လံာ်ယဃ့းစက့လး 19:10 - Sgaw Karen Common Bible

¹⁰ သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

လံာ်ယဃ့းစက့လး 19:10 Iomraidhean Croise

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 128:3

နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

လံာ်ယဃ့းစက့လး 17:6

တၢ်မုၢ်တၢ်ဘိန့ၣ်ဒိးပဒုၣ်ထီၣ်ဒီးကဲထီၣ်စပံးမုၢ်အဖုၣ်တမုၢ် လၢအခိၣ်ကဟုဒီးတယၢ်ထီၣ်အသးန့ၣ်လီၤ. အဒ့တဖၣ်ဒိၣ်ထီၣ်ဆူထးခီဆူလံာ်ကြီကြာ်အအိၣ်, ဒီးအဂံၢ်တဖၣ်စဲၤလီၤအသးယိာ်ဝဲလီၤ. စပံးမုၢ်န့ၣ်ပှဲၤဝဲဒီးအဒ့တဖၣ်ဒီးအလၣ်တဖၣ်န့ၣ်လီၤ.

လံာ်ယဃ့းစက့လး 19:13

ခဲအံၤဘၣ်တၢ်သူၣ်လီၤက့ၤအီၤလၢမဲးမုၢ်ခိၣ်အပူၤလၢကီၢ်လၢ အဃ့ထီဒီးထံတအိၣ်ဘၣ်န့ၣ်လီၤ.

လံာ်ယဃ့းစက့လး 19:2

သုမိၢ်မ့ၢ်မးခ့ယုၢ်မိၢ်တဒုန့ၣ်လီၤ. အဝဲလုၢ်ဒုးဒိၣ်ထီၣ် အခ့ယုၢ်ဖိတဖၣ်လၢခ့ယုၢ်ဖါအဒူအဃိၤတဖၣ်အကျါန့ၣ်လီၤ.

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်ယိၤဟၣ် 15:1

ယဲဒၣ်အံၤယမ့ၢ်စပံးမုၢ်နီၢ်နီၢ်, ဒီးယပၢ်မ့ၢ်ပှၤပၢၤစပံးမုၢ် အလီၢ်လီၤ.

လံာ်သိၣ်လီၤသီလီၤတၢ် 8:7

ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 8:9

ဖဲန့ၣ်သုတသၣ်ဝံၤလီၤဒိနီတစုမ့ၢ်ဂ့ၤ, တၢ်လိၣ်တအိၣ်လၢၤနီ တစုမ့ၢ်ဂ့ၤဘၣ်. လၢအလၢၢ်တဖၣ်အပူၤန့ၣ်အိၣ်ဒီးထးဒီးလၢအတၢ် လူၢ်တဖၣ်န့ၣ်သုခူၣ်ထီၣ်တိၢ်ဘီသ့ဝဲဒၣ်လီၤ.