လံာ်ယဃ့းစက့လး 14:9 - Sgaw Karen Common Bible

⁹ ဝံတဂၤမ့ၢ်ဘၣ်တၢ်လီန့ၢ်အီၤလၢကဟ့ၣ်တၢ်စံးဆၢတမံၤလၢအတတီ ဘၣ်န့ၣ်ဒီး, တၢ်န့ၣ်မ့ၢ်တၢ်လၢယၤ, ယွၤ, လီန့ၢ်အီၤအဃိန့ၣ်လီၤ. ယကသုးကွံာ်အီၤလၢကီၢ်အံၣ်စရ့လးအပှၤဂီၢ်မုၢ်အကျါန့ၣ်လီၤ.

လံာ်ယဃ့းစက့လး 14:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 18:22

ဒီးစီၤမံၤကါယၤမၤကတၢၢ်အတၢ်ကတိၤ, “တၢ်အံၤမ့ၢ်တၢ်လၢအမၤ တ့ၢ်အသးန့ၣ်လီၤ. ယွၤမၤတ့ၢ်ဒ်သိးနဝံတဖၣ်အံၤကလီန့ၢ်နၤလီၤ. ဘၣ်ဆၣ်အဝဲအနီၢ်ကစၢ်ဒၣ်ဝဲခါလီၤတ့ၢ်အကလုၢ်လၢနကထံၣ်ဘၣ်ဒီးတၢ် တတၢးတနါန့ၣ်လီၤ.”

လံာ်စီၤယိၤဘး 12:16

ကစၢ်ယွၤန့ၣ်အဂံၢ်အဘါဆူၣ်ဒီးမၤနၢၤတၢ်ထီဘိန့ၣ်လီၤ. တၢ်လီတၢ်ဝ့ၤဒီးပှၤလီတၢ်ဖိန့ၣ်အိၣ်လၢအဝဲအစိအကမီၤ အဖီလာ်လီၤ.

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 14:15

ယၤ, ယွၤအံၤ, တဲဘၣ်နၤတၢ်လၢယကမၤဘၣ်ဝံတဖၣ်န့ၣ်လၢ ယတမၢလီၤအီၤဘၣ်, ဘၣ်ဆၣ်အဝဲသ့ၣ်မ့ၢ်ပှၤကတိၤတၢ်လၢယမံၤ အပူၤ, ဒီးစံးဝဲလၢတၢ်ဒုးတၢ်ယၤဒီးတၢ်သၣ်ဝံၤ လီၤဒိတမၤဘၣ်ဒိထံကီၢ်အံၤဘၣ်န့ၣ်လီၤ. ယကမၤသံအဝဲသ့ၣ်လၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 14:10

ဝံန့ၣ်ဒီးပှၤတဂၤလၢအဟဲဃ့တၢ်ဟ့ၣ်ကူၣ်ဟ့ၣ်ဖးလၢအီၤ, ခံဂၤလၢာ်ကဒိးန့ၢ်ဘၣ်တၢ်စံၣ်ညီၣ်တမံၤဃီန့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်ယဃ့းစက့လး 20:25

အန့ၣ်ဝံၤဒီးယဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတဂ့ၤ, ဒီးတၢ်မၤလိာ်တဖၣ်လၢအတဟဲစိာ်ဘၣ်တၢ်မူဘၣ်န့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.