လံာ်ယဃ့းစက့လး 15:8 - Sgaw Karen Common Bible

⁸ အဝဲသ့ၣ်အသးတတီတ့ၢ်ဒီးယၤဘၣ်, ဒီးလၢတၢ်န့ၣ်အဃိ, ယကဒုးကဲထီၣ်ထံကီၢ်လၢပှၢ်မုၢ်ကနၢတတီၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 15:8 Iomraidhean Croise

လံာ်တၢ်ဟးထီၣ်ကွံာ် 21:8

ပိာ်မုၣ်န့ၣ်မ့ၢ်ဘၣ်တၢ်ဆါလီၤကွံာ်အီၤဆူပှၤတဂၤလၢအတိာ်သူၣ် ပာ်သးဒ်သိးကဒုးကဲထီၣ်အီၤလၢအမါဘၣ်ဆၣ်ဒီးအဝဲမ့ၢ်တဘၣ်သူၣ် ဘၣ်သးလၢပိာ်မုၣ်န့ၣ်ဘၣ်ဒီး, ပိာ်မုၣ်န့ၣ်တၢ်ကဘၣ်ဆါကဒါက့ၤအီၤဆူအပၢ်အအိၣ်လီၤ. အကစၢ်ဆါလီၤကွံာ်အီၤဆူပှၤတခီဘီမုၢ်ဖိတဖၣ်အအိၣ်တသ့ဘၣ်. အဂ့ၢ်ဒ်အံၤ, အဝဲမၤတၢ်တတီတလိၤလၢပိာ်မုၣ်န့ၣ်အဖီခိၣ်အဃိလီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယဃ့းစက့လး 16:1

ယွၤကတိၤတၢ်ဒီးယၤလီၤ. အဝဲစံးဝဲ, “ပှၤကညီလၢအသံသ့ဧၢ, ဒုးနဲၣ်ဝ့ၢ်ယရူၤၡလ့ၣ်လၢ တၢ်လီၤသးဘၣ်အၢတဖၣ်လၢအမၤတ့ၢ်လံဝဲတက့ၢ်.

လံာ်ယဃ့းစက့လး 17:20

ယကဟုးယပှာ်လၢအဖီခိၣ်ဒီးဖီၣ်န့ၢ်အီၤလၢအပူၤလီၤ. ယကလဲၤစိာ်အီၤဆူကီၢ်ဘၤဘူၤလိၣ်ဒီးစံၣ်ညီၣ်အီၤဖဲန့ၣ်, မ့ၢ်လၢအဝဲတတီဒီးယၤအဃိန့ၣ်လီၤ.

လံာ်ယဃ့းစက့လး 33:29

တုၤမ့ၢ်ယစံၣ်ညီၣ်ပှၤဂီၢ်မုၢ်လၢအဝဲသ့ၣ်အတၢ်ဒဲးဘးတဖၣ်အဃိဒီး ဒုးကဲထီၣ်ထံကီၢ်လၢတၢ်အိၣ်လီၤဃီအလီၢ်န့ၣ်, အဝဲသ့ၣ်ကသ့ၣ်ညါ ဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.