လံာ်ယဃ့းစက့လး 17:15 - Sgaw Karen Common Bible

¹⁵ ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 17:15 Iomraidhean Croise

လံာ်စီၤပၤခံဘ့ၣ်တဘ့ၣ် 24:20

ယွၤအသးဒိၣ်ထီၣ်ဘၣ်ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ် တုၤဒၣ်လဲာ်အဝဲနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ်ညါန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 56:7

ကစၢ်ယွၤဧၢ, မ့ၢ်အဝဲသ့ၣ်ကပူၤဖျဲးလၢအတၢ်ကမၣ်အဃိန့ၣ်ဧါ, လၢနတၢ်သးထီၣ်အပူၤမၤလီၤဃံၤကွံာ် ပှၤဂီၢ်မုၢ်တဖၣ်န့ၣ်တက့ၢ်.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

လံာ်ယၡါယၤ 36:5

အဝဲသံကွၢ်ဝဲ, “မ့ၢ်သုဆိကမိၣ်လၢတၢ်ကတိၤတဖၣ်ဟံးန့ၢ်သုး မုၢ်အတၢ်သ့တၢ်ဘၣ်ဒီးအဂံၢ်အဘါအသဟီၣ်အလီၢ်န့ၣ်ကသ့ဧါ. သုဆိကမိၣ်မတၤကမၤစၢၤသုလၢသုတၢ်ပူထီၣ်ထီဒါကီၢ် အၤၡူၢ်န့ၣ်လဲၣ်.

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယဃ့းစက့လး 17:18

အဝဲမၤဟးဂီၤကွံာ်အတၢ်အိၣ်ဒီးလံာ်ဃံၤဃာ်လၢအမၤတ့ၢ်ဝဲန့ၣ် လီၤ. အဝဲမၤတၢ်သ့ၣ်တဖၣ်အံၤခဲလၢာ်, အဃိ, ခဲကနံၣ်အံၤအဝဲတပူၤဖျဲးဝဲဘၣ်န့ၣ်လီၤ.”

လံာ်ယဃ့းစက့လး 17:7

လံာ်ကြီကြာ်ဖးဒိၣ်အဂၤအိၣ်ဝဲတဘ့ၣ်, လၢအအိၣ်ဒီးအဒံး ဆ့ဖးဒိၣ်တဖၣ်ဒီးအဆူၣ်အဒံးလၢအတီၣ်ဝဲန့ၣ်လီၤ. ဒီးခဲကနံၣ်အံၤစပံးမုၢ်န့ၣ်ယူာ်ထီၣ်အဂံၢ်ဆူအအိၣ်ဒီးယူာ် ဃီၤအလၣ်တဖၣ်ဆူအအိၣ်, အိၣ်ဒီးတၢ်မုၢ်လၢ်လၢအဝဲကဟ့ၣ်အီၤထံအါန့ၢ်ဒံးလၢအအိၣ်လၢ တၤသၣ်လီၢ်အပူၤ, တၢ်လီၢ်ဖဲအဝဲမဲထီၣ်ဒိၣ်ထီၣ်န့ၣ်လီၤ.

လံာ်ယဃ့းစက့လး 17:9

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်သံကွၢ် တၢ်န့ၣ်လီၤ. မ့ၢ်စပံးမုၢ်အံၤကဒီးဒိၣ်ထီၣ်စ့ၢ်ကီးဧါ. လံာ်ကြီကြာ်အဆိကတၢၢ်တဘ့ၣ်တထဲးထီၣ်ကွံာ်အီၤလၢအဂံၢ်, ဒ့ကွံာ်အစပံးသၣ်တဖၣ်, ဒီးမၤကၢ်ကွံာ်အဒ့တဖၣ်ဒီးပျဲအဃ့ ထီကွံာ်ဘၣ်န့ၣ်ဧါ. လၢတၢ်ကထဲးထီၣ်ကွံာ်အီၤအဂီၢ်န့ၣ်, တလိၣ်တၢ်ဂံၢ်တၢ်ဘါအါအါကဲာ်ဆိးမ့ၢ်ဂ့ၤ, ပှၤတကလုာ်လၢအဂံၢ် ဆူၣ်အဘါဆူၣ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 21:25

နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.

လံာ်ယဃ့းစက့လး 21:28

ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဘိးဘၣ်သ့ၣ်ညါတၢ်လၢယၤ, ယွၤပၢဘၣ်တၢ်ခဲလၢာ်ကစၢ်ယွၤကစံးဘၣ် ပှၤဧၤမိၣ်ဖိတဖၣ်, ပှၤတဖၣ်လၢအကတိၤဒုၣ်ဒွဲၣ်ပှၤအံၣ်စရ့လးဖိန့ၣ် တက့ၢ်. စံးဘၣ်အဝဲသ့ၣ်ဒ်အံၤတက့ၢ်. နးတဘ့ၣ်အိၣ်ကတဲာ်ကတီၤလံအသးလၢကမၤဟးဂီၤကွံာ်တၢ် အဂီၢ်လံ. ဘၣ်တၢ်ထူးကတြ့ၣ်ထီၣ်အီၤလၢမၤသံတၢ်အဂီၢ်, လၢကကပြုၢ်ထီၣ်ဒ်လီဝၢ်ဒံးအသိးအဂီၢ်န့ၣ်လီၤ.

လံာ်ယဃ့းစက့လး 23:20

အဝဲပှဲၤဝဲဒီးတၢ်သူၣ်ကတၢသးကတၢလၢကယဲၢ်ပိာ်ခွါတဖၣ်လၢ အအိၣ်ဒီးတၢ်မုာ်ဖံးမုာ်ညၣ်အသးလုာ်ကိလုာ်ကပာ်, ပှၤတဖၣ်လၢအအိၣ်ဒီးကသ့ၣ်ယီၤတဖၣ်ဒီးကသ့ၣ်ဒုးသုးတဖၣ် အတၢ်သူၣ်ကတၢသးကတၢခဲလၢာ်အဂီၢ်န့ၣ်လီၤ.”

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ယဃ့းစက့လး 29:7

ဖဲအဝဲသ့ၣ်ကနံၤလီၤအသးလၢနလိၤန့ၣ်နကၢ်ကွံာ်, ဒီးဆဲးဘၣ် အဝဲသ့ၣ်အတံၢ်လၢ်ဒီးမၤဆါအဝဲသ့ၣ်အချၢဃံန့ၣ်လီၤ.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

လံာ်စီၤယိၤၡူ 9:20

မ့ၢ်လၢပဆိၣ်လီၤပသးလံအဃိပဘၣ်ပျဲအိၣ်မူအဝဲသ့ၣ်န့ၣ်လီၤ. ပမ့ၢ်တမၤဒ်န့ၣ်ဘၣ်ဒီး, ကစၢ်ယွၤအတၢ်သးဒိၣ်ကလီၤဘၣ်ပှၤလီၤ.”