လံာ်ယဃ့းစက့လး 19:13 - Sgaw Karen Common Bible

¹³ ခဲအံၤဘၣ်တၢ်သူၣ်လီၤက့ၤအီၤလၢမဲးမုၢ်ခိၣ်အပူၤလၢကီၢ်လၢ အဃ့ထီဒီးထံတအိၣ်ဘၣ်န့ၣ်လီၤ.

လံာ်ယဃ့းစက့လး 19:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

လံာ်ယဃ့းစက့လး 19:10

သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

လံာ်ယဃ့းစက့လး 20:35

ယကလဲၤဆှၢနုာ်သုဆူပှၤကလုာ်တဖၣ်အပှၢ်မုၢ်ကနၢ, ဒီးဖဲန့ၣ်, ယကစံၣ်ညီၣ်ဃၣ်သုလၢသုမဲာ်သၣ်ပူၤန့ၣ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.