လံာ်ယဃ့းစက့လး 16:50 - Sgaw Karen Common Bible

⁵⁰ အဝဲသ့ၣ်ပာ်ထီၣ်ထီအသးဒီးအခိၣ်ကိၤ, ဒီးမၤတၢ်တဖၣ်လၢယသးဟ့ အီၤ, သတးဒီးယမၤဟးဂီၤတ့ၢ်အဝဲသ့ၣ်ဒ်နသ့ၣ်ညါနဲဂ့ၤမးအသိးန့ၣ် လီၤ.

လံာ်ယဃ့းစက့လး 16:50 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 18:20

ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ.

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်တၢ်ကဲထီၣ်အခီၣ်ထံး 19:25

ဒီးမၤဟးဂီၤကွံာ်အဝဲသ့ၣ်ဒီးတၢ်တြီၤဒီခါညါ, ဃုာ်ဒီးပှၤဂီၢ်မုၢ်ဖဲန့ၣ်ခဲလၢာ်ဒီးတၢ်ကိးမံၤဒဲးလၢအမဲ ထီၣ်လၢဟီၣ်ခိၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:5

အဝဲသ့ၣ်ကိးထီၣ်စီၤလိာ်ဒီးသံကွၢ်ဝဲ, “ပှၤပိာ်ခွါလၢအဟဲ လၢကအိၣ်ဒီးနၤတနၤအံၤတဖၣ်န့ၣ်အိၣ်ဖဲလဲၣ်. ဟဲစိာ်ထီၣ်အဝဲသ့ၣ်ဆူပအိၣ်တက့ၢ်.” ဝ့ၢ်စဒိၣ်အပှၤပိာ်ခွါသ့ၣ် တဖၣ်အဲၣ်ဒိးမံဃုာ်ဂဲၤဃုာ်ဒီးအဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:7

တၢ်အိၣ်တၢ်ဆိးအလီၢ်တဖၣ်လၢယွၤအတၢ်လုၢ်ဟံၣ်အပူၤ, လၢတၢ်လုၢ်ဟံၣ်အဃဲသဲမုၣ်တဖၣ်အိၣ်ဆိးဝဲန့ၣ်, အဝဲမၤဟးဂီၤကွံာ်ဝဲန့ၣ်လီၤ. (ဖဲတၢ်လီၢ်အံၤန့ၣ်, ပှၤပိာ်မုၣ်တဖၣ်ထါဝဲဆ့ကၤဖးထီတဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ကစၢ်မုၣ်အၡ့ရၤအပူၤန့ၣ် လီၤ.)

လံာ်စီၤယိၤဘး 18:15

ဖဲကးဘၣ်တၢ်ဖှံလီၤအီၤလၢ ကမၤကဆှီကွံာ်တၢ်ဆူးတၢ်ဆါ အဃၢ်ဝံၤအလီၢ်ခံန့ၣ်, ခဲအံၤပှၤတဂၤဂၤကအိၣ်ဆိးလၢ အဒဲပူၤလီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယံးရမံယၤ 20:16

မ်အဝဲဒၣ်ကလီၤဂာ်ဒီးဝ့ၢ်တဖၣ် လၢယွၤမၤဟးဂီၤတ့ၢ်အီၤတအိၣ်ဒီးတၢ်သးကညီၤဘၣ်န့ၣ်တက့ၢ်. မ်အဝဲဒၣ်ကနၢ်ဟူဘၣ်တၢ်ဆူးတၢ်ဆါအတၢ်ကိးပသူထီၣ်လၢ ဂီၤထၢၣ်သၢအကတီၢ်ဒီးတၢ်ဒုးတၢ်ယၤအတၢ်မၤဖုး မၤပျီၢ်လၢမုၢ်ထူၣ်အကတီၢ်န့ၣ်တက့ၢ်.

လံာ်ယံးရမံယၤ 49:18

တၢ်တမံၤဃီၤဒ်သိးအမၤတ့ၢ်လံအသးဒီး ဝ့ၢ်စဒိၣ်ဒီး ကမိရၤဒီး ဝ့ၢ်အိၣ်ဘူးအိၣ်တံၢ်တဖၣ်န့ၣ် ကလီၤဘၣ်ကီၢ်အဒိၣ်လီၤ. ဒီးဖဲအဝဲသ့ၣ်ဘၣ်တၢ်မၤဟးဂီၤအီၤအခါန့ၣ်လီၤ. ပှၤတအိၣ်ဆိးကဒီး ဖဲန့ၣ်နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:40

တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ် န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ် နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်သးသယုၢ်တၢ် 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်, လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:22

ပိာ်ခွါတဘၣ်မံဃုာ်ဒီးပိာ်ခွါဒ်အမံဃုာ်ဒီး ပိာ်မုၣ်တဂၤအသိးန့ၣ်ဘၣ်. မ့ၢ်တၢ်သးဘၣ်အၢလၢယွၤလီၤ.

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်သိၣ်လီၤသီလီၤတၢ် 23:17

ဒီးပှၤအံၣ်စရ့လးဖိအပိာ်ခွါမ့ၢ်ဂ့ၤ, အပိာ်မုၣ်မ့ၢ်ဂ့ၤ, တဘၣ်ကဲထီၣ်တၢ်လုၢ်လီၢ်အပှၤဃဲသဲမုၣ်နီတဂၤဘၣ်.

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

၂ ပ့းတရူး 2:6

ယွၤစံၣ်ညီၣ်ဝ့ၢ်စဒိၣ်ဒီးဝ့ၢ်ဂမိရၤဒီးမၤဟးဂီၤကွံာ်အီၤလၢ မ့ၣ်အူ, ဒီးဒုးကဲထီၣ်အီၤလၢတၢ်အဒိအတဲာ်လၢပှၤလၢ အတယူးတယီၣ်ယွၤအဂီၢ်န့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.