လံာ်ယဃ့းစက့လး 16:16 - Sgaw Karen Common Bible

¹⁶ နသူနတၢ်ကူတၢ်သိးတနီၤလၢနကကယၢကယဲနတၢ်ဘူၣ်တၢ်ဘါ အလီၢ်တဖၣ်အဂီၢ်, ဒီးဒ်ပှၤဃဲသဲမုၣ်တဂၤအသိး, နဟ့ၣ်လီၤနသးဆူပှၤကိးဂၤဒဲးအအိၣ်လီၤ.

လံာ်ယဃ့းစက့လး 16:16 Iomraidhean Croise

လံာ်စီၤပၤခံဘ့ၣ်တဘ့ၣ် 23:7

တၢ်အိၣ်တၢ်ဆိးအလီၢ်တဖၣ်လၢယွၤအတၢ်လုၢ်ဟံၣ်အပူၤ, လၢတၢ်လုၢ်ဟံၣ်အဃဲသဲမုၣ်တဖၣ်အိၣ်ဆိးဝဲန့ၣ်, အဝဲမၤဟးဂီၤကွံာ်ဝဲန့ၣ်လီၤ. (ဖဲတၢ်လီၢ်အံၤန့ၣ်, ပှၤပိာ်မုၣ်တဖၣ်ထါဝဲဆ့ကၤဖးထီတဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ကစၢ်မုၣ်အၡ့ရၤအပူၤန့ၣ် လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 28:24

အါန့ၢ်တၢ်အံၤ, အဝဲဟံးထီၣ်ကယဲၢ်ယွၤအတၢ်လုၢ်ဟံၣ်အဃၢၤအဃိာ်တ ဖၣ်, ဒီးမၤလီၤကလဲကွံာ်အီၤန့ၣ်လီၤ. အဝဲကးတံာ်ကွံာ်ယွၤအတၢ်လုၢ်ဟံၣ်ဒီးပာ်လီၤတၢ်လုၢ်လီၢ်တဖၣ်လၢ ဝ့ၢ်ယရူၤၡလ့ၣ်အပူၤသကုၤဆးဒးန့ၣ်လီၤ.

လံာ်ယၡါယၤ 57:7

သုလဲၤထီၣ်ဆူကစၢၢ်ထီၣ်ထီတဖၣ်အလိၤလၢသုကလုၢ်ထီၣ် ပာ်ထီၣ်တၢ်အဂီၢ်ဒီးမံဃုာ်အိၣ်ဃုာ်လိာ်သုသးအဂီၢ်န့ၣ်လီၤ.

လံာ်ယံးရမံယၤ 2:10

လဲၤဆူမုၢ်နုၢ်ဆူကီးကူပြူး, ဒီးဆှၢလီၤပှၤတဂၤဂၤဆူမုၢ်ထီၣ်တကပၤဆူ ကီၢ်က့ဒၢ်တက့ၢ်. သုကထံၣ်ဘၣ်လၢတၢ်ဒ်သိးအံၤလၢညါ တမၤတ့ၢ်အသးနီတဘျီဘၣ်န့ၣ်လီၤ.

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ယဃ့းစက့လး 16:17

နဟံးန့ၢ်စ့ဒီးထူတၢ်မျၢ်ပလဲလၢယဟ့ၣ်တ့ၢ်နၤတဖၣ်ဒီးသူအီၤ လၢနကမၤကဲထီၣ်ပိာ်ခွါအက့ၢ်အဂီၤတဖၣ်, ဒီးမၤကမၣ်မုၣ်ကမၣ်ခွါဒီးအဝဲသ့ၣ်န့ၣ်လီၤ.

လံာ်ယဃ့းစက့လး 23:1

ယွၤကတိၤတၢ်ဒီးယၤလီၤ.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဟိၤၡ့ 2:10

ယကဘ့ၣ်ကွံာ်အကူအသိးဒီးဒုးအိၣ်ဘ့ၣ်ဆ့အီၤလၢ ပှၤလၢအအဲၣ်ဝဲသ့ၣ်တဖၣ်အမဲာ်ညါဒီးပှၤမၤထူၣ်ဖျဲးအီၤလၢယ စိကမီၤပူၤကသ့တအိၣ်ဘၣ်နီတဂၤဘၣ်.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.