လံာ်ယဃ့းစက့လး 16:12 - Sgaw Karen Common Bible

¹² ယဟ့ၣ်လီၤနၤလၢနါဒ့ကွီၤတကွီၤဒီးနၢ်ဒံးတဖၣ်, ဒီးခိၣ်သလုးအဃံအလၤတဖျၢၣ်လၢနကကုာ်ထီၣ်အီၤအဂီၢ်န့ၣ်လီၤ.

လံာ်ယဃ့းစက့လး 16:12 Iomraidhean Croise

လံာ်တၢ်ကဲထီၣ်အခီၣ်ထံး 24:47

ယသံကွၢ်တ့ၢ်အီၤ, ‘နပၢ်မ့ၢ်မတၤလဲၣ်.’ ဒီးအဝဲစံးဆၢဝဲ, ‘ယပၢ်မ့ၢ်စီၤနၤဃိၢ်ဒီးနီၢ်မံးလကၤအဖိခွါ, စီၤဘသူၤအ့လးလီၤ.’ တုၤနုၤတစု, ယဘျးလီၤစဲၤနါဒ့ကွီၤတဘိလၢအနါဒ့အလိၤဒီး ထံဖှံၣ်တဖၣ်လၢအစုဒုၣ်လိၤန့ၣ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:10

နခိၣ်သူလၢအလီၤစဲၤလၢနဘိးပၤအလိၤတဖၣ်န့ၣ်မၤဃံမၤလၤထီၣ် နဘိးပၤ, ဒီးလၢအလီၤစဲၤလၢနကိာ်ကျၤခံတဖၣ်န့ၣ်လီၤဂာ်ဒီးဖဲအဝီတဖၣ် လၢတၢ်မၤအီၤလၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:11

ဘၣ်ဆၣ်ဒီးပကပိာ်န့ၢ်နၤဖဲထူတပျံၤ ဒီးတၢ်ကယၢကယဲတဖၣ်လၢတၢ်မၤအီၤလၢစ့န့ၣ်လီၤ.

လံာ်ယၡါယၤ 28:5

မုၢ်တနံၤဟဲဝဲဖဲယွၤသ့တၢ်လၢာ်ကလီၤဂာ်ဒ်တၢ်လၤကပီၤခိၣ်ကျီၤဖီတခါအသိး လၢအပှၤဂီၢ်မုၢ်လၢအအိၣ်မူတ့ၢ်တဖၣ်အဂီၢ်လီၤ.

လံာ်ယၡါယၤ 3:19

ဒီးလၢအစုဒ့တဖၣ်အလိၤလီၤ. အဝဲကဟံးထီၣ်ကွံာ်အတၢ်ကံး ယာ်ကျၢၢ်ဘၢမဲာ်တဖၣ်,

လံာ်ယၡါယၤ 3:21

ပသံးတဖၣ်လၢအသိးဝဲလၢအစုမုၢ်ဒီးကွီၤတဖၣ်လၢအနါဒ့တဖၣ် အလိၤ,

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယဃ့းစက့လး 16:14

နကဲထီၣ်ပှၤလၢအမံၤဟူသၣ်ဖျါလၢပှၤကိးကလုာ်ဒဲး အကျါလၢနတၢ်ဃံတၢ်လၤအလၢအပှဲၤအဃိန့ၣ်လီၤ. အဂ့ၢ်ဒ်အံၤ, ယမ့ၢ်တ့ၢ်ပှၤတဂၤလၢအဒုးဃံဒုးလၤနၤထဲထဲအံၤညါန့ၣ်လီၤ. တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 16:17

နဟံးန့ၢ်စ့ဒီးထူတၢ်မျၢ်ပလဲလၢယဟ့ၣ်တ့ၢ်နၤတဖၣ်ဒီးသူအီၤ လၢနကမၤကဲထီၣ်ပိာ်ခွါအက့ၢ်အဂီၤတဖၣ်, ဒီးမၤကမၣ်မုၣ်ကမၣ်ခွါဒီးအဝဲသ့ၣ်န့ၣ်လီၤ.

လံာ်ယဃ့းစက့လး 21:26

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ. ဘ့ၣ်လီၤကွံာ်နခိၣ်သလုးဒီးနခိၣ်ဖၢၣ်တက့ၢ်. တၢ်ဒ်သိးအံၤတမံၤဃီတမၤကဒီးအသးလၢၤဘၣ်. ပာ်ထီၣ်ထီပှၤအဖှီၣ်ဖိဆူတၢ်စိတၢ်ကမီၤအလီၢ်တက့ၢ်. ပာ်လီၤကွံာ်ပှၤတဖၣ်လၢအပၢတၢ်န့ၣ်တက့ၢ်.

လံာ်ယဃ့းစက့လး 23:42

တၢ်ကနၢ်ဟူဘၣ်ပှၤကမျၢၢ်တဖုလၢအတၢ်ကိၢ်တၢ်ဂီၤတအိၣ်ဘၣ် အကလုၢ်, ပှၤပိာ်ခွါတဖုလၢအဘၣ်တၢ်ဟဲကိးအီၤလၢပှၢ်မုၢ်ကနၢ အပူၤန့ၣ်လီၤ. အဝဲသ့ၣ်ကဒုးသိးထီၣ်ပိာ်မုၣ်တဖၣ်လၢထံဖှံၣ် တဖၣ်လၢအစုဒုၣ်လိၤ, ဒီးပာ်ထီၣ်ခိၣ်သလုးဃံလၤတဖၣ်လၢအဝဲသ့ၣ်အခိၣ်တဖၣ်အဖီခိၣ် န့ၣ်လီၤ.

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.