လံာ်ယဃ့းစက့လး 16:26 - Sgaw Karen Common Bible

²⁶ နပျဲပှၤအဲၤကူပတူးဖိတဖၣ်လၢအအိၣ်လၢနဃၢၤလၢအသးကတၢန့ၣ် ကမံဃုာ်ဒီးနၤလၢလီၢ်မံခးအဖီခိၣ်လီၤ. ဒီးနသူနတၢ်မၤပှၤဃဲသဲမုၣ်အတၢ်မၤလၢကမၤသးထီၣ်ယၤအဂီၢ်န့ၣ် လီၤ.

လံာ်ယဃ့းစက့လး 16:26 Iomraidhean Croise

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်ယဃ့းစက့လး 8:14

လၢတၢ်န့ၣ်အဃိ, အဝဲလဲၤဆှၢယၤဆူယွၤအတၢ်လုၢ်ဟံၣ်ကလံၤစိး အတြဲၤဒီးဒုးနဲၣ်ယၤပိာ်မုၣ်တဖၣ်ဟီၣ်တၢ်ယၢၤတၢ်လၢကစၢၢ်တးမူး အတၢ်သံအဃိန့ၣ်လီၤ.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:3

ဒီးအတၢ်ယွၤလီၤန့ၣ်မ့ၢ်ဆိတ့ၢ်အသးဒၣ်ဝဲမ့ၢ်ဂ့ၤ, တဆိတ့ၢ်ဘၣ်မ့ၢ်ဂ့ၤန့ၣ်အဝဲမ့ၢ်ပှၤတကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိးန့ၣ်လီၤ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.