လံာ်ယဃ့းစက့လး 16:10 - Sgaw Karen Common Bible

¹⁰ ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်ယဃ့းစက့လး 16:10 Iomraidhean Croise

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

စံးထီၣ်ပတြၢၤ 45:15

အဝဲသ့ၣ်ဟဲနုာ်ဆူစီၤပၤအနီပူၤအိၣ်ဒီး တၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ.

လံာ်တၢ်ဟးထီၣ်ကွံာ် 25:5

သိဖါအဖံးလၢတၢ်စုၣ်ဂီၤထီၣ်အီၤ, တၢ်ဖံးအဂ့ၤဒီးသ့ၣ်ဖှ့ၡံးတၤ,

လံာ်တၢ်ဟးထီၣ်ကွံာ် 26:14

ဆးအါထီၣ်တၢ်အခိၣ်ဒုးခံဘ့ၣ်, တဘ့ၣ်န့ၣ်လၢသိဖါအဖံးလၢတၢ် စုၣ်ဂီၤအီၤဒီးအဂၤတဘ့ၣ်လၢတၢ်ဖံးအဂ့ၤဒ်သိးကကဲထီၣ်ယၣ်ဘျး သဒၢလၢတၢ်ချၢတကပၤအဂီၢ်တက့ၢ်.

လံာ်တၢ်ဟးထီၣ်ကွံာ် 26:36

လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 28:5

ပှၤစုသ့တဖၣ်န့ၣ်ကဘၣ်သူတၢ်အလွဲၢ်အလါအဲး, အလွဲၢ်လုးတကုာ်ဒီးသိဆူၣ်ဂီၤ, သွဲထူဒီးတၢ်ကံးယာ်လုၣ် အဂ့ၤန့ၣ်တက့ၢ်.

တၢ်ကတိၤဒိ. 31:22

အဝဲမၤလီၢ်မံဒါတဖၣ်ဒီးကူဝဲသိးဝဲတၢ်ကူတၢ်ကၤတဖၣ်လၢအဘၣ် တၢ်မၤအီၤလၢဘဲလုးတကုာ်အဂ့ၤကတၢၢ်န့ၣ်လီၤ.

လံာ်ယၡါယၤ 3:23

အတၢ်ကူတၢ်ကၤဘူသလါ, အစုဖီၣ်, ဒီးတၢ်ကံးယာ်တဝံာ်ကိာ်ဒီးခိၣ်ဖၢၣ် တဖၣ်လၢအခိၣ်တဖၣ်အလိၤန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယဃ့းစက့လး 16:13

နအိၣ်ဒီးတၢ်ကယၢကယဲတဖၣ်လၢထူဒီးစ့, ဒီးထီဘိနကူသိးဒၣ်တၢ်ကူတၢ်ကၤဖှီဝါကဆှၣ် လၢတၢ်ဆးဒဲးကံၣ်ဒဲးဝ့ၤအီၤဒီးတၢ်ကူတၢ်ကၤသတိၢ်န့ၣ်လီၤ. နအီၣ်ကိၣ်လၢအဘၣ်တၢ်မၤအီၤလၢကိၣ်ကမူၣ်အဂ့ၤကတၢၢ်ဒီးနအိၣ်ဒီး ကနဲစီဒီးသ့ၣ်စၤယံးအသိလၢနကအီၣ်အီၤအဂီၢ်န့ၣ်လီၤ. နတၢ်ဃံတၢ်လၤန့ၣ်မၤကတုၤပှၤအသး ဒီးနကဲထီၣ်နီၢ်ပၤမုၣ်တဂၤန့ၣ်လီၤ.

လံာ်ယဃ့းစက့လး 16:18

နဟံးန့ၢ်တၢ်ကူတၢ်သိးတဖၣ်လၢတၢ်ဆးဒဲးကံၣ်ဒဲးဝ့ၤအီၤန့ၣ် လၢယဟ့ၣ်နၤန့ၣ်ဒီးပာ်ထီၣ်အီၤလၢတၢ်ဂီၤတၢ်ဖီၣ်တဖၣ်အလိၤ, ဒီးနလုၢ်ထီၣ်သ့ၣ်စၤယံးအသိဒီးတၢ်နၢမူလၢယဟ့ၣ်တ့ၢ်နၤဆူ တၢ်ဂီၤတၢ်ဖီၣ်တဖၣ်အံၤအအိၣ်န့ၣ်လီၤ.

လံာ်ယဃ့းစက့လး 16:7

ယဒုးဒိၣ်ထီၣ်နၤဒ်တၢ်မုၢ်တၢ်ဘိလၢအဂံၢ်အဘါထီၣ်တထံးအသိးန့ၣ် လီၤ. နဒိၣ်ထီၣ်ဒီးတၢ်ဂံၢ်တၢ်ဘါဒီးနနီၢ်ထီထီၣ်ဒီးကဲထီၣ်ပိာ်မုၣ် သးစၢ်တဂၤန့ၣ်လီၤ. နနုၢ်တဖၣ်အက့ၢ်အဂီၤဂ့ၤမး, ဒီးနခိၣ်သူထီထီၣ်, ဘၣ်ဆၣ်နအိၣ်ဘ့ၣ်ဆ့န့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ယဃ့းစက့လး 27:16

ကီၢ်စူၤရံအပှၤဂီၢ်မုၢ် ပှ့ၤနတၢ်ပနံာ်တၢ်ကၤတၢ်အတၢ်ပီးတၢ်လီ တဖၣ်ဒီး တၢ်ဖိတၢ်လံၤတဖၣ်လၢ အဟးထီၣ်လၢနထံလီၢ်ကီၢ်ပူၤ န့ၣ်လီၤ. အဝဲသ့ၣ်ဟ့ၣ်လီၤတၢ်မျၢ်လါဟ့, တၢ်ကံးယာ်လုးတကုာ်, တၢ်ဆးဒဲးကံၣ်ဒဲးဝ့ၤ, ဖှီဝါကဆှၣ်အဂ့ၤ, လၢၢ်နၢၤဒီး တၢ်မျၢ်ဂီၤဆှုၣ်တဖၣ် ဒ်တၢ်အပှ့ၤလၢ နတၢ်ဖိတၢ်လံၤလၢနဆါအီၤ တဖၣ်အဂီၢ်န့ၣ်လီၤ.

လံာ်ယဃ့းစက့လး 27:7

နယၢ်လၣ်တဖၣ်ဘၣ်တၢ်မၤအီၤလၢဖှီဝါကဆှၣ်, ဖှီဝါကဆှၣ်ဆးဒဲးကံၣ်ဒဲးဝ့ၤအသးဟဲလၢ ကီၢ်အဲၤကူပတူးတခီ, လၢအဘၣ်တၢ်သ့ၣ်ညါအီၤညီကဒၣ်လၢ အယံၤန့ၣ်လီၤ. နတၢ်ပနီၣ်တဖၣ်ဘၣ်တၢ်မၤအီၤလၢ တၢ်ကံးယာ်အဂ့ၤကတၢၢ်အိၣ်ဒီးအလွဲၢ်လုးတကုာ်ဟဲလၢ ကီးကူပြူးတခီန့ၣ်လီၤ.

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

လံာ်လီၣ်ဖျါ 18:12

ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.