လံာ်ယဃ့းစက့လး 16:3 - Sgaw Karen Common Bible

³ တဲဘၣ်ဝ့ၢ်ယရူၤၡလ့ၣ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ်အီၤ န့ၣ်တက့ၢ်. နအိၣ်ဖျဲၣ်ထီၣ်လၢကီၢ်ကနၤဧၣ်အပူၤလီၤ. နပၢ်မ့ၢ်ပှၤအမိၢ်ဖိတဂၤဒီးနမိၢ်မ့ၢ်ပှၤဃ့ၤသးဖိတဂၤလီၤ.

လံာ်ယဃ့းစက့လး 16:3 Iomraidhean Croise

လံာ်တၢ်ကဲထီၣ်အခီၣ်ထံး 11:25

အန့ၣ်ဝံၤဒီး, အဝဲအိၣ်မူဆူညါတကယၤတဆံခွံနံၣ်ဒီးထီၣ်ဖိ န့ၢ်အဖိအဂုၤအဂၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:29

စီၤအၤဘြၣ်ထီၣ်ပှၢ်ဒီးနီၢ်စၤရဲ, ဒီးစီၤနၤဃိၢ်ထီၣ်ပှၢ်ဒီး နီၢ်မံးလကၤလၢအမ့ၢ်စီၤဟၤရၣ်အဖိမုၣ်, လၢအမ့ၢ်စ့ၢ်ကီးနီၢ်ယံၤစကၤအဒီပုၢ်ဝဲၢ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 21:26

အဝဲမၤတ့ၢ်တၢ်ဒဲးဘးတဖၣ်လၢအလီၤမဲာ်ဆှးအဒိၣ်ကတၢၢ်ခီဖျိတၢ် ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဒ်ပှၤအမိၢ်ဖိတဖၣ်လၢယွၤ ဟီထီၣ်ကွံာ်တ့ၢ်အီၤလၢကီၢ်ပူၤဖဲကီၢ်အံၣ်စရ့လးအပှၤဂီၢ်မုၢ်တဖၣ် ဟဲထီၣ်ဒုးတၢ်အခါမၤတ့ၢ်ဝဲအသိးန့ၣ်လီၤ.)

လံာ်စီၤပၤခံဘ့ၣ်တဘ့ၣ် 21:11

“စီၤပၤမနၤၡ့ၤမၤတ့ၢ်တၢ်လီၤသးဘၣ်အၢတဖၣ်အံၤ, တၢ်တဖၣ်လၢအအၢဒိၣ်န့ၢ်ဒံးတၢ်လၢပှၤကနၤဧၣ်ဖိတဖၣ်မၤတ့ၢ်အီၤ န့ၣ်လီၤ. ခီဖျိအတၢ်ဂီၤတၢ်ဖီၣ်တဖၣ်အံၤန့ၣ်အဝဲဆှၢဃီၤကီၢ်ယူဒၤအပှၤ ဂီၢ်မုၢ်ဆူတၢ်ဒဲးဘးအပူၤန့ၣ်လီၤ.

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်စီၤနဃ့မယၤ 9:7

နဲဒၣ်ယွၤ, ကစၢ်ယွၤဧၢ, နဃုထၢစီၤအၤဘြၣ် ဒီးနကိးထီၣ်ကွံာ်အီၤလၢဝ့ၢ်အူၢ်လၢကီၢ်ဘၤဘူၤလိၣ် ဒီးနလဲလိာ်ကွံာ်အမံၤဆူစီၤအၤဘြၤဟၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 43:27

နမိၢ်ပၢ်ဖံဖုအဆိကတၢၢ်တဖၣ်အကျါတဂၤ မၤတ့ၢ်တၢ်ဒဲးဘးလီၤ. နပှၤခိၣ်ပှၤနၢ်တဖၣ်မၤတ့ၢ်တၢ်ဒဲးဘးထီဒါယၤလီၤ.

လံာ်ယဃ့းစက့လး 16:4

ဖဲနအိၣ်ဖျဲၣ်ထီၣ်န့ၣ်, ပှၤတကူးတဲာ်ဘၣ်နဒ့အပျံၤမ့ၢ်ဂ့ၤ, သ့ကဆှီဘၣ်နၤမ့ၢ်ဂ့ၤ, ထူးနၤလၢအံသၣ်မ့ၢ်ဂ့ၤ, ဒီးဘိၣ်ဘံနၤလၢတၢ်ကံးယာ်မ့ၢ်ဂ့ၤနီတဂၤဘၣ်.

လံာ်ယဃ့းစက့လး 16:45

နမ့ၢ်နီၢ်နီၢ်နမိၢ်အဖိမုၣ်န့ၣ်လီၤ. အဝဲသးဟ့အဝၤဒီးအဖိ တဖၣ်လီၤ. နလီၤဂာ်ဒီးနဒီပုၢ်ဝဲၢ်မုၣ်တဖၣ်လၢအသးဟ့ အဝၤတဖၣ်ဒီးအဖိတဖၣ်န့ၣ်လီၤ. နၤဒီးနဒီပုၢ်ဝဲၢ်မုၣ်ဝ့ၢ်တဖၣ်အိၣ်ဒီးမိၢ်တဂၤလၢအမ့ၢ်ပှၤ ဃ့ၤသးဖိဒီးသုပၢ်မ့ၢ်ပှၤအမိၢ်ဖိတဂၤန့ၣ်လီၤ.

လံာ်ယဃ့းစက့လး 21:30

ဖျီၣ်နုာ်က့ၤနးန့ၣ်တက့ၢ်. ယကစံၣ်ညီၣ်သုလၢတၢ်လီၢ်ဖဲသုဘၣ်တၢ်တ့လီၤပာ်လီၤသု, ကီၢ်ဖဲသုအိၣ်ဖျဲၣ်ထီၣ်အပူၤန့ၣ်လီၤ.

လံာ်မးသဲ 11:24

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ် ယွၤကပာ်ဖျါထီၣ်အတၢ်သးကညီၤလၢဝ့ၢ်စဒိၣ် အဖီခိၣ်အါန့ၢ်အကပာ်ဖျါထီၣ်ဝဲလၢနဖီခိၣ်တက့ၢ်လီၤ.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 3:7

ပှၤဂီၢ်မုၢ်ဂီၢ်ပၤဟဲဆူစီၤယိၤဟၣ်အအိၣ်, ဒ်သိးအကဘၣ်တၢ်ဘျၢအီၤလၢထံလီၤ. အဝဲဒၣ်စံးဘၣ်အဝဲသ့ၣ် “ဂုၢ်ဘီၣ်အီးသ့ၣ်ဧၢ, မ့ၢ်မတၤစံးဘၣ်တဲဘၣ်သုလၢသုပူၤဖျဲးဒီး တၢ်စံၣ်ညီၣ်လၢကစၢ်ယွၤသါကဆှၢလီၤဝဲန့ၣ်သ့ဝဲတဂၤလဲၣ်.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

လံာ်သိၣ်လီၤသီလီၤတၢ် 20:17

ကယဲၢ်ပှၤဂီၢ်မုၢ်ခဲလၢာ်လၢအမ့ၢ်, ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိန့ၣ် မၤဟးဂီၤကွံာ်အီၤစီဖ့ကလ့ၤဒ်ယွၤဟ့ၣ်လီၤတ့ၢ်အကလုၢ်လၢသု ကဘၣ်မၤအီၤန့ၣ်တက့ၢ်.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 13:4

အိၣ်ဒံးဝဲပှၤကနၤဧၣ်ဖိအကီၢ်ဒီဘ့ၣ်ဒီးဝ့ၢ်မၤရါ (လၢအဘၣ်ဃးဒီးပှၤစံဒိၣ်ဖိတဖၣ်) ဒီးတုၤလၢဝ့ၢ်အဖ့းလၢ ပှၤအမိၢ်ဖိအကီၢ်ဆၢ,

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.