လံာ်ယဃ့းစက့လး 18:31 - Sgaw Karen Common Bible

³¹ စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 18:31 Iomraidhean Croise

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 31:6

ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 21:8

ဝံၤဒီးယွၤတဲဘၣ်ယၤလၢယကစံးဘၣ်ပှၤဂီၢ်မုၢ်, “ဒိကနၣ်တက့ၢ်. ယၤ, ယွၤအံၤ, ယဟ့ၣ်သုတၢ်ဃုထၢတမံၤ, လၢကျဲလၢအကဆှၢတၢ်ဆူတၢ်မူဒီးကျဲလၢကဆှၢတၢ် ဆူတၢ်သံအဘၢၣ်စၢၤလၢသုကဃုထၢအီၤအဂီၢ်န့ၣ်လီၤ.

လံာ်ယံးရမံယၤ 27:13

ဘၣ်မနုၤအဃိ နဲဒၣ်ဒီးနပှၤဂီၢ်မုၢ် ဘၣ်သံလၢ တၢ်ဒုးတၢ်ယၤအပူၤမ့ၢ်ဂ့ၤ, လၢတၢ်သၣ်ဝံၤလီၤဒိအဃိမ့ၢ်ဂ့ၤ, လၢတၢ်ဆူးတၢ်ဆါ အဃိမ့ၢ်ဂ့ၤန့ၣ်လဲၣ်. တၢ်န့ၣ်မ့ၢ်တၢ်လၢယွၤစံးတ့ၢ်ဝဲလၢ အကမၤအသးဒီး ပှၤတကလုာ်ဂ့ၤတကလုာ်ဂ့ၤလၢ အတဆီၣ်လီၤ ဘၣ်အသးလၢ ကီၢ်ဘၤဘူၤလိၣ်အစီၤပၤအဖီလာ်န့ၣ်လီၤ.

လံာ်ယံးရမံယၤ 27:15

ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 43:9

ခဲကနံၣ်အံၤအဝဲသ့ၣ်ကဘၣ်ဆိကတီၢ်ကွံာ်အတၢ်ဘူၣ်ထီၣ်ဘါထီၣ် ကစၢ်အဂၤတဖၣ်ဒီးသုးကွံာ်အစီၤပၤတဖၣ်အစိၣ်န့ၣ်လီၤ. အဝဲသ့ၣ် မ့ၢ်မၤဝဲဒ်န့ၣ်ဒီး, ယကအိၣ်ဆိးလၢအဝဲသ့ၣ်အကျါလီၤစိၤလီၤထီန့ၣ်လီၤ.

လံာ်စကၤရယၤ 1:3

ဘၣ်ဆၣ်ဒီးခဲအံၤယစံးဘၣ်သု, ဟဲက့ၤကဒါက့ၤဆူယအိၣ်တက့ၢ်. ဒီးယကဟဲက့ၤကဒါက့ၤဆူသုအိၣ်လီၤ.

လံာ်မးသဲ 12:33

ဒ်သိးနကန့ၢ်ဘၣ်သ့ၣ်သၣ်လၢအဂ့ၤန့ၣ်, နကဘၣ်အိၣ်ဒီးသ့ၣ်လၢ အဂ့ၤလီၤ. သ့ၣ်လၢအတဂ့ၤန့ၣ်ဟ့ၣ်ထီၣ်သ့ၣ်သၣ်လၢအတဂ့ၤလီၤ. အဂ့ၢ်ဒ်အံၤ, သ့ၣ်မ့ၢ်တၢ်ဒ်လဲၣ်န့ၣ်အသၣ်လီၣ်ဖျါထီၣ်အီၤလီၤ.

လံာ်မးသဲ 23:26

ပှၤဖၤရံၤၡဲဘျီၣ်မဲာ်သ့ၣ်ဧၢ, မၤကဆှီတၢ်အိၣ်လၢလီခီတဖၣ်အပူၤ လၢညါ, ဒ်သိးလီခီတဖၣ်အချၢစ့ၢ်ကီးကကဆှီထီၣ်ဝဲအဂီၢ်န့ၣ်တက့ၢ်.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

လံာ်သိၣ်လီၤသီလီၤတၢ် 30:15

တနံၤအံၤယဟ့ၣ်လီၤသုတၢ်ဃုထၢတမံၤလၢတၢ်ဂ့ၤဒီးတၢ်အၢအဘၢၣ် စၢၤ, လၢတၢ်မူဒီးတၢ်သံအဘၢၣ်စၢၤန့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.