လံာ်ယဃ့းစက့လး 18:23 - Sgaw Karen Common Bible

²³ မ့ၢ်သုဆိကမိၣ်လၢယသးမုာ်သးခုလၢယထံၣ်ဘၣ်ပှၤအၢပှၤသီ တဂၤသံဝဲန့ၣ်ဧါ. ယွၤပၢဘၣ်တၢ်ခဲလၢာ်ကစၢ်သံကွၢ်ဝဲ. တမ့ၢ်ဘၣ်, ယအဲၣ်ဒိးထံၣ်ဒါခီလၢအဝဲကပီၢ်ယၢ်လီၤက့ၤအသးဒီး မူဝဲန့ၣ်လီၤ.

လံာ်ယဃ့းစက့လး 18:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်သးသယုၢ်တၢ် 3:33

တမုာ်ဘၣ်အသးလၢတၢ်ဒုးလီၤဘၣ်ပှၤလၢတၢ်သးအုးမ့ၢ်ဂ့ၤတၢ်ဆူး တၢ်ဆါမ့ၢ်ဂ့ၤအပူၤန့ၣ်ဘၣ်.

လံာ်ယဃ့းစက့လး 18:32

ယွၤပၢဘၣ်တၢ်ခဲလၢာ်ကစၢ်စံးဝဲ, “ယတအဲၣ်ဒိးလၢပှၤကသံ နီတဂၤဘၣ်. ဃၣ်ကွံာ်သုသးလၢသုတၢ်ဒဲးဘးတဖၣ်ဒီးမူသုဝဲတက့ၢ်.”

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

၁ တံၤမသ့း 2:4

လၢအသးအိၣ်လၢပှၤကိးဂၤဒဲးကတုၤလၢတၢ်အုၣ်က့ၤခီၣ်က့ၤ ဒီးကဒိးန့ၢ်တၢ်သ့ၣ်ညါတၢ်မ့ၢ်တၢ်တီအဂီၢ်န့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.