လံာ်ယဃ့းစက့လး 16:38 - Sgaw Karen Common Bible

³⁸ ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ယဃ့းစက့လး 16:38 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်တၢ်ဟးထီၣ်ကွံာ် 21:12

ပှၤတဂၤလၢ်လၢ်လၢအဒိအတီၢ်ပှၤတဂၤဒီးမၤသံအီၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယဃ့းစက့လး 16:36

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “နဘ့ၣ်ကွံာ်နကူနသိးခဲလၢာ်ဒီးဒ်ပှၤဃဲသဲမုၣ်အသိးန့ၣ်, နဟ့ၣ်လီၤနသးဆူပှၤလၢနအဲၣ်အီၤတဖၣ်ဒီးဆူနတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်အအိၣ်, ဒီးနမၤသံနဖိတဖၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ်အီၤ ဆူတၢ်ဂီၤတၢ်ဖီၣ်န့ၣ်လီၤ.

လံာ်ယဃ့းစက့လး 16:40

အဝဲသ့ၣ်ကထိၣ်ဂဲၤထီၣ်ပှၤဂီၢ်မုၢ်တဖုလၢကကွံာ်နၤလၢလၢၢ်, ဒီးအဝဲသ့ၣ်ကကျီကွံာ်နၤအကူာ်အကူာ်လၢအနးတဖၣ်န့ၣ်လီၤ.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 23:25

မ့ၢ်လၢ, ယသးဒိၣ်ထီၣ်နၤအဃိ, ယကပျဲအဝဲသ့ၣ်မၤဘၣ်နၤလၢအတၢ် သးထီၣ်အပူၤန့ၣ်လီၤ. အဝဲသ့ၣ်ကကူးတဲာ်ကွံာ်နနါဒ့တဖၣ်ဒီးနနၢ်တဖၣ်ဒီးကမၤသံကွံာ် နဖိတဖၣ်န့ၣ်လီၤ. မ့ၢ်လီၤ. အဝဲသ့ၣ်ကဟံးန့ၢ်ကွံာ်နဖိခွါတဖၣ်ဒီးနဖိမုၣ်တဖၣ်လၢနအိၣ် ဒီးဒွဲၣ်ကွံာ်မူဒံးအဝဲသ့ၣ်န့ၣ်လီၤ.

လံာ်ယဃ့းစက့လး 35:6

လၢတၢ်န့ၣ်အဃိဒ်, ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ် ယွၤလၢအမူဝဲနီၢ်နီၢ်အသိး, ယစံးယဲလၢ, တၢ်သံမ့ၢ်သုတၢ် ဘူၣ်တၢ်တီၤဒီးသုဃ့ၢ်ပူၤဖျဲးသုသးလၢအီၤတသ့ဘၣ်. သုတၢ်ကမၣ်အိၣ်ဝဲလၢသုမၤသံတၢ်အဃိဒီးတၢ်မၤ သံန့ၣ်ကလူၤပိာ်ထွဲသုခံန့ၣ်လီၤ.

လံာ်ယဃ့းစက့လး 36:18

ယဒုးကလၢၢ်ဘၣ်အဝဲသ့ၣ်လၢယတၢ်သးကဲၤထီၣ်အသဟီၣ်အဆူၣ်, လၢတၢ်မၤသံတဖၣ်လၢအဝဲသ့ၣ်မၤတ့ၢ်ဝဲလၢကီၢ်ပူၤဒီးလၢတၢ်ဂီၤ တၢ်ဖီၣ်တဖၣ်လၢအဝဲသ့ၣ်မၤဘၣ်အၢကီၢ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်စဖါနယၤ 1:17

ယွၤစံးဝဲဒၣ်, “ယကဟဲစိာ်တၢ်ဟးဂူာ်ဟးဂီၤဒ်သိးအံၤတဖၣ်ဆူ ပှၤဟီၣ်ခိၣ်ဖိခဲလၢာ်အလိၤဒ်သိးပှၤကိးဂၤဒဲး ကဃုပုာ်ကလၢၢ်တၢ်ဒ်ပှၤမဲာ်ဘျီၣ်တဂၤအသိးန့ၣ်လီၤ. အဝဲသ့ၣ်မၤတ့ၢ်တၢ်ဒဲးဘးထီဒါယၤ, ဒီးခဲကနံၣ်အံၤအသွံၣ်ကဘၣ် တၢ်လူလီၤအီၤဒ်ထံအသိး, ဒီးအစိၣ်တဖၣ်အိၣ်မံလီၤလၢ ဟီၣ်ခိၣ်လိၤအုၣ်သံကျၣ်သံဝဲဒၣ်န့ၣ်လီၤ.”

လံာ်တၢ်ဂံၢ် 35:16

ဒ်လဲၣ်ဒ်လဲၣ်ဂ့ၤန့ၣ်, ပှၤတဂၤမ့ၢ်သူတၢ်စုကဝဲၤထးမ့ၢ်ဂ့ၤ, လၢၢ်မ့ၢ်ဂ့ၤ, သ့ၣ်မ့ၢ်ဂ့ၤဒ်သိးကမၤသံဘၣ်ပှၤတဂၤဂၤဒီး, အဝဲအတၢ်ကမၣ်အိၣ်လၢအမၤသံတၢ်အဃိ, ဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 35:21

ပသီတံၢ်အီၤလၢအစုခိၣ်မ့ၢ်ဂ့ၤန့ၣ်ဒီးအဝဲအတၢ်ကမၣ်အိၣ်လၢတၢ် မၤသံတၢ်ဒီးကဘၣ်တၢ်မၤသံကွံာ်အီၤန့ၣ်လီၤ. ပှၤသံတဂၤအဘူးအတံၢ်အဘူးကတၢၢ်အိၣ်ဒီးအမူအဒါလၢကမၤသံကွံာ် ပှၤမၤသံတၢ်န့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံအီၤန့ၣ်လီၤ.

လံာ်တၢ်ဂံၢ် 35:31

ပှၤမၤသံတၢ်တဂၤန့ၣ်ကဘၣ်တၢ်မၤသံအီၤလီၤ. အဝဲပူၤဖျဲးဒီးတၢ်စံၣ်ညီၣ်အံၤခီဖျိတၢ်ဟ့ၣ်တၢ်အပှ့ၤလၢ ကျိၣ်ဧိၤစ့ဧိၤတသ့ဝဲဘၣ်.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”