လံာ်ယဃ့းစက့လး 16:54 - Sgaw Karen Common Bible

⁵⁴ နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 16:54 Iomraidhean Croise

လံာ်ယံးရမံယၤ 2:26

ယွၤစံးဝဲ, “ဒ်တၢ်ဘျၣ်တဂၤဘၣ်တၢ်မၤမဲာ်ဆှးအီၤဖဲတၢ်ဖီၣ် န့ၢ်အီၤအသိးန့ၣ်, သူဝဲကီၢ်အံၣ်စရ့လးအပှၤဂီၢ်မုၢ်ခဲလၢာ်ကဘၣ် တၢ်မၤမဲာ်ဆှးအီၤ, ဃုာ်ဒီးသုစီၤလိာ်စီၤပၤတဖၣ်, သုပဒိၣ်ပပှၢ် တဖၣ်, ဒီးသုဝံတဖၣ်န့ၣ်လီၤ.

လံာ်ယဃ့းစက့လး 16:52

ဒီးခဲကနံၣ်အံၤ, နကဘၣ်တူၢ်နတၢ်မဲာ်ဆှးန့ၣ်လီၤ. နတၢ်ဒဲးဘးတဖၣ်အၢဒိၣ်န့ၢ်ဒံးနဒီပုၢ်ဝဲၢ်မုၣ်တဖၣ်, တုၤဒၣ်လဲာ်ဖဲတၢ်ထိၣ်သတြီၤအီၤဒီးနၤန့ၣ်, ဖျါလၢအဝဲသ့ၣ်အတၢ်ကမၣ်တအိၣ်ဘၣ်လီၤ. ခဲကနံၣ်အံၤမဲာ်ဆှး, ဒီးဝံယိးနတၢ်မဲာ်ဆှးမ့ၢ်လၢနဒုးကဲထီၣ်နဒီပုၢ်ဝဲၢ်မုၣ်တဖၣ်အိၣ်ဖျါ ကဆှီအဃိတက့ၢ်.”

လံာ်ယဃ့းစက့လး 16:53

ယွၤစံးဘၣ်ဝ့ၢ်ယရူၤၡလ့ၣ်, “ယကဒုးဘီၣ်ထီၣ်ညီထီၣ်က့ၤကဒီး ဝ့ၢ်စဒိၣ်ဒီးအဒူသဝီတဖၣ်, ဒီးဝ့ၢ်ၡၤမရံဒီးအဒူသဝီတဖၣ်လီၤ. မ့ၢ်လီၤ. ယကဒုးဘီၣ်ထီၣ်ညီထီၣ်နၤစ့ၢ်ကီးလီၤ.

လံာ်ယဃ့းစက့လး 16:55

အဝဲသ့ၣ်ကဘီၣ်ထီၣ်ညီထီၣ်က့ၤကဒီးတဘျီ, ဒီးနၤဒီးနဒူသဝီ တဖၣ်စ့ၢ်ကီးကဘၣ်တၢ်ပာ်ကဒါက့ၤအီၤလၢအလီၢ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.

လံာ်ယဃ့းစက့လး 5:7

ခဲကနံၣ်အံၤဝ့ၢ်ယရူၤရှလ့ၣ်ဧၢ, ဒိကနၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဝဲန့ၣ်တက့ၢ်. မ့ၢ်လၢနတစူၢ်ယတၢ်သိၣ်တၢ်သီတဖၣ်မ့ၢ်ဂ့ၤ, တတိၢ်န့ၢ်ဘၣ်ယတၢ်မၤလိာ်တဖၣ်မ့ၢ်ဂ့ၤအဃိဒီး, နဒုးအိၣ်ထီၣ်တၢ်ကီတၢ်ခဲအါထီၣ်ဒိၣ်ထီၣ်န့ၢ်ဒံးပှၤကလုာ် တဖၣ်လၢအအိၣ်ဝးတရံးနၤန့ၣ်လီၤ. နပိာ်ထွဲပှၤကလုာ်အဂၤအလုၢ်အလၢ်တဖၣ်အခံန့ၣ်လီၤ.