လံာ်ယဃ့းစက့လး 16:13 - Sgaw Karen Common Bible

¹³ နအိၣ်ဒီးတၢ်ကယၢကယဲတဖၣ်လၢထူဒီးစ့, ဒီးထီဘိနကူသိးဒၣ်တၢ်ကူတၢ်ကၤဖှီဝါကဆှၣ် လၢတၢ်ဆးဒဲးကံၣ်ဒဲးဝ့ၤအီၤဒီးတၢ်ကူတၢ်ကၤသတိၢ်န့ၣ်လီၤ. နအီၣ်ကိၣ်လၢအဘၣ်တၢ်မၤအီၤလၢကိၣ်ကမူၣ်အဂ့ၤကတၢၢ်ဒီးနအိၣ်ဒီး ကနဲစီဒီးသ့ၣ်စၤယံးအသိလၢနကအီၣ်အီၤအဂီၢ်န့ၣ်လီၤ. နတၢ်ဃံတၢ်လၤန့ၣ်မၤကတုၤပှၤအသး ဒီးနကဲထီၣ်နီၢ်ပၤမုၣ်တဂၤန့ၣ်လီၤ.

လံာ်ယဃ့းစက့လး 16:13 Iomraidhean Croise

လံာ်တၢ်ကဲထီၣ်အခီၣ်ထံး 17:6

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်ဒီးလၢအကျါတနီၤ န့ၣ်ကကဲထီၣ်စီၤပၤတဖၣ်လီၤ. နကအိၣ်ဒီးနစၢၤနသွဲၣ်အါဂၤတုၤဒၣ်လဲာ်အဝဲသ့ၣ်တဖၣ်ကကဲထီၣ်ပှၤ ကလုာ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

လံာ်စီၤဧ့စြၤ 5:11

အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.

လံာ်စီၤယိၤဘး 29:6

ယဂီၤဖံးမိၢ်တဖၣ်ဒီးမဲာ်တဲးလဲးတဖၣ်ဟ့ၣ်ယၤတၢ်နုၢ်ထံအါမး ဒီးယသ့ၣ်စၤယံးသ့ၣ်တဖၣ်မဲထီၣ်ဝဲလၢလၢၢ်ခိၣ်လ့ကျါအပူၤန့ၣ်လီၤ.

စံးထီၣ်ပတြၢၤ 147:14

အဝဲပာ်လီၤတၢ်ဃူတၢ်ဖိးလၢနကီၢ်အဃၢၤ, အဝဲဒုးဘျဲးအီၣ်ဘျဲးအီနၤလၢ ဘုဧိၤဟုဧိၤလၢအဂ့ၤကတၢၢ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 50:2

လၢစံယိၣ်အတၢ်ဃံတၢ်လၤအလၢအပှဲၤအပူၤန့ၣ်, ကစၢ်ယွၤကပီၤထီၣ်ဝဲလီၤ.

စံးထီၣ်ပတြၢၤ 81:16

မ့မ့ၢ်ယဲၢအံၤယကဒုးအီၣ်နၤလၢဘုကၠူၣ်အဂ့ၤကတၢၢ် ဒီးဒုးမံသူၣ်မံသးနၤလၢကနဲစီအမံၤန့ၣ်လီၤ.”

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ယံးရမံယၤ 13:20

ဝ့ၢ်ယရူၤၡလ့ၣ်ဧၢ, ကွၢ်တက့ၢ်. နဒုၣ်နဒါတဖၣ်ဟဲလီၤလၢကလံၤစိးတခီလံ. ပှၤဂီၢ်မုၢ်လၢတၢ်ပာ်အီၤလၢနစုပူၤလၢနကကဟုကယာ်အီၤအဂီၢ်, နပှၤဂီၢ်မုၢ်လၢနပာ်ထီၣ်ထီနသးလၢအဃိအါမးတဖၣ်, မ့ၢ်အအိၣ်ဖဲလဲၣ်.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်ယဃ့းစက့လး 16:10

ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်ယဃ့းစက့လး 16:17

နဟံးန့ၢ်စ့ဒီးထူတၢ်မျၢ်ပလဲလၢယဟ့ၣ်တ့ၢ်နၤတဖၣ်ဒီးသူအီၤ လၢနကမၤကဲထီၣ်ပိာ်ခွါအက့ၢ်အဂီၤတဖၣ်, ဒီးမၤကမၣ်မုၣ်ကမၣ်ခွါဒီးအဝဲသ့ၣ်န့ၣ်လီၤ.

လံာ်ယဃ့းစက့လး 16:19

ယဟ့ၣ်နၤလၢတၢ်အီၣ်လၢအမ့ၢ်ကိၣ်ကမူၣ်အဂ့ၤကတၢၢ်, သ့ၣ်စၤယံးအသိ, ဒီးကနဲစီ, ဘၣ်ဆၣ်ဒီးနလုၢ်ထီၣ်အီၤဒ်တၢ်လုၢ် တၢ်ပာ်တမံၤအသိး, ဒ်သိးနကမၤန့ၢ်တၢ်ဂီၤတၢ်ဖီၣ်တဖၣ်အတၢ်ကွၢ်မဲာ်နၤအဂီၢ်န့ၣ် လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 23:40

တဘျီဘၣ်တဘျီအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးကကွဲ မုာ်ပိာ်ခွါတဖၣ်လၢအကဟဲဝဲလၢတၢ်ဒ့ၣ်စၢၤဖးယံၤဒီးပှၤပိာ်ခွါတဖၣ် ဟဲဝဲလီၤ. ပှၤဒီပုၢ်ဝဲၢ်မုၣ်ခံဂၤအံၤကလုၣ်ထံဒီးတိၤထီၣ်အမဲာ်ဖံးဒီး ကယၢကယဲထီၣ်အသးလၢတၢ်မျၢ်ပလဲတဖၣ်န့ၣ်လီၤ.

လံာ်ယဃ့းစက့လး 27:16

ကီၢ်စူၤရံအပှၤဂီၢ်မုၢ် ပှ့ၤနတၢ်ပနံာ်တၢ်ကၤတၢ်အတၢ်ပီးတၢ်လီ တဖၣ်ဒီး တၢ်ဖိတၢ်လံၤတဖၣ်လၢ အဟးထီၣ်လၢနထံလီၢ်ကီၢ်ပူၤ န့ၣ်လီၤ. အဝဲသ့ၣ်ဟ့ၣ်လီၤတၢ်မျၢ်လါဟ့, တၢ်ကံးယာ်လုးတကုာ်, တၢ်ဆးဒဲးကံၣ်ဒဲးဝ့ၤ, ဖှီဝါကဆှၣ်အဂ့ၤ, လၢၢ်နၢၤဒီး တၢ်မျၢ်ဂီၤဆှုၣ်တဖၣ် ဒ်တၢ်အပှ့ၤလၢ နတၢ်ဖိတၢ်လံၤလၢနဆါအီၤ တဖၣ်အဂီၢ်န့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်သိၣ်လီၤသီလီၤတၢ် 8:8

မ့ၢ်ကီၢ်တဘ့ၣ်လၢအဟ့ၣ်ထီၣ်ဘုကၠူၣ်ဒီးဘုမုယီၤ, စပံးသၣ်တဖၣ်, ချၢၣ်ဒၢတဖၣ်, သလဲသၣ်တဖၣ်, သ့ၣ်စၤယံးအသၣ်တဖၣ်ဒီးကနဲစီန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:12

ဘၣ်ဆၣ်ဒီးဖဲသုထံၣ်လၢပှၤဧၣ်မိၣ်အစီၤပၤစီၤနၤဃၣ်ဘူးတ့ၢ်က ဟဲဒုးသုန့ၣ်သုညိကွံာ်ယွၤဒ်သုစီၤပၤအသိးဒီးစံးဘၣ်ယၤ, (ပအဲၣ်ဒိးဘၣ်စီၤပၤတဂၤလၢကပၢပှၤလီၤ.)