လံာ်ယဃ့းစက့လး 18:16 - Sgaw Karen Common Bible

¹⁶ တဆီၣ်ဘံၣ်ဆီၣ်ဘၢပှၤနီတဂၤမ့ၢ်ဂ့ၤ, တဂုာ်ဆူၣ်ပျီဆူၣ်ပှၤနီ တဂၤမ့ၢ်ဂ့ၤန့ၣ်ဘၣ်. အဝဲဟ့ၣ်ကဒါက့ၤတၢ်လၢပှၤဃ့လိၢ်တၢ်တဂၤဟ့ၣ်ပာ်အီၤဒ်တၢ်အုၣ် ကီၤအသိးန့ၣ်လီၤ. အဝဲလုၢ်အီၤလုၢ်အီ ပှၤလၢတၢ်သၣ်ဝံၤအသးတဖၣ်ဒီးဒုးကူဒုးသိးပှၤလၢအအိၣ်ဘ့ၣ်ဆ့ တဖၣ်န့ၣ်လီၤ.

လံာ်ယဃ့းစက့လး 18:16 Iomraidhean Croise

လံာ်စီၤယိၤဘး 22:6

နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

လံာ်စီၤယိၤဘး 22:7

ပှၤလၢတၢ်ဘှံးအသးန့ၣ်နတဒုးအီအီၤလၢထံဘၣ်ဒီးပှၤလၢတၢ် သၣ်ဝံၤအသးန့ၣ်နတဒုးအီၣ်အီၤလၢတၢ်အီၣ်ဘၣ်.

လံာ်စီၤယိၤဘး 31:16

ယတဂ့ၢ်လိာ်လၢယကမၤစၢၤပှၤဖှီၣ်ဖိယာ်ဖိမ့ၢ်ဂ့ၤ, ယတပျဲပှၤ မုၣ်ကမဲတဖၣ်အိၣ်လၢတၢ်သူၣ်ဟးဂူာ်သးဟးဂီၤအပူၤမ့ၢ်ဂ့ၤနီ တဘျီဘၣ်.

လံာ်စီၤယိၤဘး 31:19

တုၤယထံၣ်ဘၣ်ပှၤတဂၤဂၤလၢအလိၣ်ဘၣ်တၢ်မၤစၢၤ, ဒီးဖှီၣ်ဝဲယာ်ဝဲတုၤအကူအသိးလၢကမၤလၢၤအီၤတအိၣ်ဘၣ်ဒီး,

လံာ်စီၤယိၤဘး 31:20

ယကဟ့ၣ်အီၤတၢ်ကူတၢ်သိးလၢအဘၣ်တၢ်မၤအီၤလၢ သိအဆူၣ်လၢအဟဲထီၣ်လၢယသိဒၣ်ယဲတဖုအပူၤန့ၣ်လီၤ. အန့ၣ်ဒီးအဝဲဒၣ်ကစံးထီၣ်ပတြၢၤယၤလၢ အသးဒီဖျၢၣ်ညါန့ၣ်လီၤ.

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

တၢ်ကတိၤဒိ. 25:21

နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်အီၤတက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤလၢထံတလီခီတက့ၢ်.

တၢ်ကတိၤဒိ. 31:20

အဝဲဟ့ၣ်တၢ်ညီလၢပှၤဖှီၣ်ဖိယာ်ဖိဒီးပှၤလၢအတၢ်တအိၣ်တဖၣ်န့ၣ် လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 18:15

အဝဲတဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ် တဖၣ်လၢတၢ်တြီဃာ်အီၤမ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ပှၤအဂၤတဂၤအမါမ့ၢ်ဂ့ၤ,

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်မးသဲ 25:35

အဂ့ၢ်ဒ်အံၤ, တၢ်သၣ်ဝံၤယသးဒီးသုဟ့ၣ်အီၣ်ဟ့ၣ်အီယၤ, တၢ်သူယသးလၢထံဒီးသုဒုးအီယၤ, ယမ့ၢ်ပှၤသမှံၤတဂၤဒီးသုတူၢ်လိာ်ယၤလၢသုဟံၣ်သုဃီတဖၣ် အပူၤ,

လံာ်မးသဲ 25:36

ယအိၣ်ဘ့ၣ်ဆ့ဒီးသုဒုးကူဒုးသိးယၤ, ယဘၣ်ဆူးဘၣ်ဆါဒီးသုအံးက့ၤကွၢ်က့ၤယၤ, ယအိၣ်လၢဃိာ်ပူၤဒီးသုဟဲအိၣ်သကိးယၤလီၤ.’

လံာ်လူၤကၣ် 11:41

မ့မ့ၢ်, ဟ့ၣ်ပှၤဖှီၣ်ဖိယာ်ဖိတဖၣ်တၢ်အိၣ်လၢသုလီခီတဖၣ်အပူၤန့ၣ် တက့ၢ်. ဒီးတၢ်ခဲလၢာ်ခဲဆ့ကကဆှီဝဲလၢသုဂီၢ်လီၤ.

လံာ်လူၤကၣ် 14:13

မ့မ့ၢ်နဲဒၣ်အံၤ, ဖဲနကတဲာ်ကတီၤတၢ်အီၣ်တၢ်အီအမူးန့ၣ်, ကွဲပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤခီၣ်ဟးဂီၤဒီးပှၤမဲာ်ဘျီၣ်တဖၣ်န့ၣ်တက့ၢ်.