လံာ်ယဃ့းစက့လး 18:18 - Sgaw Karen Common Bible

¹⁸ ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ အဃိန့ၣ်လီၤ.

လံာ်ယဃ့းစက့လး 18:18 Iomraidhean Croise

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယဃ့းစက့လး 18:17

အဝဲဂ့ၢ်လိာ်လၢကမၤတၢ်အၢတၢ်သီဒီးတဟ့ၣ်လိၢ်လီၤစ့လၢတၢ်အါ ထီၣ်အဂီၢ်န့ၣ်ဘၣ်. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးစူၢ် ယတၢ်မၤလိာ်တဖၣ်န့ၣ်လီၤ. အဝဲတသံဘၣ်လၢအပၢ်အတၢ်ဒဲးဘးတဖၣ်အဃိဘၣ်. မ့မ့ၢ်အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:19

ဘၣ်ဆၣ်နသံကွၢ်နဲလီၤ. ဘၣ်မနုၤဖိခွါတဂၤန့ၣ်တတူၢ်ဘၣ်တၢ်လၢ အပၢ်အတၢ်ဒဲးဘးတဖၣ်အဃိန့ၣ်လဲၣ်. တၢ်စံးဆၢတခီမ့ၢ်ဝဲ, ဖိခွါမၤတၢ်လၢအတီအဘၣ်ဒီးဂ့ၤဝဲန့ၣ်လီၤ. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပိာ် ထွဲအီၤလီၤတံၢ်လီၤဆဲးအဃိ, အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 18:26

ဖဲပှၤတီပှၤလိၤတဂၤဆိကတီၢ်မၤတၢ်ဂ့ၤဒီးစးထီၣ်မၤတၢ်အၢတၢ် သီဒီးသံဝဲန့ၣ်, အဝဲသံဝဲ, မ့ၢ်လၢတၢ်အၢတၢ်သီလၢအဝဲမၤတ့ၢ် အီၤအဃိန့ၣ်လီၤ.

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ယဃ့းစက့လး 3:18

ယမ့ၢ်စံးလၢ ပှၤအအၢအသီတဂၤန့ၣ် ကသံဝဲလီၤ, ဘၣ်ဆၣ်ဒီး နမ့ၢ် တဟ့ၣ်ပလီၢ်အီၤလၢ ကလဲလိာ်အကျဲတဖၣ် ဒ်သိးအဝဲကအုၣ်က့ၤ ခီၣ်က့ၤအသးသမူဘၣ်န့ၣ်, အဝဲကသံဝဲဒ် အမ့ၢ်ဒံးဒၣ်ပှၤတၢ်ဒဲးဘးဖိ တဂၤအသိးန့ၣ်လီၤ. ဘၣ်ဆၣ်ဒီး, ယကဟံးဃာ်နၤဒ် ပှၤအိၣ်မူအိၣ်ဒါလၢ အဝဲအတၢ်သံအဂီၢ်န့ၣ်လီၤ.

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”