လံာ်ယဃ့းစက့လး 18:17 - Sgaw Karen Common Bible

¹⁷ အဝဲဂ့ၢ်လိာ်လၢကမၤတၢ်အၢတၢ်သီဒီးတဟ့ၣ်လိၢ်လီၤစ့လၢတၢ်အါ ထီၣ်အဂီၢ်န့ၣ်ဘၣ်. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးစူၢ် ယတၢ်မၤလိာ်တဖၣ်န့ၣ်လီၤ. အဝဲတသံဘၣ်လၢအပၢ်အတၢ်ဒဲးဘးတဖၣ်အဃိဘၣ်. မ့မ့ၢ်အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:17 Iomraidhean Croise

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:3

တမၤစ့ၢ်ကီးတၢ်ကမၣ်နီတမံၤဘၣ်. အဝဲသ့ၣ်လဲၤတၢ်လၢယွၤအကျဲတဖၣ်အပူၤလီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 29:14

စီၤပၤတဂၤမ့ၢ်ဒီဒၣ်စၢၤပှၤဖှီၣ်ဖိယာ်ဖိအတၢ်ခွဲးတၢ်ယာ်တဖၣ် ဒီး, အဝဲကပၢတၢ်ယံာ်ယံာ်ထၢထၢလီၤ.

တၢ်ကတိၤဒိ. 29:7

ပှၤအဂ့ၤတဂၤသ့ၣ်ညါပှၤဖှီၣ်ဖိယာ်ဖိအတၢ်ခွဲးတၢ်ယာ်တဖၣ်န့ၣ် လီၤ. မ့မ့ၢ်ပှၤအအၢအသီတဖၣ်နၢ်ပၢၢ်တၢ်ဒ်သိးအံၤတဖၣ်တသ့ဘၣ်.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 22:16

အဝဲစံၣ်ညီၣ်န့ၢ်ပှၤဖှီၣ်ဖိယာ်ဖိတဖၣ်အကွီၢ်တီတီလိၤလိၤ ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢအဂီၢ်လီၤ. တၢ်န့ၣ်အခီပညီမ့ၢ်တၢ်သ့ၣ်ညါယွၤန့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 18:18

ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ အဃိန့ၣ်လီၤ.

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်ယဃ့းစက့လး 20:18

အခိၣ်တလိာ်ယဟ့ၣ်ပလီၢ်ပှၤသးစၢ်တဖၣ်လၢအဝဲသ့ၣ်အကျါလီၤ. တိၢ်န့ၢ်ဟံးဃာ်တၢ်သိၣ်တၢ်သီတဖၣ်လၢသုမိၢ်ပၢ်ဖံဖုလၢပျၢၤ တဖၣ်ဒုးအိၣ်ထီၣ်အီၤန့ၣ်တဂ့ၤ. ပိာ်ထွဲအဝဲသ့ၣ်အလုၢ်အလၢ်တဖၣ်မ့ၢ်ဂ့ၤ, မၤဘၣ်အၢလီၤသုသးလၢအဝဲသ့ၣ်အတၢ်ဂီၤတၢ်ဖီၣ်မ့ၢ်ဂ့ၤန့ၣ်တဂ့ၤ.

လံာ်ယဃ့းစက့လး 20:30

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢ, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲတက့ၢ်. ဘၣ်မနုၤလၢသုဘၣ်မၤတၢ်ဒဲးဘးတမံၤဃီလၢသုပၢ်တဖၣ် မၤတ့ၢ်အီၤဒီးလူၤပိာ်ထွဲအဝဲသ့ၣ်အတၢ်ဂီၤတၢ်ဖီၣ်တဖၣ် အခံန့ၣ်လဲၣ်.

လံာ်ယဃ့းစက့လး 3:21

နမ့ၢ်ဟ့ၣ်ပလီၢ်ပှၤ အဂ့ၤတဂၤဒ်သိး အသုတမၤတၢ်ဒဲးဘးတဂ့ၤ, ဒီးအဝဲမ့ၢ် ဒိကနၣ်နၤ, ဒီးမ့ၢ်တမၤတၢ်ဒဲးဘးဘၣ်ဒီး, အဝဲကမူဒံးဝဲဒီး နသးသမူကဘၣ်တၢ်မၤပူၤမၤဖျဲးအီၤ စ့ၢ်ကီးန့ၣ်လီၤ.”

လံာ်ယဃ့းစက့လး 33:13

ဘၣ်တဘၣ်ယကအၢၣ်လီၤဟ့ၣ်တၢ်မူဆူပှၤအဂ့ၤတဂၤလီၤ. ဘၣ်ဆၣ်အဝဲမ့ၢ်ဆိကမိၣ်ထီၣ်ဝဲလၢအဝဲအတၢ်ဂ့ၤလၢအပူၤကွံာ် တဖၣ်လၢပှဲၤဝဲလံ, ဒီးစးထီၣ်မၤတၢ်ဒဲးဘးန့ၣ်, ယတသ့ၣ်နီၣ် ထီၣ်က့ၤတၢ်ဂ့ၤလၢအဝဲမၤတ့ၢ်ဝဲတဖၣ်နီတမံၤဘၣ်. အဝဲကသံ လၢအတၢ်ဒဲးဘးတဖၣ်အဃိန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 18:26

အဝဲသ့ၣ်မၤတၢ်သးဘၣ်အၢတဖၣ်အံၤဒီးမၤဘၣ်အၢထံကီၢ်, မ့မ့ၢ်မၤသုဝဲတဂ့ၤ.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 18:4

ဒိကနၣ်မၤထွဲယတၢ်သိၣ်တၢ်သီ, ဒီးမၤတၢ်လၢယမၤလိာ်သု န့ၣ်တက့ၢ်. ယဲဒၣ်အံၤယမ့ၢ်ယွၤသုကစၢ်န့ၣ်လီၤ.

လံာ်မၤလကံ 3:7

ဒ်သုမိၢ်ပၢ်ဖံဖုလၢပျၢၤလၢသုမဲာ်ညါသ့ၣ်တဖၣ်အသိး, သုဃၣ်ကွံာ်သုသးလၢယတၢ်သိၣ်တၢ်သီဒီးတတိၢ်န့ၢ်ဘၣ်အီၤဘၣ်. ဟဲက့ၤဆူယအိၣ်တက့ၢ်. ဒီးယကဟဲက့ၤဆူသုအိၣ်န့ၣ်လီၤ. ဘၣ်ဆၣ်သုသံကွၢ်, ‘ပကဟဲက့ၤကဒါက့ၤဒ်လဲၣ်.’

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.