လံာ်ယဃ့းစက့လး 17:16 - Sgaw Karen Common Bible

¹⁶ ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိးန့ၣ်, ယစံးယဲလၢစီၤပၤအံၤကသံလၢကီၢ်ဘၤဘူၤလိၣ်အပူၤ မ့ၢ်လၢအဝဲမၤဟးဂီၤကွံာ်အတၢ်ဆိၣ်ဒီးအတၢ်အၢၣ်လီၤလၢအမၤတ့ၢ်ဝဲဒီးကီၢ်ဘၤဘူၤလိၣ်အစီၤပၤ, ပှၤတဂၤလၢအပာ်ထီၣ်အီၤလၢစီၤပၤအလီၢ်ပစိာ်အဃိန့ၣ်လီၤ.

လံာ်ယဃ့းစက့လး 17:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:2

(ပှၤကံးဘိၣ်ဖိတဖၣ်န့ၣ်တမ့ၢ်ပှၤအံၣ်စရ့လးဖိတဖၣ်ဘၣ်. အဝဲသ့ၣ်မ့ၢ်ပှၤအဆံးဖိတဖုလၢအမိၢ်ဖိအကျါလၢပှၤအံၣ်စရ့လးဖိတဖၣ် အၢၣ်လီၤဝဲလၢကအိၣ်ပှိၤဒီဒၣ်အီၤဘၣ်ဆၣ်, စီၤစီလူးကျဲးစၢးဒ်သိးကမၤဟးဂီၤကွံာ်အဝဲသ့ၣ် မ့ၢ်လၢအဝဲဒၣ်အတၢ်သးဆူၣ်သးဂဲၤလၢ ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်အဂီၢ်အဃိန့ၣ်လီၤ.)

လံာ်စီၤပၤခံဘ့ၣ်တဘ့ၣ် 24:17

စီၤနဘူၤကးန့စၢ်ဒုးကဲထီၣ်စီၤယဟိၤယါခံၣ်အဖါတံၢ်စီၤမး တးနယၤလၢကီၢ်ယူဒၤအစီၤပၤဒီးလဲလိာ်ကွံာ်ဝဲအမံၤဆူစီၤ စံးဒကံယၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:20

ယွၤအသးဒိၣ်ထီၣ်ဘၣ်ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ် တုၤဒၣ်လဲာ်အဝဲနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ်ညါန့ၣ် လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်တၢ်ဟးထီၣ်ကွံာ် 8:2

နမ့ၢ်ဂ့ၢ်လိာ်ဒီးယကစံၣ်ညီၣ်နထံနကီၢ်ခီဖျိတၢ်မၤပှဲၤအီၤဒီး ဒ့ၣ်ဧိၤကွီၣ်ဧိၤလီၤ.

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 39:7

အန့ၣ်ဝံၤဒီး, အဝဲအူခွဲးထီၣ်ကွံာ် စီၤစံးဒကံယၤ အမဲာ်ချံတဖၣ်ဒီး စၢဃာ်အီၤလၢ ထးသွဲတိၢ်ဘီဒ် သိး တၢ်ကက့ၤစိာ်အီၤဆူ ကီၢ်ဘၤဘူၤလိၣ်အဂီၢ်န့ၣ်လီၤ.

လံာ်ယံးရမံယၤ 52:11

အန့ၣ်ဝံၤဒီး, အဝဲမၢပှၤအူခွဲးထီၣ်ကွံာ်စီၤစံးဒကံယၤအမဲာ်ချံတဖၣ်, မၢပှၤစၢဃာ်အီၤလၢထးသွဲတဖၣ်ဒီး က့ၤစိာ်ကွံာ်အီၤဆူ ကီၢ်ဘၤဘူၤလိၣ်န့ၣ်လီၤ. စီၤစံးဒကံယၤအိၣ်ဝဲလၢ ကီၢ်ဘၤဘူၤလိၣ်အဃိာ်ပူၤတုၤမုၢ်တနံၤလၢ အသံဝဲတစုန့ၣ်လီၤ.

လံာ်ယဃ့းစက့လး 12:13

ဘၣ်ဆၣ်ဒီး, ယကသလၣ်ထီၣ်ယစၤဒီးဖီၣ်န့ၢ်အီၤလၢအပူၤန့ၣ်လီၤ. ဝံၤဒီး, ယကလဲၤစိာ်အီၤဆူဝ့ၢ်ဘၤဘူၤလိၣ်, တၢ်လီၢ်ဖဲအဝဲကသံဝဲ လၢတၢ်တထံၣ်ဘၣ်ဝ့ၢ်အံၤဘၣ်န့ၢ်လီၤ.

လံာ်ယဃ့းစက့လး 16:59

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 17:10

မ့ၢ်. စပံးမုၢ်အံၤဘၣ်တၢ်သူၣ်လီၤတ့ၢ်အီၤလံ. ဘၣ်ဆၣ်မ့ၢ် ကမူဒီးဒိၣ်ထီၣ်ကစီဒီဧါ. ဖဲမုၢ်ထီၣ်အကလံၤအူဘၣ်အီၤဒီး, မ့ၢ်အတလီၤညွံးလီၤဘဲကွံာ်ဘၣ်ဧါ. ဖဲအဒိၣ်ထီၣ်အဝဲအလီၢ်န့ၣ် မ့ၢ်အတဃ့ထီကွံာ်ဘၣ်ဧါ.”

လံာ်ယဃ့းစက့လး 17:13

အဝဲက့ၤကိးစီၤပၤအဒူၣ်ဖိထၢဖိအကျါတဂၤဒီးမၤလံာ်ဃံၤဃာ် တဘ့ၣ်ဒီးအီၤ, ဒီးမၢအဆိၣ်လီၤအသးလၢကတီဒီးအီၤန့ၣ်လီၤ. အဝဲက့ၤကိးပှၤလၢအကါဒိၣ်တဖၣ်ဒ်ပှၤဘၣ်တၢ်ဟ့ၣ်ကီၤလၢတၢ်အုၣ် ခီၣ်အဂီၢ်တဖၣ်အသိး,

လံာ်ယဃ့းစက့လး 21:23

ဝ့ၢ်ယရူၤၡလ့ၣ်အပှၤဂီၢ်မုၢ်တမ့ၢ်ကနာ်တၢ်ဂ့ၢ်အံၤဘၣ်, မ့ၢ်လၢလံာ်ဃံၤဃာ်တဖၣ်လၢအဝဲသ့ၣ်မၤတ့ၢ်အီၤအဃိန့ၣ်လီၤ. ဘၣ်ဆၣ်ဝံအတၢ်ကတိၤဆိပာ်အံၤမ့ၢ်တၢ်လၢကဒုးသ့ၣ်နီၣ်ထီၣ် အဝဲသ့ၣ်လၢအဝဲသ့ၣ်အတၢ်ဒဲးဘးတဖၣ်ဒီးဟ့ၣ်ပလီၢ် အဝဲသ့ၣ်လၢအဝဲသ့ၣ်ကဘၣ်တၢ်ဖီၣ်န့ၢ်အီၤန့ၣ်လီၤ.

လံာ်ဟိၤၡ့ 10:4

အဝဲသ့ၣ်တဖၣ်ကတိၤတၢ်ကတိၤကလီကလီသ့ၣ်တဖၣ်, မၤတၢ်အၢၣ်လီၤတတီတလိၤတဖၣ်ဒီးလံာ်ဃံၤဃာ်တဖၣ်လၢ အဘျုးတအိၣ်န့ၣ်လီၤ. တၢ်စံၣ်ညီၣ်တီကဲထီၣ်တၢ်စံၣ်ညီၣ်တတီဘၣ်, ဒိၣ်ထီၣ်ဝဲဒ်နီၣ်လၢအအိၣ်ဒီးအစုၣ်တဖၣ်အသိးလၢစံာ်ပျီလၢပှၤ ထဲၣ်တ့ၢ်အီၤအပူၤန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်တၢ်ဂံၢ် 30:2

ဖဲပှၤတဂၤမၤတၢ်ဆိၣ်တမံၤလၢကဟ့ၣ်တၢ်တမံၤမံၤဆူယွၤအအိၣ်, မ့တမ့ၢ်မၤတၢ်ဆိၣ်တမံၤလၢကဟးဆှဲးတၢ်တမံၤမံၤဒီးအဝဲ တဘၣ်မၤဟးဂီၤအတၢ်အၢၣ်လီၤအီလီၤဘၣ်. မ့မ့ၢ်ကဘၣ်မၤတၢ်ကိးမံၤဒဲးလၢစံးတ့ၢ်ဝဲလၢကမၤဝဲန့ၣ်လီၤ.

ရိမ့ၤ 1:31

အဝဲသ့ၣ်အသးလၢအသ့ၣ်ညါဒၣ်တၢ်တအိၣ်ဘၣ်. အဝဲသ့ၣ်တမၤလၢပှဲၤအတၢ်အၢၣ်လီၤအီလီၤတဖၣ်ဘၣ်, ဒီးတဒုးနဲၣ်တၢ်သူၣ်ဂ့ၤသးဝါမ့ၢ်ဂ့ၤ, တၢ်သးကညီၤမ့ၢ်ဂ့ၤဆူပှၤဂၤ တဖၣ်န့ၣ်ဘၣ်.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.

လံာ်စီၤယိၤၡူ 9:20

မ့ၢ်လၢပဆိၣ်လီၤပသးလံအဃိပဘၣ်ပျဲအိၣ်မူအဝဲသ့ၣ်န့ၣ်လီၤ. ပမ့ၢ်တမၤဒ်န့ၣ်ဘၣ်ဒီး, ကစၢ်ယွၤအတၢ်သးဒိၣ်ကလီၤဘၣ်ပှၤလီၤ.”