လံာ်ယဃ့းစက့လး 17:6 - Sgaw Karen Common Bible

⁶ တၢ်မုၢ်တၢ်ဘိန့ၣ်ဒိးပဒုၣ်ထီၣ်ဒီးကဲထီၣ်စပံးမုၢ်အဖုၣ်တမုၢ် လၢအခိၣ်ကဟုဒီးတယၢ်ထီၣ်အသးန့ၣ်လီၤ. အဒ့တဖၣ်ဒိၣ်ထီၣ်ဆူထးခီဆူလံာ်ကြီကြာ်အအိၣ်, ဒီးအဂံၢ်တဖၣ်စဲၤလီၤအသးယိာ်ဝဲလီၤ. စပံးမုၢ်န့ၣ်ပှဲၤဝဲဒီးအဒ့တဖၣ်ဒီးအလၣ်တဖၣ်န့ၣ်လီၤ.

လံာ်ယဃ့းစက့လး 17:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်ယၡါယၤ 18:5

တချုးဒံးဘၣ်လၢစပံးသၣ်တဖၣ်ဘၣ်တၢ်ပာ်ဖှိၣ်က့ၤအီၤ, ဖဲအဖီတဖၣ်လီၤဆှုဝဲဒီးစပံးသၣ်တဖၣ်မံထီၣ်ဝဲဒံးဘၣ်န့ၣ်, ဒုၣ်ဒါကမၤဟးဂီၤပှၤကူၤၡးဖိတဖၣ်ညီကဒၣ်ဒ်နးတဘ့ၣ်ဒီၣ် တဲာ်ကွံာ်စပံးမုၢ်အဒ့တဖၣ်လၢစပံးတမုၢ်အလိၤအသိးန့ၣ်လီၤ.

လံာ်ယဃ့းစက့လး 17:14

ဒ်သိးကတြီဃာ်ပှၤကလုာ်လၢအသုတဆၢထၢၣ်ပူထီၣ်ကဒီးတၢ် တဂ့ၤဒီးဒ်သိးကမၤလီၤတံၢ်ဝဲလၢလံာ်ဃံၤဃာ်ကဘၣ်တၢ်ဟံးဃာ်ဂၢၢ် ကျၢၤအီၤအဂီၢ်န့ၣ်လီၤ.

လံာ်ယဃ့းစက့လး 17:5

ဝံၤဒီးအဝဲဟံးန့ၢ်တၢ်မုၢ်တၢ်ဘိအစၢ်တမုၢ်လၢကီၢ်အံၣ်စရ့လး အပူၤဒီးသူၣ်လီၤအီၤလၢဟီၣ်ခိၣ်ညၣ်ထ့ၣ်အပျီတဘ့ၣ်အပူၤ, ဖဲထံအိၣ်ဝဲထီဘိလၢကဒုးဒိၣ်ထီၣ်အီၤအဂီၢ်န့ၣ်လီၤ.

လံာ်ယဃ့းစက့လး 17:7

လံာ်ကြီကြာ်ဖးဒိၣ်အဂၤအိၣ်ဝဲတဘ့ၣ်, လၢအအိၣ်ဒီးအဒံး ဆ့ဖးဒိၣ်တဖၣ်ဒီးအဆူၣ်အဒံးလၢအတီၣ်ဝဲန့ၣ်လီၤ. ဒီးခဲကနံၣ်အံၤစပံးမုၢ်န့ၣ်ယူာ်ထီၣ်အဂံၢ်ဆူအအိၣ်ဒီးယူာ် ဃီၤအလၣ်တဖၣ်ဆူအအိၣ်, အိၣ်ဒီးတၢ်မုၢ်လၢ်လၢအဝဲကဟ့ၣ်အီၤထံအါန့ၢ်ဒံးလၢအအိၣ်လၢ တၤသၣ်လီၢ်အပူၤ, တၢ်လီၢ်ဖဲအဝဲမဲထီၣ်ဒိၣ်ထီၣ်န့ၣ်လီၤ.

လံာ်ယဃ့းစက့လး 19:10

သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

လံာ်ယဃ့းစက့လး 29:15

ဘီမုၢ်အဂံၢ်စၢ်ဘါစၢ်ကတၢၢ်လၢဘီမုၢ်တဖၣ်အကျါ, ဒီးအဝဲသ့ၣ်တပၢကဒီးတၢ်လၢပှၤကလုာ်ဂၤတဖၣ်အဖီခိၣ် နီတစုလၢၤဘၣ်. ယကဒုးကဲထီၣ်အဝဲသ့ၣ်လၢပှၤလၢအကါ တဒိၣ်နီတစဲးဘၣ်, တုၤဒၣ်လဲာ်, အဝဲသ့ၣ်ထုးန့ၢ် ပှၤကလုာ်အဂၤဆူ အဝဲသ့ၣ်အတၢ်အဲၣ်ဒိးအပူၤ တသ့ဝဲနီတဖုဘၣ်န့ၣ်လီၤ.

လံာ်မးသဲ 13:26

တုၤဘုအမုၢ်တဖၣ်ဒိၣ်ထီၣ်, ပျိာ်ထီၣ်သၣ်ထီၣ်ဒီး နီၣ်စံစၣ်အိၣ်ဖျါထီၣ်စ့ၢ်ကီးဝဲလီၤ.