လံာ်ယဃ့းစက့လး 16:53 - Sgaw Karen Common Bible

⁵³ ယွၤစံးဘၣ်ဝ့ၢ်ယရူၤၡလ့ၣ်, “ယကဒုးဘီၣ်ထီၣ်ညီထီၣ်က့ၤကဒီး ဝ့ၢ်စဒိၣ်ဒီးအဒူသဝီတဖၣ်, ဒီးဝ့ၢ်ၡၤမရံဒီးအဒူသဝီတဖၣ်လီၤ. မ့ၢ်လီၤ. ယကဒုးဘီၣ်ထီၣ်ညီထီၣ်နၤစ့ၢ်ကီးလီၤ.

လံာ်ယဃ့းစက့လး 16:53 Iomraidhean Croise

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 14:7

မ်အံၣ်စရ့လးအတၢ်ပူၤဖျဲး ဟဲထီၣ်လၢစံယိၣ်န့ၣ်တက့ၢ်. ဖဲယွၤဒုးဘီၣ်ထီၣ်ညီထီၣ်က့ၤအပှၤဂီၢ်မုၢ်ဒီး ယၤကိာ်ကသူၣ်ဖှံသးညီ ဒီးအံၣ်စရ့လးကသးခုဝဲဆံးဒိၣ်လဲၣ်.

စံးထီၣ်ပတြၢၤ 85:1

ယွၤဧၢ, နသးကညီၤတ့ၢ်လံနထံနကီၢ် ဒီးနဒုးအီၣ်ကုးအီပှဲၤအံၣ်စရ့လးကဒီးန့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယံးရမံယၤ 12:16

လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်ယံးရမံယၤ 20:16

မ်အဝဲဒၣ်ကလီၤဂာ်ဒီးဝ့ၢ်တဖၣ် လၢယွၤမၤဟးဂီၤတ့ၢ်အီၤတအိၣ်ဒီးတၢ်သးကညီၤဘၣ်န့ၣ်တက့ၢ်. မ်အဝဲဒၣ်ကနၢ်ဟူဘၣ်တၢ်ဆူးတၢ်ဆါအတၢ်ကိးပသူထီၣ်လၢ ဂီၤထၢၣ်သၢအကတီၢ်ဒီးတၢ်ဒုးတၢ်ယၤအတၢ်မၤဖုး မၤပျီၢ်လၢမုၢ်ထူၣ်အကတီၢ်န့ၣ်တက့ၢ်.

လံာ်ယံးရမံယၤ 31:23

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးဝဲဒၣ်, “ဖဲယပာ်ကဒါက့ၤ ပှၤဂီၢ်မုၢ်လၢအထံအကီၢ်န့ၣ်, အဝဲသ့ၣ်ကစံးကဒီးဝဲတဘျီလၢကီၢ်ယူဒၤဒီး အဝ့ၢ်တဖၣ်အပူၤလၢ, ‘မ်ယွၤဆိၣ်ဂ့ၤ ဝ့ၢ်ယရူၤၡလ့ၣ် အကစၢၢ်စီဆှံ, တၢ်အလီၢ်စီဆှံဖဲ အဝဲအိၣ်ဝဲဆိးဝဲန့ၣ်တက့ၢ်.’

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 49:39

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်ကဒီးကီၢ်ဧ့ၤလၣ်အပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:6

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်က့ၤကဒီး ကီၢ်ဧၣ်မိၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:52

ဒီးခဲကနံၣ်အံၤ, နကဘၣ်တူၢ်နတၢ်မဲာ်ဆှးန့ၣ်လီၤ. နတၢ်ဒဲးဘးတဖၣ်အၢဒိၣ်န့ၢ်ဒံးနဒီပုၢ်ဝဲၢ်မုၣ်တဖၣ်, တုၤဒၣ်လဲာ်ဖဲတၢ်ထိၣ်သတြီၤအီၤဒီးနၤန့ၣ်, ဖျါလၢအဝဲသ့ၣ်အတၢ်ကမၣ်တအိၣ်ဘၣ်လီၤ. ခဲကနံၣ်အံၤမဲာ်ဆှး, ဒီးဝံယိးနတၢ်မဲာ်ဆှးမ့ၢ်လၢနဒုးကဲထီၣ်နဒီပုၢ်ဝဲၢ်မုၣ်တဖၣ်အိၣ်ဖျါ ကဆှီအဃိတက့ၢ်.”

လံာ်ယဃ့းစက့လး 16:54

နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 26:6

ဒီးလၢအဝဲသ့ၣ်အနးတဖၣ်န့ၣ်, အဝဲသ့ၣ်ကမၤသံကွံာ်ပှၤတဖၣ်လၢ အအိၣ်လၢအဝ့ၢ်တဖၣ်အပူၤလၢကီၢ်မိၢ်ပှၢ်အဖီခိၣ်န့ၣ်လီၤ. အန့ၣ်ဒီးမ့ၢ်ထါယၢၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 29:14

ဒီးယကဒုးအိၣ်ဆိးအဝဲသ့ၣ်လၢကီၢ်အဲၤကူပတူးကလံၤထံး, လၢအမ့ၢ်အဝဲသ့ၣ်အဟံၣ်အဃီ အဂံၢ်ထံးန့ၣ်လီၤ. ဖဲန့ၣ်အဝဲသ့ၣ်ကမ့ၢ်ဘီမုၢ်လၢ အဂံၢ်စၢ်ဘါစၢ်တဘ့ၣ်,

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ယိၤအ့လး 3:1

ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.