လံာ်ယဃ့းစက့လး 16:58 - Sgaw Karen Common Bible

⁵⁸ နကဘၣ်တူၢ်တၢ်လၢတၢ်ကလုာ်ကလိၤဒီးတၢ်လီၤသးဘၣ်အၢ တဖၣ်လၢနမၤတ့ၢ်အီၤအဃိန့ၣ်လီၤ.” ယွၤကတိၤလံတၢ်လံ.

လံာ်ယဃ့းစက့လး 16:58 Iomraidhean Croise

လံာ်တၢ်ကဲထီၣ်အခီၣ်ထံး 4:13

ဒီးစီၤကၤယံၣ်စံးဘၣ်ယွၤ, “တၢ်စံၣ်ညီၣ်အံၤနးကဲၣ်ဆိးလၢ ယကတူၢ်အီၤအဂီၢ်န့ၣ်လီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယဃ့းစက့လး 16:43

ဖဲနသးစၢ်အခါယမၤဘၣ်နၤဒ်လဲၣ်န့ၣ်, နသးပ့ၤနီၣ်ကွံာ်အီၤလံ. ဒီးနမၤသးဒိၣ်ထီၣ်ယၤခီဖျိတၢ်ခဲလၢာ်လၢနမၤတ့ၢ်အီၤန့ၣ်လီၤ. လၢတၢ်န့ၣ်အဃိဒီး, ယမၢနဟ့ၣ်တၢ်အပှ့ၤလၢတၢ်သ့ၣ်တဖၣ်အံၤခဲလၢာ် အဂီၢ်လီၤ. ဘၣ်မနုၤအဃိနမၤအါထီၣ်တၢ်ကလုာ်ကလိၤလၢတၢ်အဂၤခဲလၢာ်လၢ နမၤတ့ၢ်လၢအလီၤသးဘၣ်အၢတဖၣ်အဖီခိၣ်န့ၣ်လဲၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 16:59

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 23:49

ဒီးသုဝဲပှၤဒီပုၢ်ဝဲၢ်မုၣ်ခံဂၤဧၢ, ယကစံၣ်ညီၣ်သုလၢသုလုၢ် အၢလၢ်သီဒီးသုတၢ်ဒဲးဘးလၢအမ့ၢ်တၢ်ဘါထီၣ်တၢ်ဂီၤတၢ်ဖီၣ် တဖၣ်အဃိလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ်န့ၣ်လီၤ.”