လံာ်ယဃ့းစက့လး 18:22 - Sgaw Karen Common Bible

²² အဝဲအတၢ်ဒဲးဘးခဲလၢာ်, ကဘၣ်တၢ်ပျၢ်ကွံာ်အီၤဒီးအဝဲ ကမူဝဲလီၤ. အဂ့ၢ်ဒ်အံၤ, အဝဲမၤတၢ်လၢအဘၣ်န့ၣ်လီၤ.

လံာ်ယဃ့းစက့လး 18:22 Iomraidhean Croise

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:23

အိယွၤဧၢ, ဒိကနၣ်လၢ်လၢမူခိၣ်ဒီးစံၣ်ညီၣ်နခ့နပှၤတဖၣ်န့ၣ်တ က့ၢ်. စံၣ်ညီၣ်ဃၣ်ပှၤလၢအတၢ်ကမၣ်အိၣ်တဂၤဒ်အကြၢးဒိးဘၣ်ဝဲ အသိး, ဒီးပျၢ်ကွံာ်ပှၤတဂၤလၢအတၢ်ကမၣ်တအိၣ်ဘၣ်န့ၣ်တက့ၢ်.

စံးထီၣ်ပတြၢၤ 103:12

ဒ်မုၢ်ထီၣ်တခီယံၤဝဲဒီးမုၢ်နုာ်အသိးန့ၣ်, အဝဲသုးကွံာ်ပတၢ်သရူးကမၣ်ဒီးပှၤလီၤ.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:20

ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 33:16

ယကပျၢ်ကွံာ်တၢ်ဒဲးဘးတဖၣ်လၢအဝဲမၤတ့ၢ်ဝဲ, ဒီးအဝဲကမူဝဲ, မ့ၢ်လၢအဝဲမၤတ့ၢ်တၢ်လၢအဘၣ်ဒီး ဂ့ၤဝဲအဃိန့ၣ်လီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ဧ့ၤဘြံၤ 8:12

ယကသူၣ်ကညီၤသးကညီၤအတၢ်မၤကမၣ်တၢ်တဖၣ် ဒီးယတသ့ၣ်နီၣ်ထီၣ်အဝဲသ့ၣ် အတၢ်ဒဲးဘးတဖၣ်လၢၤဘၣ်.”

၁ ယိၤဟၣ် 3:7

ဖိသ့ၣ်လံၤသ့ၣ်ဧၢ, မ်ပှၤသုတလီန့ၢ်သုနီတဂၤတဂ့ၤ. မတၤတဂၤဂ့ၤတဂၤဂ့ၤလၢအမၤတၢ်မ့ၢ်တၢ်တီန့ၣ်, မ့ၢ်ပှၤအတီအလိၤဒ်ခရံာ်တီဝဲလိၤဝဲအသိးန့ၣ်လီၤ.