လံာ်ယဃ့းစက့လး 16:9 - Sgaw Karen Common Bible

⁹ အန့ၣ်ဝံၤဒီးယဟံးန့ၢ်ထံဒီးသ့ကွံာ်တၢ်သွံၣ်လၢနလိၤန့ၣ်လီၤ. ယဖှူသ့ၣ်စၤယံးအသိလၢနဖံးဘ့ၣ်ခိၣ်လီၤ.

လံာ်ယဃ့းစက့လး 16:9 Iomraidhean Croise

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်ယဃ့းစက့လး 16:10

ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်ယဃ့းစက့လး 16:4

ဖဲနအိၣ်ဖျဲၣ်ထီၣ်န့ၣ်, ပှၤတကူးတဲာ်ဘၣ်နဒ့အပျံၤမ့ၢ်ဂ့ၤ, သ့ကဆှီဘၣ်နၤမ့ၢ်ဂ့ၤ, ထူးနၤလၢအံသၣ်မ့ၢ်ဂ့ၤ, ဒီးဘိၣ်ဘံနၤလၢတၢ်ကံးယာ်မ့ၢ်ဂ့ၤနီတဂၤဘၣ်.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

1 ကရံၣ်သူး 10:2

လၢတၢ်အၢၣ်အပူၤ, ဒီးလၢပီၣ်လဲၣ်အပူၤန့ၣ် အဝဲသ့ၣ်ကိးဂၤဒဲးဘၣ်တၢ်ဒိးဘျၢအီၤ ဒ်ပှၤပိာ်စီၤမိၤၡ့အခံတဖၣ်အသိးလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 1:21

ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအဒုးအိၣ်စံာ်အိၣ်ကျၢၤ ပဝဲဒီးသုဝဲလီၤတံၢ်လီၤဆဲးလၢတၢ်ပာ်ဖှိၣ်ဃုာ်ပှၤလၢခရံာ် အပူၤလီၤ. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအမၢလီၤ ဒီးဟ့ၣ်စိဟ့ၣ်ကမီၤတ့ၢ်ပှၤ,

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

၁ ယိၤဟၣ် 5:8

မ့ၢ်ယွၤအသး, ထံ, ဒီးသွံၣ်, ဒီးတၢ်သၢမံၤလိာ်အံၤအုၣ်အသးလၢတၢ်ဂ့ၢ်တမံၤဃီ န့ၣ်လီၤ.

လံာ်နီၢ်ရူၤသး 3:3

လၢတၢ်န့ၣ်အဃိ, သ့စီနသး, ဖှူနသးဒီးတၢ်နၢမူ, ဒီးကူသိးထီၣ်တၢ်ကူတၢ်သိးလၢအဂ့ၤကတၢၢ်န့ၣ်တက့ၢ်. ဒီးလဲၤလီၤဆူကြဲၢ်ပူၤဖဲအဝဲပညၢဘုအလီၢ်န့ၣ်တက့ၢ်. ဘၣ်ဆၣ်, ဒုးသ့ၣ်ညါနသးလၢအီၤတုၤအဝဲအီၣ်တၢ်ဒီးအီတၢ်ဝံၤအကတီၢ်န့ၣ်တဂ့ၤ.