လံာ်ယဃ့းစက့လး 19:12 - Sgaw Karen Common Bible

¹² ဘၣ်ဆၣ်တၢ်သးဒိၣ်အစုတဖၣ်ထဲးထီၣ်ကွံာ်အီၤလၢအဂံၢ် တဖၣ်ဒီးတ့ၢ်လီၤကွံာ်အီၤဆူဟီၣ်ခိၣ်လိၤန့ၣ်လီၤ. မုၢ်ထီၣ်အကလံၤမၤဃ့ထီကွံာ်အသၣ်န့ၣ်လီၤ. အဒ့တဖၣ်ကၢ်ကွံာ်ဝဲ, ဃ့ထီကွံာ်ဒီးဘၣ်တၢ်ဒွဲၣ်ကွံာ်အီၤန့ၣ်လီၤ.

လံာ်ယဃ့းစက့လး 19:12 Iomraidhean Croise

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:34

စီၤပၤနကိးဒုးကဲထီၣ်စီၤယိၤၡံယၤအဖိခွါစီၤအ့ၤလယါကံၣ် လၢကီၢ်ယူဒၤအစီၤပၤဒ်ပှၤထီၣ်က့ၤစီၤယိၤၡံယၤအလီၢ်အသိး, ဒီးလဲလိာ်ကွံာ်ဝဲအမံၤဆူစီၤယဟိၤယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူကီၢ်အဲၤကူပတူးလၢစီၤ ပၤနကိၤဒီးသံဝဲဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:6

စီၤယဟိၤယါကံၣ်သံဝဲ, ဒီးအဖိခွါစီၤယဟိၤယါခံၣ်ကဲထီၣ်စီၤ ပၤလၢအလီၢ်န့ၣ်လီၤ.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

စံးထီၣ်ပတြၢၤ 80:16

ပဒုၣ်ပဒါတဖၣ်ဒွဲၣ်ကွံာ်အီၤလၢမ့ၣ်အူ, ကူာ်လီၤဃံၤကွံာ်အီၤလံ. ကွၢ်အဝဲသ့ၣ်လၢတၢ်သးထီၣ်အပူၤဒီး မၤဟးဂီၤကွံာ်အဝဲသ့ၣ်န့ၣ်တက့ၢ်.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 31:28

ုဒီး ဒ်ယအံးထွဲကွၢ်ထွဲအီၤလၢ ယကထဲးထီၣ်အီၤ, မၤလီၤပှီၢ်အီၤ, မၤလီၤတဲာ်ကွံာ်အီၤ, မၤဟးဂီၤအီၤဒီး မၤနးမၤဖှီၣ်အီၤအသိးန့ၣ်, ယကအံးထွဲကွၢ်ထွဲအီၤလၢ ယကသူၣ်လီၤဖျးလီၤအီၤဒီး သူၣ်ထီၣ်ဘှီထီၣ်အီၤန့ၣ်လီၤ.

လံာ်သးသယုၢ်တၢ် 2:1

ယွၤ, လၢအတၢ်သးဒိၣ်အပူၤကးဘၢတ့ၢ်ကစၢၢ်စံယိၣ်လၢတၢ်ခံးတၢ် နၤလီၤ. အတၢ်ကဟုကညီၢ်ဒ်လၢမူခိၣ်အသိးန့ၣ်, ယွၤဘိးဃၣ်ကွံာ်ဝဲဆူတၢ် ဟးဂူာ်ဟးဂီၤတဖၣ်အပူၤလီၤ. လၢအတၢ်သးဒိၣ်အမုၢ်တနံၤန့ၣ်ညိကွံာ်အတၢ်လုၢ်ဟံၣ်ဒၣ်လဲာ်လီၤ.

လံာ်ယဃ့းစက့လး 15:4

ဂ့ၤဒၣ်ထဲလၢနကမၤကဲၤထီၣ်မ့ၣ်အူအဂီၢ်န့ၣ်လီၤ. ဒီးဖဲအစိးနါတဖၣ်မ့ၣ်အူအီၣ်ကွံာ်အီၤဒီးအခၢၣ်သးကိၢ်ဃၢၣ် ကွံာ်န့ၣ်, နဒုးကဲထီၣ်တၢ်တမံၤမံၤလၢအီၤဘၣ်ကသ့ဧါ.

လံာ်ယဃ့းစက့လး 17:10

မ့ၢ်. စပံးမုၢ်အံၤဘၣ်တၢ်သူၣ်လီၤတ့ၢ်အီၤလံ. ဘၣ်ဆၣ်မ့ၢ် ကမူဒီးဒိၣ်ထီၣ်ကစီဒီဧါ. ဖဲမုၢ်ထီၣ်အကလံၤအူဘၣ်အီၤဒီး, မ့ၢ်အတလီၤညွံးလီၤဘဲကွံာ်ဘၣ်ဧါ. ဖဲအဒိၣ်ထီၣ်အဝဲအလီၢ်န့ၣ် မ့ၢ်အတဃ့ထီကွံာ်ဘၣ်ဧါ.”

လံာ်ယဃ့းစက့လး 19:11

အဒ့တဖၣ်အဂံၢ်အဘါဆူၣ်ဝဲဒီးဒိၣ်ထီၣ်ဝဲလၢကကဲထီၣ်စီၤပၤ အနီၣ်ထိးဘိတဖၣ်န့ၣ်လီၤ. စပံးမုၢ်န့ၣ်ဒိၣ်ထီၣ်ထီဝဲတုၤဒၣ်လဲာ်ကတုၤဆူတၢ်အၢၣ်အကျါ န့ၣ်လီၤ. ပှၤကိးဂၤဒဲးထံၣ်အီၤလၢအလၣ်တဖၣ်အါဝဲဆံးအါဒီး အမုၢ်ထီဝဲဆံးထီလဲၣ်န့ၣ်လီၤ.

လံာ်ယဃ့းစက့လး 28:17

နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.