လံာ်ယဃ့းစက့လး 17:3 - Sgaw Karen Common Bible

³ ဒ်သိးအဝဲသ့ၣ်ကသ့ၣ်ညါဘၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဘၣ်အဝဲသ့ၣ်န့ၣ်တက့ၢ်. လံာ်ကြီကြာ်ဖးဒိၣ်အိၣ်ဝဲတဘ့ၣ်လၢအအိၣ်ဒီးအဆူၣ်တဖၣ်လၢအဃံ လၤဒီးအဒံးဆ့ဖးဒိၣ်တဖၣ်လၢအသလၣ်ထီၣ်ဝဲန့ၣ်လီၤ. အဝဲယူၤဝဲဆူလဘၤနိၣ်အကစၢၢ်ကလိတဖၣ်ဒီးမၤကၢ်ကွံာ်သ့ၣ်ဆှိ အ့ရ့းတထူၣ်အစိးနါ,

လံာ်ယဃ့းစက့လး 17:3 Iomraidhean Croise

လံာ်ယံးရမံယၤ 24:1

ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 48:40

ယွၤအၢၣ်လီၤတ့ၢ်ဝဲလၢ ပှၤတကလုာ်ကဟဲလီၤလၢကီၢ်မိၤအး အဖီခိၣ်လီၤဂာ်ဒီး လံာ်ကြီကြာ်တဘ့ၣ်လၢအဒံးဆ့တဖၣ်သလၣ် ထီၣ်အသးဒီး ယူၤလီၤဝဲန့ၣ်လီၤ.

လံာ်ယံးရမံယၤ 49:16

နတၢ်ပာ်ကဖၢလၢနသးလီန့ၢ်နၤလီၤ. ပှၤတပျံၤဘၣ်နၤနီတဂၤ, ထဲသိးနဆိကမိၣ်လၢ အဝဲသ့ၣ်ကပျံၤဝဲန့ၣ်ဘၣ်. နအိၣ်နဆိးလၢ လ့ကဘျၣ်တဖၣ်အဖီခိၣ်အိၣ်ထီၣ်ထီဝဲလၢ ကစၢၢ်ဒီခိၣ် အလိၤန့ၣ်လီၤ. ဘၣ်ဆၣ်ဒီး, နမ့ၢ်အိၣ်မ့ၢ်ဆိးထီၣ်ထီထဲသိးဒီး လံာ်ကြီကြာ်ဒၣ်လဲာ်န့ၣ်, ယွၤကထုးလီၤကွံာ်နၤလီၤ. ယွၤကတိၤလံတၢ်လံ.”

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်ယဃ့းစက့လး 17:4

လၢအလဲၤစိာ်ကွံာ်ဝဲဆူကီၢ်ကၤတၢ်တဘ့ၣ်အပူၤ, ဒီးပာ်လီၤအီၤလၢပှၤကူၣ်တၢ်ကၤတၢ်တဖၣ်အဝ့ၢ်တဝ့ၢ်အပူၤန့ၣ်လီၤ.

လံာ်ယဃ့းစက့လး 17:7

လံာ်ကြီကြာ်ဖးဒိၣ်အဂၤအိၣ်ဝဲတဘ့ၣ်, လၢအအိၣ်ဒီးအဒံး ဆ့ဖးဒိၣ်တဖၣ်ဒီးအဆူၣ်အဒံးလၢအတီၣ်ဝဲန့ၣ်လီၤ. ဒီးခဲကနံၣ်အံၤစပံးမုၢ်န့ၣ်ယူာ်ထီၣ်အဂံၢ်ဆူအအိၣ်ဒီးယူာ် ဃီၤအလၣ်တဖၣ်ဆူအအိၣ်, အိၣ်ဒီးတၢ်မုၢ်လၢ်လၢအဝဲကဟ့ၣ်အီၤထံအါန့ၢ်ဒံးလၢအအိၣ်လၢ တၤသၣ်လီၢ်အပူၤ, တၢ်လီၢ်ဖဲအဝဲမဲထီၣ်ဒိၣ်ထီၣ်န့ၣ်လီၤ.

လံာ်ယဃ့းစက့လး 31:3

နလီၤဂာ်ဒီးသ့ၣ်ဆှိအ့းရ့းတထံးလၢကီၢ်လဘၤနိၣ်, လၢအအိၣ်ဒီး အဒ့ဃံလၤကဒုဂ့ၤမးတဖၣ်, သ့ၣ်တထူၣ်လၢအထီဝဲတုၤထီၣ်ဘး လၢတၢ်အၢၣ်တဖၣ်န့ၣ်လီၤ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.

လံာ်ဒၤနံးယ့လး 7:4

အခီၣ်ထံးတဒုလီၤဂာ်ဒီးခ့ယုၢ်တဒု, ဘၣ်ဆၣ်အိၣ်ဒီးအဒံးဆ့ တဖၣ်ဒ်လံာ်ကြီကြာ်တဘ့ၣ်အသိးန့ၣ်လီၤ. ဖဲယခိးကွၢ်တၢ်အဖၢမုၢ်န့ၣ်အဒံးတဖၣ်ယာ်ဖျ့ကွံာ်ခဲလၢာ် လီၤ. ဒီးဆၣ်ဖိကီၢ်ဖိအၢအၢသီသီန့ၣ်ဘၣ်တၢ်ဝံၢ်ထီၣ် အီၤဒီးဒုးဆၢထၢၣ်အီၤဒ်ပှၤကညီတဂၤအသိးန့ၣ်လီၤ. အန့ၣ်ဝံၤဒီးဘၣ်တၢ်ဟ့ၣ်လီၤအီၤလၢပှၤကညီအသးန့ၣ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်ဃဘးကူာ် 1:8

အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.

လံာ်မးသဲ 24:28

တၢ်လီၢ်တပူၤလၢ်လၢ်ဖဲတၢ်သံစိၣ်အိၣ်ဝဲန့ၣ်, လီတာ်ကအိၣ်ဖှိၣ်ဖဲန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.