လံာ်ယဃ့းစက့လး 16:42 - Sgaw Karen Common Bible

⁴² အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ယဃ့းစက့လး 16:42 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:14

အန့ၣ်ဝံၤဒီးအဝဲသ့ၣ်ခူၣ်လီၤကွံာ်စီၤစီလူးဒီးစီၤယိၤနၤ သၣ်အဃံတဖၣ်လၢစီၤစီလူးအပၢ်စီၤကံၣ်အသွၣ်ခိၣ်အပူၤလၢဝ့ၢ်စ့လၤ, လၢဘံၣ်ယၤမံၣ်အလီၢ်ကဝီၤအပူၤ ဒီးမၤတၢ်ခဲလၢာ်လၢစီၤပၤမၤလိာ်တ့ၢ်ဝဲန့ၣ်လီၤ. ဒီးတၢ်န့ၣ်ဝံၤအလီၢ်ခံ, ကစၢ်ယွၤဒိကနၣ်အဝဲသ့ၣ်အတၢ်ထုကဖၣ် တဖၣ်လၢထံကီၢ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:25

အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယဃ့းစက့လး 21:17

ယဲစ့ၢ်ကီးယကဒဲယစုတဖၣ်ဒီးယတၢ်သးဒိၣ် ကကတၢၢ်ကွံာ်ဝဲဒၣ်န့ၣ်လီၤ.” ယၤ, ယွၤအံၤကတိၤလံတၢ်လံ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်စကၤရယၤ 6:8

အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”