၤပူၤန့ၣ်လီၤ.

လံာ်ယဃ့းစက့လး 19:8 Iomraidhean Croise

လံာ်စီၤပၤခံဘ့ၣ်တဘ့ၣ် 24:11

ဖဲတၢ်ကဝီၤဃာ်အီၤအခါန့ၣ်, စီၤပၤနဘူၤကးန့စၢ်အနီၢ်ကစၢ်ဒၣ် ဝဲဟဲဆူဝ့ၢ်ယရူၤၡလ့ၣ်,

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ယဃ့းစက့လး 12:13

ဘၣ်ဆၣ်ဒီး, ယကသလၣ်ထီၣ်ယစၤဒီးဖီၣ်န့ၢ်အီၤလၢအပူၤန့ၣ်လီၤ. ဝံၤဒီး, ယကလဲၤစိာ်အီၤဆူဝ့ၢ်ဘၤဘူၤလိၣ်, တၢ်လီၢ်ဖဲအဝဲကသံဝဲ လၢတၢ်တထံၣ်ဘၣ်ဝ့ၢ်အံၤဘၣ်န့ၢ်လီၤ.

လံာ်ယဃ့းစက့လး 17:20

ယကဟုးယပှာ်လၢအဖီခိၣ်ဒီးဖီၣ်န့ၢ်အီၤလၢအပူၤလီၤ. ယကလဲၤစိာ်အီၤဆူကီၢ်ဘၤဘူၤလိၣ်ဒီးစံၣ်ညီၣ်အီၤဖဲန့ၣ်, မ့ၢ်လၢအဝဲတတီဒီးယၤအဃိန့ၣ်လီၤ.

လံာ်ယဃ့းစက့လး 19:4

ပှၤကလုာ်တဖၣ်နၢ်ဟူဘၣ်အဝဲအဂ့ၢ်ဒီးဖီၣ်န့ၢ်အီၤလၢတၢ်ပူၤ တပူၤန့ၣ်လီၤ. အဝဲသ့ၣ်မိၤထီၣ်ကွံာ်အီၤလၢနီၣ်ကွးတဖၣ်, ဆူ ကီၢ်အဲၤကူပတူးန့ၣ်လီၤ.

လံာ်ယဃ့းစက့လး 19:7

အဝဲမၤဟးဂီၤကွံာ်တိာ်ဧိၤတာ်ဧိၤတဖၣ်, အဝဲမၤဟးဂီၤဝ့ၢ် တဖၣ်န့ၣ်လီၤ. ပှၤဂီၢ်မုၢ်လၢကီၢ်ပူၤတဖၣ်ပျံၤတၢ်ဖုးတၢ်တဘျီ လၢ်လၢ်ဖဲအဝဲကညီၤထီၣ်တၢ်န့ၣ်လီၤ.