လံာ်ယဃ့းစက့လး 18:27 - Sgaw Karen Common Bible

²⁷ ဖဲပှၤအၢပှၤသီတဂၤဆိကတီၢ်မၤတၢ်ဒဲးဘးဒီးမၤတၢ်အဘၣ်ဒီး ဂ့ၤဝဲန့ၣ်, အဝဲအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 18:27 Iomraidhean Croise

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 18:21

ပှၤအၢပှၤသီတဂၤမ့ၢ်ဆိကတီၢ်မၤတၢ်ဒဲးဘးဒီးတိၢ်န့ၢ်ဖံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်, အဝဲမ့ၢ်မၤတၢ်လၢအဘၣ်ဒီးအဂ့ၤန့ၣ်, အဝဲတသံဝဲဘၣ်. အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:26

ဖဲပှၤတီပှၤလိၤတဂၤဆိကတီၢ်မၤတၢ်ဂ့ၤဒီးစးထီၣ်မၤတၢ်အၢတၢ် သီဒီးသံဝဲန့ၣ်, အဝဲသံဝဲ, မ့ၢ်လၢတၢ်အၢတၢ်သီလၢအဝဲမၤတ့ၢ် အီၤအဃိန့ၣ်လီၤ.

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်ယဃ့းစက့လး 33:14

ဘၣ်တဘၣ်ယကဟ့ၣ်ပလီၢ်ပှၤအၢပှၤသီတဂၤလၢအဝဲကသံ, ဘၣ်ဆၣ်အဝဲမ့ၢ်ဆိကတီၢ်မၤတၢ်ဒဲးဘးဒီးမၤတၢ်လၢအဘၣ်ဒီး ဂ့ၤဝဲလီၤ.

လံာ်ယဃ့းစက့လး 33:5

အဝဲအတၢ်သံန့ၣ်မ့ၢ်အတၢ်ကမၣ်ဒၣ်ဝဲမ့ၢ်လၢအဝဲတကနၣ်ဃုာ်ဘၣ် တၢ်ဟ့ၣ်ပလီၢ်အဃိန့ၣ်လီၤ. အဝဲမ့ၢ်ကနၣ်ဃုာ်တၢ်ဟ့ၣ်ပလီၢ်န့ၣ်, အဝဲပူၤဖျဲးသ့ဝဲန့ၣ်လီၤ.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.