လံာ်ယဃ့းစက့လး 17:22 - Sgaw Karen Common Bible

²² အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ယကဟံးန့ၢ်သ့ၣ်ဆှိအ့းရ့းဖးထီတထံးအစိးနါဒီးမၤကၢ်ကွံာ် အဒိးစၢ်ဖိအဒ့ဒီးသူၣ်လီၤအီၤလၢကစၢၢ်လၢအထီတဖျၢၣ်အဒီခိၣ်,

လံာ်ယဃ့းစက့လး 17:22 Iomraidhean Croise

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 72:16

မ်ဘုဧိၤဟုဧိၤကအိၣ်လၢပှဲၤဝဲလၢထံကီၢ်အပူၤ, ဒီးတၢ်လူၢ်တဖၣ် အဒီခိၣ်န့ၣ်ကဟူးဝးဝဲဒ်လဘၤနိၣ်အသိး မ်အသၣ်ထီၣ်အါအါဂီၢ်ဂီၢ်ဒ် လဘၤနိၣ်အတၤသၣ်တဖၣ်အသိးတက့ၢ်. မ်အဂုၤထီၣ်ပသီထီၣ်ဒ် နီၣ်ဧိၤမံၤဧိၤလၢစံာ်ပျီပူၤအသိးတက့ၢ်.

စံးထီၣ်ပတြၢၤ 80:15

ဟဲဒီးအုၣ်က့ၤခီၣ်က့ၤ စပံးမုၢ်လၢ နသူၣ်လီၤတ့ၢ်အီၤ, စပံးမုၢ်ဖိလၢနဒုးဒိၣ်ထီၣ်ဆူၣ်ထီၣ်အီၤအံၤတက့ၢ်.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 34:29

ယကဟ့ၣ်အဝဲသ့ၣ်စံာ်ပျီတဖၣ်လၢအအိၣ်ဒီးဟီၣ်ခိၣ်ညၣ်ထ့ၣ်လၢ အဂ့ၤဒီးမၤကတၢၢ်ကွံာ်တၢ်သၣ်ဝံၤလီၤဒိလၢကီၢ်ပူၤန့ၣ်လီၤ. ပှၤကလုာ်အဂၤတဖၣ်တကတိၤဆဲးအဲးလၢၤဘၣ်အဝဲသ့ၣ်နီတဘျီ လၢၤဘၣ်.

လံာ်ယဃ့းစက့လး 37:22

ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.