လံာ်ယဃ့းစက့လး 16:23 - Sgaw Karen Common Bible

²³ ယွၤပၢဘၣ်တၢ်ခဲလၢာ်ကစၢ်စံးဝဲ, “နကဘၣ်တၢ်စံၣ်ညီၣ်ဃါမနၤ, ဃါမနၤလီၤ. နမၤတၢ်အၢတၢ်သီန့ၣ်ခဲလၢာ်, ဝံၤဒီး,

လံာ်ယဃ့းစက့လး 16:23 Iomraidhean Croise

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယဃ့းစက့လး 13:18

ဒီးတဲဘၣ်အဝဲသ့ၣ်တၢ်လၢယွၤပၢဘၣ်တၢ်ခဲလၢာ်အကစၢ်စံးဘၣ် အဝဲသ့ၣ်န့ၣ်တက့ၢ်. သုဝဲပိာ်မုၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုဆးသုစုဒ့ကွီၤမၤကဒါပှၤမဲာ်တဖၣ်လၢပှၤကိးဂၤဒဲးအဂီၢ် ဒီးမၤနီၣ်ကျၢၢ်ဘၢခိၣ်မၤကဒါပှၤမဲာ်တဖၣ်, အကလုာ်ကလုာ်လၢပှၤကိးဂၤဒဲးကစၢထီၣ်ဝဲလၢအခိၣ်တဖၣ်အလိၤ, ဒ်သိးဒီးအဝဲသ့ၣ်ကအိၣ်ဒီးတၢ်စိကမီၤလၢပှၤဂီၢ်မုၢ်အဂၤတဖၣ် အတၢ်အိၣ်မူအဖီခိၣ်အဂီၢ်န့ၣ်လီၤ. သုသးအိၣ်မၤန့ၢ်တၢ်စိကမီၤဘၣ်ဃးဒီးတၢ်မူဒီးတၢ်သံလၢယပှၤ ဂီၢ်မုၢ်အဖီခိၣ်ဒီးသူအီၤလၢသုတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်ယဃ့းစက့လး 13:3

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဝံအမၢးတဖၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟ့ၣ်ထီၣ်တၢ်သူၣ်ဆူၣ်သးဂဲၤဒၣ်ဝဲတဖၣ်ဒီးဒုးအိၣ်ထီၣ် တၢ်ထံၣ်လၢညါခီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 16:22

ဖဲနအိၣ်မူတၢ်အိၣ်မူလီၤသးဘၣ်အၢဒ်ပှၤဃဲသဲမုၣ်တဂၤ အသိးအကတီၢ်န့ၣ်, နတသ့ၣ်နီၣ်ထီၣ်က့ၤနဖိသၣ်အမုၢ်နံၤတဖၣ်နီတဘျီ, ဖဲနအိၣ်ဘ့ၣ်ဆ့ဒီးတလ့ၣ်ကံးကူးနသးလၢနသွံၣ်ဒၣ်နဲအပူၤ အကတီၢ်န့ၣ်ဘၣ်.”

လံာ်ယဃ့းစက့လး 16:24

လၢကျဲမုၢ်ကိးဘိဒဲးအသရ့ၤန့ၣ်, နသူၣ်ထီၣ်ဘှီထီၣ်တၢ်လီၢ်တဖၣ် လၢတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်အဂီၢ်ဒီးမၤပှၤဃဲသဲ မုၣ်အတၢ်မၤလီၤ.

လံာ်ယဃ့းစက့လး 2:10

စုတခီန့ၣ်သလၣ်ထီၣ်လံာ်ထူန့ၣ်, ဒီးယထံၣ်ဘၣ်လၢတၢ်ကွဲးအသး အိၣ်ခံကပၤလိာ်လီၤ. တၢ်ဟီၣ်တၢ်ယၢၤ, တၢ်ကအုကစွါဒီးတၢ်ကိးထီၣ်လၢတၢ်သူၣ်အုးသး အုးအပူၤတဖၣ်အိၣ်ကွဲးလီၤတ့ၢ်အသးဖဲန့ၣ်လီၤ.

လံာ်ယဃ့းစက့လး 24:6

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ဝ့ၢ်န့ၣ်လီၤဂာ်ဒ်သပၢၤတဖျၢၣ်လၢအထီၣ်အ့ၣ်လၢတၢ်တမၤကဆှဲ ကဆှီထီၣ်အီၤနီတဘျီဘၣ်န့ၣ်လီၤ. တၢ်ညၣ်တကူာ်ဘၣ်တကူာ်ဘၣ်တၢ်ထုးထီၣ်ကွံာ်အီၤဒီးတအိၣ်လီၤ တဲာ်တ့ၢ်နီတကူာ်ဘၣ်.

လံာ်စဖါနယၤ 3:1

ဝ့ၢ်ယရူၤၡလ့ၣ်လၢအတတီတတြၢ်, ပူထီၣ်လီထီၣ်ဒီးမၤနးမၤဖှီၣ်အပှၤဂီၢ်မုၢ်ဒၣ်ဝဲန့ၣ်ဘၣ်တၢ် စံၣ်ညီၣ်ဃါမနၤလီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်လီၣ်ဖျါ 12:12

ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”

လံာ်လီၣ်ဖျါ 8:13

တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”