လံာ်ယဃ့းစက့လး 17:9 - Sgaw Karen Common Bible

⁹ လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်သံကွၢ် တၢ်န့ၣ်လီၤ. မ့ၢ်စပံးမုၢ်အံၤကဒီးဒိၣ်ထီၣ်စ့ၢ်ကီးဧါ. လံာ်ကြီကြာ်အဆိကတၢၢ်တဘ့ၣ်တထဲးထီၣ်ကွံာ်အီၤလၢအဂံၢ်, ဒ့ကွံာ်အစပံးသၣ်တဖၣ်, ဒီးမၤကၢ်ကွံာ်အဒ့တဖၣ်ဒီးပျဲအဃ့ ထီကွံာ်ဘၣ်န့ၣ်ဧါ. လၢတၢ်ကထဲးထီၣ်ကွံာ်အီၤအဂီၢ်န့ၣ်, တလိၣ်တၢ်ဂံၢ်တၢ်ဘါအါအါကဲာ်ဆိးမ့ၢ်ဂ့ၤ, ပှၤတကလုာ်လၢအဂံၢ် ဆူၣ်အဘါဆူၣ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 17:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်ယံးရမံယၤ 32:5

စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ် ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ယဃ့းစက့လး 17:10

မ့ၢ်. စပံးမုၢ်အံၤဘၣ်တၢ်သူၣ်လီၤတ့ၢ်အီၤလံ. ဘၣ်ဆၣ်မ့ၢ် ကမူဒီးဒိၣ်ထီၣ်ကစီဒီဧါ. ဖဲမုၢ်ထီၣ်အကလံၤအူဘၣ်အီၤဒီး, မ့ၢ်အတလီၤညွံးလီၤဘဲကွံာ်ဘၣ်ဧါ. ဖဲအဒိၣ်ထီၣ်အဝဲအလီၢ်န့ၣ် မ့ၢ်အတဃ့ထီကွံာ်ဘၣ်ဧါ.”

လံာ်ယဃ့းစက့လး 17:8

ဘၣ်ဆၣ်ဒီး, စပံးမုၢ်န့ၣ်ဘၣ်တၢ်သူၣ်လီၤတ့ၢ်လံအီၤလၢဟီၣ်ခိၣ် ညၣ်ထ့ၣ်ဂ့ၤအပျီတဘ့ၣ်လၢထံန့ၣ်ဂ့ၤဝဲဒ်သိး, အလၣ်တဖၣ်ကဂ့ၤဝဲ ဒီးကသၣ်ထီၣ်စပံးသၣ်တဖၣ်ဒီးကဲထီၣ်စပံးမုၢ်လၢအလီၤဘီလီၤ မုၢ်တမုၢ်အဂီၢ်န့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်တၢ်ဂံၢ် 14:41

ဘၣ်ဆၣ်ဒီးစီၤမိၤၡ့စံးဝဲဒၣ်, “မ့မ့ၢ်ဒ်န့ၣ်ဒီးခဲအံၤဘၣ်မနုၤသု တစူၢ်ယွၤန့ၣ်လဲၣ်. သုတမၤနၢၤတၢ်ဘၣ်.