လံာ်ယဃ့းစက့လး 16:52 - Sgaw Karen Common Bible

⁵² ဒီးခဲကနံၣ်အံၤ, နကဘၣ်တူၢ်နတၢ်မဲာ်ဆှးန့ၣ်လီၤ. နတၢ်ဒဲးဘးတဖၣ်အၢဒိၣ်န့ၢ်ဒံးနဒီပုၢ်ဝဲၢ်မုၣ်တဖၣ်, တုၤဒၣ်လဲာ်ဖဲတၢ်ထိၣ်သတြီၤအီၤဒီးနၤန့ၣ်, ဖျါလၢအဝဲသ့ၣ်အတၢ်ကမၣ်တအိၣ်ဘၣ်လီၤ. ခဲကနံၣ်အံၤမဲာ်ဆှး, ဒီးဝံယိးနတၢ်မဲာ်ဆှးမ့ၢ်လၢနဒုးကဲထီၣ်နဒီပုၢ်ဝဲၢ်မုၣ်တဖၣ်အိၣ်ဖျါ ကဆှီအဃိတက့ၢ်.”

လံာ်ယဃ့းစက့လး 16:52 Iomraidhean Croise

လံာ်တၢ်ကဲထီၣ်အခီၣ်ထံး 38:26

စီၤယူဒၤသ့ၣ်ညါနီၣ်တၢ်န့ၣ်တဖၣ်ဒီးစံးဝဲဒၣ်, “ပိာ်မုၣ်အံၤတဲတၢ်ဘၣ်လီၤ. ယလီၤတိၢ်ကွံာ်လၢယကမၤလၢပှဲၤ န့ၢ်တၢ်လၢယဂ့ၤမၤလၢအဂီၢ်လီၤ. ယကြၢးဟ့ၣ်တ့ၢ်အီၤလၢယဖိခွါစီၤၡ့လၤဒ်သိးကဒိးတ့ဒိး ဖျီအသးဒီးအီၤလီၤ.” ဒီးစီၤယူဒၤတမံဃုာ်လၢၤဒီးအီၤနီတစု လၢၤဘၣ်.

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်ယံးရမံယၤ 23:40

ယကဒုးလီၤဘၣ်တၢ်မဲာ်ဆှးလၢအဝဲသ့ၣ်အလိၤလီၤစိၤလီၤထီ, ဒီးတၢ်မဲာ်ဆှးလၢတၢ်တသးပ့ၤနီၣ်အီၤနီတစုဘၣ်န့ၣ်လီၤ.”

လံာ်ယံးရမံယၤ 3:11

အန့ၣ်ဒီး, ယွၤစံးဘၣ်တဲဘၣ်ယၤလၢ, ကီၢ်အံၣ်စရ့လးမ့ၢ်ဃၣ် ကွံာ်အသးလၢသါအိၣ်ဒၣ်လဲာ်, အဝဲအိၣ်ဖျါဂ့ၤဒိၣ်န့ၢ်ဒံးကီၢ်ယူဒၤ လၢအသးတတီန့ၣ်လီၤ.

လံာ်ယံးရမံယၤ 31:19

ပဃၣ်ကွံာ်တ့ၢ်ပသးလၢ နအိၣ်, ဘၣ်ဆၣ် တစိၢ်ဖိဝံၤဒီး ပအဲၣ်ဒိး ဟဲက့ၤကဒါက့ၤလီၤ. ဖဲနစံၣ်ညီၣ်ပှၤဝံၤအလီၢ်ခံန့ၣ်, ပဆုးလီၤပခိၣ်တဖၣ်လၢ တၢ်သးအုးအပူၤလီၤ. ပမဲာ်ဆှးဒီး တၢ်မၤမဲာ်ဆှးပှၤ, မ့ၢ်လၢပမၤတ့ၢ်တၢ်ဒဲးဘးဖဲ ပသးစၢ်ဒံးအခါ အဃိန့ၣ်လီၤ.’

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်ယဃ့းစက့လး 16:47

မ့ၢ်နသးမံတ့ၢ်လၢနကပိာ်အဝဲသ့ၣ်အခီၣ်လီၢ်တဖၣ်ဒီးမၤဒီး အဝဲသ့ၣ်အတၢ်မၤတဖၣ်လၢအလီၤသးဘၣ်အၢန့ၣ်ဧါ. တမ့ၢ်ဘၣ်လၢတစိၢ်ဖိအတီၢ်ပူၤဒၣ်လဲာ်န့ၣ်, နအိၣ်မူအၢန့ၢ်ဒံးအဝဲသ့ၣ်လၢတၢ်ခဲလၢာ်လၢနမၤတ့ၢ်အီၤ အပူၤန့ၣ်လီၤ.

လံာ်ယဃ့းစက့လး 16:48

ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢ အမူဝဲသပှၢ်ကတၢၢ်အသိး, ယစံးလၢနဒီပုၢ်ဝဲၢ်မုၣ်ဝ့ၢ်စဒိၣ်ဒီး အဒူသဝီတဖၣ်ကမၤတ့ၢ်တၢ်အၢတၢ်သီလၢနၤဒီးနဒူသဝီ တဖၣ်မၤတ့ၢ်ဝဲန့ၣ်ဘၣ်.

လံာ်ယဃ့းစက့လး 16:53

ယွၤစံးဘၣ်ဝ့ၢ်ယရူၤၡလ့ၣ်, “ယကဒုးဘီၣ်ထီၣ်ညီထီၣ်က့ၤကဒီး ဝ့ၢ်စဒိၣ်ဒီးအဒူသဝီတဖၣ်, ဒီးဝ့ၢ်ၡၤမရံဒီးအဒူသဝီတဖၣ်လီၤ. မ့ၢ်လီၤ. ယကဒုးဘီၣ်ထီၣ်ညီထီၣ်နၤစ့ၢ်ကီးလီၤ.

လံာ်ယဃ့းစက့လး 16:54

နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 16:56

မ့ၢ်နတကတိၤလီၤနံၤဘၣ်ဖၣ်လဲတၢ်ဘၣ်ဃးဒီးဝ့ၢ်စဒိၣ် အဂ့ၢ်, ဖဲမုၢ်နံၤတဖၣ်လၢနပာ်ထီၣ်ထီနသး,

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.

လံာ်ယဃ့းစက့လး 36:15

အလီၢ်တအိၣ်လၢကီၢ်န့ၣ်ကဒိကနၣ်ပှၤကလုာ်တဖၣ်အတၢ်နံၤဘၣ် ဖၣ်လဲအီၤမ့ၢ်ဂ့ၤ, ထံၣ်ဘၣ်ပှၤဂီၢ်မုၢ်တဖၣ်အတၢ်မၤကလိာ်ကလာ် အီၤမ့ၢ်ဂ့ၤန့ၣ်လၢၤဘၣ်. ကီၢ်န့ၣ်တဂုာ်န့ၢ်ဆူၣ်လၢၤဘၣ်ပှၤကလုာ် တဖၣ်အဖိတဖၣ်လၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.”

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်ယဃ့းစက့လး 44:13

အဝဲသ့ၣ်တဘၣ်မၤယတၢ်မၤဒ်ပှၤလုၢ်တၢ်အခိၣ်အသိးမ့ၢ်ဂ့ၤ, တဘၣ်လဲၤဘူးဒီးတၢ်တမံၤလၢ်လၢ်လၢအစီဆှံလၢယဂီၢ်မ့ၢ်ဂ့ၤ, တဘၣ်လဲၤနုာ်ဆူတၢ်လီၢ်စီဆှံကတၢၢ်မ့ၢ်ဂ့ၤန့ၣ်ဘၣ်. တၢ်အံၤမ့ၢ်တၢ်စံၣ်ညီၣ်လၢတၢ်လီၤသးဘၣ်အၢ အတၢ်မၤတဖၣ်လၢအဝဲသ့ၣ်မၤတ့ၢ်အီၤအဂီၢ်န့ၣ်လီၤ.

လံာ်ဟိၤၡ့ 10:6

တၢ်ဂီၤတၢ်ဖီၣ်န့ၣ်ကဘၣ်တၢ်စိာ်ကွံာ်ဆူကီၢ် အၤၡူၢ်အစီၤပၤဖးဒိၣ်အအိၣ်ဒ်တၢ်ဟ့ၣ်တၢ်ခိတၢ်သွဲအသိးန့ၣ် လီၤ. ကီၢ်အံၣ်စရ့လးကဘၣ်တၢ်မၤမဲာ်ဆှးအီၤဒီးကဘၣ်ဒိးတၢ်မဲာ်ဆှး လၢတၢ်ဟ့ၣ်ကူၣ်လၢအဝဲပိာ်ထွဲဘၣ်ဝဲအဃိန့ၣ်လီၤ.

လံာ်လူၤကၣ် 6:37

“စံၣ်ညီၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်သုဘၣ်. စံၣ်ညီၣ်ဃၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်ဃၣ်သုဘၣ်. ပျၢ်ကွံာ်ပှၤဂၤအတၢ်ကမၣ်တက့ၢ်, ဒီးကစၢ်ယွၤကပျၢ်ကွံာ်သုတၢ်ကမၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 2:10

ဘၣ်ဆၣ်ဒီးကစၢ်ယွၤကဟ့ၣ်တၢ်လၤတၢ်ကပီၤ, တၢ်ယူးယီၣ်, ဒီးတၢ်ဃူတၢ်ဖိးလၢပှၤမၤတၢ်ဂ့ၤတၢ်ဝါခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:17

အန့ၣ်ဝံၤဒီးအဝဲစံးဘၣ်စီၤဒၤဝံး, “နတၢ်ဘၣ်ဒီးယတၢ်ကမၣ် လီၤ. နဂ့ၤလၢယဖီခိၣ်ဒိၣ်မး, ဖဲယမၤတ့ၢ်တၢ်ကမၣ်လၢနဖီခိၣ်ဒ်န့ၣ် အသိးအခါလီၤ.