လံာ်ယဃ့းစက့လး 16:56 - Sgaw Karen Common Bible

⁵⁶ မ့ၢ်နတကတိၤလီၤနံၤဘၣ်ဖၣ်လဲတၢ်ဘၣ်ဃးဒီးဝ့ၢ်စဒိၣ် အဂ့ၢ်, ဖဲမုၢ်နံၤတဖၣ်လၢနပာ်ထီၣ်ထီနသး,

လံာ်ယဃ့းစက့လး 16:56 Iomraidhean Croise

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်ယဃ့းစက့လး 16:55

အဝဲသ့ၣ်ကဘီၣ်ထီၣ်ညီထီၣ်က့ၤကဒီးတဘျီ, ဒီးနၤဒီးနဒူသဝီ တဖၣ်စ့ၢ်ကီးကဘၣ်တၢ်ပာ်ကဒါက့ၤအီၤလၢအလီၢ်န့ၣ်လီၤ.

လံာ်ယဃ့းစက့လး 16:57

ဒီးတချုးဒံးလၢတၢ်အၢတၢ်သီလၢနမၤတ့ၢ်အီၤဘၣ်တၢ်လီၣ်ဖျါ အီၤန့ၣ်ဧါ. အခဲအံၤနလီၤဂာ်ဒၣ်ဒီးအီၤန့ၣ်လီၤ. နကဲထီၣ်တၢ်လီၤနံၤဘၣ်ဖၣ်လဲတမံၤလၢပှၤအဒိၣ်ဖိတဖၣ်, ပှၤဖလ့ၡသးဖိတဖၣ်, ဒီးပှၤလၢနဃၢၤအဂၤတဖၣ်လၢအသးဟ့နၤအဂီၢ်န့ၣ်လီၤ.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.