လံာ်ယဃ့းစက့လး 18:21 - Sgaw Karen Common Bible

²¹ ပှၤအၢပှၤသီတဂၤမ့ၢ်ဆိကတီၢ်မၤတၢ်ဒဲးဘးဒီးတိၢ်န့ၢ်ဖံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်, အဝဲမ့ၢ်မၤတၢ်လၢအဘၣ်ဒီးအဂ့ၤန့ၣ်, အဝဲတသံဝဲဘၣ်. အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:21 Iomraidhean Croise

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:112

ယပာ်လီၤယသးလၢ ယကတိၢ်န့ၢ်နတၢ်မၤလိာ်တဖၣ် တုၤမုၢ်တနံၤလၢယသံန့ၣ်လီၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယံးရမံယၤ 18:8

ဘၣ်ဆၣ်ဒီး, ပှၤကလုာ်အဝဲန့ၣ်မ့ၢ်ဃၣ်ကွံာ်အသးလၢတၢ်အၢ တၢ်သီဒီး, ယတမၤတၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ယံးရမံယၤ 26:3

ဘၣ်သ့ၣ်သ့ၣ် ပှၤဂီၢ်မုၢ်ကဒိကနၣ်ဝဲဒီး ဃၣ်ကွံာ်အသးလၢ အကျဲ အအၢအသီတဖၣ်န့ၣ်လီၤ. အဝဲသ့ၣ်မ့ၢ် မၤဝဲဒီး, ယကလဲလိာ်ကွံာ် ယတၢ်ပာ်လီၤယသးလၢ တၢ်ဟးဂီၤလၢ ယကူၣ်ထီၣ်လၢ ယကဒုးလီၤဘၣ်လၢ အဝဲသ့ၣ်အလိၤလၢ အဝဲသ့ၣ်အတၢ်မၤအအၢအသီ တဖၣ်အဃိန့ၣ်လီၤ.”

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 18:17

အဝဲဂ့ၢ်လိာ်လၢကမၤတၢ်အၢတၢ်သီဒီးတဟ့ၣ်လိၢ်လီၤစ့လၢတၢ်အါ ထီၣ်အဂီၢ်န့ၣ်ဘၣ်. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးစူၢ် ယတၢ်မၤလိာ်တဖၣ်န့ၣ်လီၤ. အဝဲတသံဘၣ်လၢအပၢ်အတၢ်ဒဲးဘးတဖၣ်အဃိဘၣ်. မ့မ့ၢ်အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:19

ဘၣ်ဆၣ်နသံကွၢ်နဲလီၤ. ဘၣ်မနုၤဖိခွါတဂၤန့ၣ်တတူၢ်ဘၣ်တၢ်လၢ အပၢ်အတၢ်ဒဲးဘးတဖၣ်အဃိန့ၣ်လဲၣ်. တၢ်စံးဆၢတခီမ့ၢ်ဝဲ, ဖိခွါမၤတၢ်လၢအတီအဘၣ်ဒီးဂ့ၤဝဲန့ၣ်လီၤ. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပိာ် ထွဲအီၤလီၤတံၢ်လီၤဆဲးအဃိ, အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:30

ခဲကနံၣ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုဝဲ ပှၤအံၣ်စရ့လးဖိတဖၣ်လၢ, ယကစံၣ်ညီၣ်သုဝဲတဂၤဘၣ် တဂၤစုာ်စုာ်ဒ်တၢ်လၢသုမၤတ့ၢ်အီၤအသိးန့ၣ်လီၤ. ဃၣ်ကွံာ်သုသးလၢကယဲၢ်တၢ်အၢတၢ်သီလၢသုမၤအီၤ, ဒီးပျဲသုတၢ်ဒဲးဘးမၤဟးဂီၤသုန့ၣ်တဂ့ၤ.

လံာ်ယဃ့းစက့လး 18:5

ပစံးဒၣ်ကလိာ်ပှၤအဂ့ၤနီၢ်နီၢ်အိၣ်ဝဲတဂၤလၢ အတီဝဲလိၤဝဲဒီးကတိၤတၢ်မ့ၢ်တၢ်တီန့ၣ်လီၤ.

လံာ်ယဃ့းစက့လး 18:9

ပှၤဒ်သိးန့ၣ်တဂၤစူၢ်ယတၢ်မၤလိာ်တဖၣ်ဒီးတိၢ်န့ၢ်ဟံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ်လီၤ. အဝဲမ့ၢ်ပှၤအတီအလိၤဒီးအဝဲကမူဝဲဒၣ်လီၤ. ယွၤပၢဘၣ်တၢ်ခဲလၢာ်အကစၢ်စံးတၢ်န့ၣ်လီၤ.

လံာ်ယဃ့းစက့လး 3:21

နမ့ၢ်ဟ့ၣ်ပလီၢ်ပှၤ အဂ့ၤတဂၤဒ်သိး အသုတမၤတၢ်ဒဲးဘးတဂ့ၤ, ဒီးအဝဲမ့ၢ် ဒိကနၣ်နၤ, ဒီးမ့ၢ်တမၤတၢ်ဒဲးဘးဘၣ်ဒီး, အဝဲကမူဒံးဝဲဒီး နသးသမူကဘၣ်တၢ်မၤပူၤမၤဖျဲးအီၤ စ့ၢ်ကီးန့ၣ်လီၤ.”

လံာ်ယဃ့းစက့လး 33:19

ဖဲပှၤအၢပှၤသီတဂၤပျဲကွံာ်အတၢ်မၤတၢ်ဒဲးဘးဒီးမၤတၢ်လၢ အဘၣ်ဒီးဂ့ၤဝဲန့ၣ်, အဝဲအုၣ်က့ၤခီၣ်က့ၤတ့ၢ်အသးသမူန့ၣ်လီၤ.

လံာ်ယဃ့းစက့လး 36:27

ယကဒၢနုာ်လီၤယသးလၢသုပူၤဒီးယကကွၢ်, လၢမ့ၢ်သု ပိာ်ထွဲယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတိၢ်န့ၢ်ဖံးဃာ် တၢ်မၤလိာ်တဖၣ်လၢယဟ့ၣ်လီၤတ့ၢ်သုကစီဒီဧါန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

ယၤကိာ် 2:14

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်စံးဝဲလၢအဝဲအိၣ်ဒီးတၢ်စူၢ် တၢ်နာ်ဘၣ်ဆၣ်အတၢ်မၤမ့ၢ်တအုၣ်အသးဒ်န့ၣ်ဘၣ်ဒီး, အဘျုးအိၣ် မနုၤလဲၣ်. တၢ်စူၢ်တၢ်နာ်အဝဲန့ၣ်အုၣ်က့ၤခီၣ်က့ၤအီၤဘၣ်ကသ့ဧါ.

ယၤကိာ် 2:26

လၢတၢ်န့ၣ်အဃိ, ဒ်နီၢ်ခိလၢအတအိၣ်ဘၣ်ဒီးသးသံဝဲ အသိးန့ၣ်, တၢ်စူၢ်တၢ်နာ်လၢအတအိၣ်ဘၣ်ဒီးတၢ်မၤန့ၣ် သံဝဲစ့ၢ်ကီးန့ၣ်လီၤ.