လံာ်ယဃ့းစက့လး 16:59 - Sgaw Karen Common Bible

⁵⁹ ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 16:59 Iomraidhean Croise

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 22:9

အန့ၣ်ဒီး, အဝဲသ့ၣ်ကစံးဆၢဝဲဒၣ်လၢ, တၢ်အံၤမ့ၢ်လၢနၤလဲၤ သဒၣ်ကွံာ်နတၢ်အၢၣ်လီၤအီလီၤဒီးယၤ, နကစၢ်ယွၤဒီးဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ် အဃိန့ၣ်လီၤ.”

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယဃ့းစက့လး 14:4

ခဲကနံၣ်အံၤကတိၤတၢ်ဒီးအဝဲသ့ၣ်ဒီးတဲဘၣ်အဝဲသ့ၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်န့ၣ်တက့ၢ်. ပှၤအံၣ်စရ့လးဖိကိးဂၤလၢအဟ့ၣ်လီၤအသးဆူတၢ်ဂီၤတၢ်ဖီၣ်တဖၣ် အအိၣ်ဒီးပျဲအဝဲသ့ၣ်ဆှၢအီၤဆူတၢ်ဒဲးဘးအပူၤ, ဝံၤဒီးဟဲဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ကမၤန့ၢ်တၢ်စံးဆၢတမံၤလၢယအိၣ်, တၢ်စံးဆၢလၢအဝဲအတၢ်ဂီၤတၢ်ဖီၣ်တဖၣ်ကြၢးဒိးန့ၢ်ဘၣ်ဝဲန့ၣ်လီၤ.

လံာ်ယဃ့းစက့လး 17:19

ယွၤပၢဘၣ်တၢ်ခဲလၢာ်ကစၢ်စံးဝဲ, “ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိး, ယစံးယဲလၢယကစံၣ်ညီၣ်အီၤ, မ့ၢ်လၢအမၤဟးဂီၤလံာ်ဃံၤဃာ်အတၢ်ဆိၣ်လၢအဝဲဆိၣ်လီၤအသးလၢ ယမံၤအပူၤလၢကဟံးဃာ်ဝဲအဃိန့ၣ်လီၤ.

လံာ်ယဃ့းစက့လး 7:3

ကီၢ်အံၣ်စရ့လးဧၢ, တၢ်အကတၢၢ်ဟဲလံဝဲလံ. နကကလၢၢ်ဘၣ်ယတၢ်သး ဒိၣ်ထီၣ်လီၤ. အဂ့ၢ်ဒ်အံၤ, ယစံၣ်ညီၣ်နၤလၢတၢ်လၢနမၤတ့ၢ်အီၤ အဃိန့ၣ်လီၤ. လၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤန့ၣ်လီၤ.

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”

လံာ်သိၣ်လီၤသီလီၤတၢ် 29:24

အန့ၣ်ဒီး, ဟီၣ်ခိၣ်ဒီဘ့ၣ်ကသံကွၢ်ဝဲ, ယွၤမၤတၢ်ဒ်သိးအံၤဆူ အဝဲသ့ၣ်အထံအကီၢ်ဘၣ်မနုၤအဃိလဲၣ်. အဝဲအတၢ်သးဒိၣ်ကဲၤကပျီၤဝဲလၢတၢ်ဂ့ၢ်မနုၤအဃိလဲၣ်.

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.