လံာ်ယဃ့းစက့လး 19:5 - Sgaw Karen Common Bible

⁵ အဝဲခိးတၢ်တုၤလၢအထံၣ်ဘၣ်ဝဲတၢ်မုၢ်လၢ်ခဲလၢာ်, လၢာ် ကွံာ်ဝဲလံန့ၣ်လီၤ. အန့ၣ်ဝံၤဒီးအဝဲဒုးဒိၣ်ထီၣ်ကဒီးခ့ယုၢ်ဖိတဒု လၢခ့ယုၢ်ဖိအဂၤတဖၣ်အကျါဒီးအဝဲဒိၣ်ဒ်ခ့ယုၢ်အဒူအဃိၤ တဒုအသိးန့ၣ်လီၤ.

လံာ်ယဃ့းစက့လး 19:5 Iomraidhean Croise

လံာ်တၢ်ကဲထီၣ်အခီၣ်ထံး 49:9

စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 17:8

နသ့ၣ်ညါလၢနပၢ်စီၤဒၤဝံးဒီးအပှၤတဖၣ်န့ၣ်, မ့ၢ်ပှၤဒုးတၢ်ဆူၣ်မးတဖၣ်ဒီးအဝဲသ့ၣ်တဖၣ်န့ၣ်လီၤပျံၤလီၤဖုးမး ဒ်တၤသူမိၢ်တဒုလၢတၢ်ဂုာ်န့ၢ်ကွံာ်အဖိတဖၣ်အသိးန့ၣ်လီၤ. နပၢ်မ့ၢ်ပှၤသုးဖိတဂၤလၢအတၢ်လဲၤခီဖျိအါမးဒီးတအိၣ်ဆိးဘၣ်ဒီး အသုးဖိသံၣ်ဖိတဖၣ်လၢမုၢ်နၤအကတီၢ်န့ၣ်ဘၣ်.

လံာ်ယဃ့းစက့လး 19:3

အဝဲလုၢ်ဒုးဒိၣ်ထီၣ်ခ့ယုၢ်ဖိတဒုဒီးသိၣ်လိန့ၢ်အီၤလၢကသ့ လူၤဖီၣ်န့ၢ်တၢ်မံၤလာ်န့ၣ်လီၤ. အဝဲကဲထီၣ်ပှၤတဂၤလၢအအီၣ်ပှၤ ကညီန့ၣ်လီၤ.

လံာ်ယဃ့းစက့လး 19:4

ပှၤကလုာ်တဖၣ်နၢ်ဟူဘၣ်အဝဲအဂ့ၢ်ဒီးဖီၣ်န့ၢ်အီၤလၢတၢ်ပူၤ တပူၤန့ၣ်လီၤ. အဝဲသ့ၣ်မိၤထီၣ်ကွံာ်အီၤလၢနီၣ်ကွးတဖၣ်, ဆူ ကီၢ်အဲၤကူပတူးန့ၣ်လီၤ.

လံာ်ယဃ့းစက့လး 19:6

ဖဲအဒိၣ်တုာ်လံန့ၣ်, အဝဲဟးဝ့ၤဝီၤစီၤဖီၣ်အီၣ်တၢ်ဒီးခ့ယုၢ် အဂၤတဖၣ်န့ၣ်လီၤ. အဝဲစ့ၢ်ကီးမၤလိန့ၢ်ကဘၣ်ဖီၣ်န့ၢ်တၢ်မံၤလာ်ဒ်လဲၣ်ဒီးကဲထီၣ် ပှၤတဂၤလၢအအီၣ်ပှၤကညီန့ၣ်လီၤ.