လံာ်ယဃ့းစက့လး 16:61 - Sgaw Karen Common Bible

⁶¹ နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 16:61 Iomraidhean Croise

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

စံးထီၣ်ပတြၢၤ 119:59

တုၤယဆိကမိၣ်ထီၣ်ယကျဲတဖၣ်န့ၣ်ဒီး, ယဃၣ်ကွံာ်ယခီၣ်ဆူ နတၢ်အုၣ်နသးတဖၣ်အအိၣ်န့ၣ်လီၤ.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 36:22

ဒီးခဲကနံၣ်အံၤ, ဟ့ၣ်လီၤပှၤအံၣ်စရ့လးဖိတဖၣ်လၢယၤ, ယွၤ ပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ်တက့ၢ်. တၢ်လၢယကမၤအီၤန့ၣ်, တမ့ၢ်ဘၣ်လၢသုဝဲပှၤအံၣ်စရ့လးဖိတဖၣ် အဃိဘၣ်. မ့မ့ၢ်တခီ, မ့ၢ်လၢယမံၤစီဆှံလၢသုဒုးအိၣ်ထီၣ် တၢ်မၤမဲာ်ဆှးအီၤလၢထံကီၢ်တဘ့ၣ်လၢ်လၢ်ဖဲသု လဲၤတ့ၢ်အပူၤအဃိန့ၣ်လီၤ.

လံာ်ယဃ့းစက့လး 43:10

ဒီးယွၤစံးကဒီးဝဲဆူညါ, ပှၤကညီလၢအသံသ့ဧၢ, တဲဘၣ်ကီၢ်အံၣ်စရ့ လးအပှၤဂီၢ်မုၢ်ဘၣ်ဃးဒီးယွၤအတၢ်လုၢ်ဟံၣ်အဂ့ၢ်ဒီးပျဲအဝဲသ့ၣ်မၤလိ အတၢ်လုၢ်ဟံၣ်အက့ၢ်အဂီၤအဒိလၢတၢ်ပာ်လီၤပာ်စၢၤအီၤတက့ၢ်. ဒုးမဲာ်ဆှးကွံာ်အဝဲသ့ၣ်လၢတၢ်ဒဲးဘးတဖၣ်လၢအဝဲသ့ၣ်မၤဝဲ အဃိန့ၣ်တက့ၢ်.

လံာ်ယဃ့းစက့လး 44:13

အဝဲသ့ၣ်တဘၣ်မၤယတၢ်မၤဒ်ပှၤလုၢ်တၢ်အခိၣ်အသိးမ့ၢ်ဂ့ၤ, တဘၣ်လဲၤဘူးဒီးတၢ်တမံၤလၢ်လၢ်လၢအစီဆှံလၢယဂီၢ်မ့ၢ်ဂ့ၤ, တဘၣ်လဲၤနုာ်ဆူတၢ်လီၢ်စီဆှံကတၢၢ်မ့ၢ်ဂ့ၤန့ၣ်ဘၣ်. တၢ်အံၤမ့ၢ်တၢ်စံၣ်ညီၣ်လၢတၢ်လီၤသးဘၣ်အၢ အတၢ်မၤတဖၣ်လၢအဝဲသ့ၣ်မၤတ့ၢ်အီၤအဂီၢ်န့ၣ်လီၤ.

လံာ်ယဃ့းစက့လး 6:9

ဆူတၢ်လီၢ်ဖဲအဝဲသ့ၣ်ကအိၣ်ဆိးဝဲလၢတၢ်မၢကဲကုၢ်အပူၤန့ၣ် လီၤ. ဖဲန့ၣ်, အဝဲသ့ၣ်ကသ့ၣ်နီၣ်ယၤဒီးသ့ၣ်ညါဝဲလၢယစံၣ်ညီၣ်တ့ၢ် အဝဲသ့ၣ်မၤမဲာ်ဆှးအဝဲသ့ၣ်, မ့ၢ်လၢအဝဲသ့ၣ်လဲၤသဒၣ်ကွံာ်ယၤလၢအတၢ်သးတတီအဃိဒီးအဝဲသ့ၣ် ဘၣ်သူၣ်ဘၣ်သးလၢတၢ်ဂီၤတၢ်ဖီၣ်တဖၣ်ဒိၣ်န့ၢ်အါန့ၢ်ဒံးယၤအဃိ န့ၣ်လီၤ. ဒီးအဝဲသ့ၣ်ကသးဘၣ်အၢလီၤက့ၤအသးဒၣ်ဝဲ, မ့ၢ်လၢတၢ်အၢတၢ်သီ ဒီးတၢ်လီၤရၢၢ်လီၤစၢၢ်တဖၣ်လၢအဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

ရိမ့ၤ 11:11

မ့မ့ၢ်ဒ်န့ၣ်ဒီး, ယစံး, ဖဲပှၤယူဒၤဖိတဖၣ်အခီၣ်ဘၣ်တိၢ်န့ၣ်, မ့ၢ်အဝဲသ့ၣ်လီၤဃံၤဒီးဟးဂီၤကွံာ်လံန့ၣ်ဧါ. တမ့ၢ်ဒ်န့ၣ်ဘၣ်. မ့ၢ်လၢအဝဲသ့ၣ်မၤတၢ်ဒဲးဘးအဃိဒီး တၢ်အုၣ်က့ၤခီၣ်က့ၤတုၤအိၣ်ဝဲပှၤကလုာ်ဂၤတဖၣ်ဒ်သိး ပှၤယူဒၤဖိတဖၣ်ကသးက့ၣ်အဝဲသ့ၣ်အဂီၢ်န့ၣ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

ဧ့ၤဘြံၤ 7:12

အဂ့ၢ်ဒ်အံၤ, တုၤပှၤလုၢ်တၢ်အခိၣ်အလီၢ်မ့ၢ်ဘၣ်တၢ်ဆီတလဲ အီၤဒီးတၢ်သိၣ်တၢ်သီစ့ၢ်ကီးကဘၣ်တၢ်ဆီတလဲအီၤလီၤ.

ဧ့ၤဘြံၤ 8:13

ခီဖျိအကတိၤတၢ်ဘၣ်ဃးဒီးအတၢ်အၢၣ်လီၤအီလီၤအသီ န့ၣ်ကစၢ်ယွၤဒုးကဲတၢ်အၢၣ်လီၤအခီၣ်ထံးတခါလၢတၢ်လၢ အလီၢ်လံၤကွံာ်လံန့ၣ်လီၤ. ဒီးတၢ်လၢအလီၢ်လံၤကွံာ်ဒီးပှၢ်ထီၣ်လံန့ၣ်, ဘူးထီၣ်လၢကလီၤမၢ်ကွံာ်ဝဲန့ၣ်လီၤ.