လံာ်ယဃ့းစက့လး 19:3 - Sgaw Karen Common Bible

³ အဝဲလုၢ်ဒုးဒိၣ်ထီၣ်ခ့ယုၢ်ဖိတဒုဒီးသိၣ်လိန့ၢ်အီၤလၢကသ့ လူၤဖီၣ်န့ၢ်တၢ်မံၤလာ်န့ၣ်လီၤ. အဝဲကဲထီၣ်ပှၤတဂၤလၢအအီၣ်ပှၤ ကညီန့ၣ်လီၤ.

လံာ်ယဃ့းစက့လး 19:3 Iomraidhean Croise

လံာ်စီၤပၤခံဘ့ၣ်တဘ့ၣ် 23:34

စီၤပၤနကိးဒုးကဲထီၣ်စီၤယိၤၡံယၤအဖိခွါစီၤအ့ၤလယါကံၣ် လၢကီၢ်ယူဒၤအစီၤပၤဒ်ပှၤထီၣ်က့ၤစီၤယိၤၡံယၤအလီၢ်အသိး, ဒီးလဲလိာ်ကွံာ်ဝဲအမံၤဆူစီၤယဟိၤယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူကီၢ်အဲၤကူပတူးလၢစီၤ ပၤနကိၤဒီးသံဝဲဖဲန့ၣ်လီၤ.

လံာ်ယဃ့းစက့လး 19:2

သုမိၢ်မ့ၢ်မးခ့ယုၢ်မိၢ်တဒုန့ၣ်လီၤ. အဝဲလုၢ်ဒုးဒိၣ်ထီၣ် အခ့ယုၢ်ဖိတဖၣ်လၢခ့ယုၢ်ဖါအဒူအဃိၤတဖၣ်အကျါန့ၣ်လီၤ.

လံာ်ယဃ့းစက့လး 19:4

ပှၤကလုာ်တဖၣ်နၢ်ဟူဘၣ်အဝဲအဂ့ၢ်ဒီးဖီၣ်န့ၢ်အီၤလၢတၢ်ပူၤ တပူၤန့ၣ်လီၤ. အဝဲသ့ၣ်မိၤထီၣ်ကွံာ်အီၤလၢနီၣ်ကွးတဖၣ်, ဆူ ကီၢ်အဲၤကူပတူးန့ၣ်လီၤ.

လံာ်ယဃ့းစက့လး 19:6

ဖဲအဒိၣ်တုာ်လံန့ၣ်, အဝဲဟးဝ့ၤဝီၤစီၤဖီၣ်အီၣ်တၢ်ဒီးခ့ယုၢ် အဂၤတဖၣ်န့ၣ်လီၤ. အဝဲစ့ၢ်ကီးမၤလိန့ၢ်ကဘၣ်ဖီၣ်န့ၢ်တၢ်မံၤလာ်ဒ်လဲၣ်ဒီးကဲထီၣ် ပှၤတဂၤလၢအအီၣ်ပှၤကညီန့ၣ်လီၤ.

လံာ်ယဃ့းစက့လး 22:25

ပှၤခိၣ်ပှၤနၢ်တဖၣ်န့ၣ်လီၤဂာ်ဒ်ခ့ယုၢ်တဖၣ်လၢအကညီၤထီၣ်ဝဲလၢ ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအလိၤအသိးန့ၣ်လီၤ. အဝဲသ့ၣ်မၤသံပှၤဂီၢ်မုၢ်, ဟံးန့ၢ်ကွံာ်ကျိၣ်စ့ခဲလၢာ်ဒီး အတၢ်စုလီၢ်ခီၣ်ခိၣ်တဖၣ်လၢအမၤန့ၢ်ဝဲသ့, ဒီးခီဖျိအဝဲသ့ၣ် အတၢ်မၤသံမၤဝီန့ၣ်, ပိာ်မုၣ်အါဂၤအိၣ်လီၤတဲာ်ဝဲဒ်ပှၤမုၣ်ကမဲတဖၣ်အသိးန့ၣ်လီၤ.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်စကၤရယၤ 11:3

ပှၤပၢတၢ်တဖၣ်ဟီၣ်ပသူထီၣ်လၢတၢ်သးအုးအပူၤလီၤ. အဂ့ၢ်ဒ်အံၤ, အဝဲသ့ၣ်အလၤကပီၤလီၤမၢ်ကွံာ်လံ. ဒိကနၣ်ခ့ယုၢ်တဖၣ်အတၢ်ကညီၤထီၣ်န့ၣ်တက့ၢ်. အဂ့ၢ်ဒ်အံၤ, အဝဲသ့ၣ်အိၣ်ဆိးအလီၢ်လၢအအိၣ်ဝဲဖဲထံကျိ ယၣ်ဒ့ၣ်အသရ့ၤန့ၣ်ဘၣ်တၢ်မၤဟးဂီၤအီၤလံ.

လံာ်သိၣ်လီၤသီလီၤတၢ် 33:22

ဘၣ်ဃးဒီးဒၣ်အဒူၣ်အဂ့ၢ်န့ၣ်အဝဲစံးဝဲ, “ဒၣ်မ့ၢ်ခ့ယုၢ်ဖိတဒု, အဝဲစံၣ်ထီၣ်ဝဲလၢကီၢ်ဘၤၡၣ်အပူၤန့ၣ်လီၤ.”