လံာ်ယဃ့းစက့လး 14:8 - Sgaw Karen Common Bible

⁸ ယကထီဒါအီၤလီၤ. ယကဒုးကဲထီၣ်အီၤလၢတၢ်အဒိအတဲာ်တမံၤလီၤ. ယကသုးကွံာ်အီၤလၢယပှၤဂီၢ်မုၢ်အတၢ်အိၣ်မူကရူၢ်အပူၤဒ်သိးသု ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 14:8 Iomraidhean Croise

စံးထီၣ်ပတြၢၤ 34:16

ဘၣ်ဆၣ်, ယွၤထီဒါပှၤလၢအမၤတၢ်အၢ, ဒ်သိးအဝဲသ့ၣ်ကဘၣ်တၢ်သးပ့ၤနီၣ်ကွံာ်အီၤလၢ ဟီၣ်ခိၣ်ချၢအဂီၢ်န့ၣ်လီၤ.

စံးထီၣ်ပတြၢၤ 34:17

ဖဲပှၤတီပှၤလိၤကိးထီၣ်ယွၤလၢတၢ်မၤစၢၤအဂီၢ်န့ၣ် ဒီးယွၤဒိကနၣ်အီၤလီၤ. ယွၤမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 37:22

ပှၤလၢအဘၣ်တၢ်ဆိၣ်ဂ့ၤလၢယွၤန့ၣ် ကဒိးန့ၢ်ဘၣ်ထံဧိၤကီၢ်ဧိၤ, ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 29:22

တုၤပှၤဂီၢ်မုၢ်လၢ အဘၣ်တၢ်စိာ်ထီၣ်ကွံာ်အီၤလၢဝ့ၢ်ယရူၤရှလ့ၣ် ဆူကီၢ်ဘၤဘူၤလိၣ်ဒ် ပှၤဘၣ်တၢ်စိာ်မၢကဲကုၢ်တဖၣ်သးအိၣ်ဆိၣ် အၢပှၤတဂၤန့ၣ်, အဝဲသ့ၣ်ကစံးဆၢဝဲ, ‘မ်ယွၤမၤနၤဒ်စီၤစံးဒကံယၤဒီး စီၤအၤဃာ်, ပှၤတဖၣ်လၢ ကီၢ်ဘၤဘူၤလိၣ် အစီၤပၤ, ဃိမူဒံးအီၤအသိးန့ၣ်တက့ၢ်.’

လံာ်ယံးရမံယၤ 44:11

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ ကဃၣ်ကွံာ်အသးထီဒါသုဒီး မၤဟးဂီၤကွံာ် ကီၢ်ယူဒၤခဲ လၢာ်န့ၣ်လီၤ.

လံာ်ယဃ့းစက့လး 13:23

အဃိဒီးခဲကနံၣ်အံၤ, သုတၢ်ထံၣ်လၢညါခီတဖၣ်လၢအမ့ၢ်တၢ်လၢ အတတီဒီးသုတၢ်တဲဆိပာ်တဖၣ်လၢအဆှၢကမၣ်တၢ်န့ၣ်အတၢ်မၤဝံၤ လံ. ယကမၤပူၤဖျဲးယပှၤဂီၢ်မုၢ်လၢသုတၢ်စိကမီၤအဖီလာ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 15:7

ဒီးယကစံၣ်ညီၣ်အဝဲသ့ၣ်န့ၣ်လီၤ. အဝဲသ့ၣ်ထူၣ်ဖျဲးထီၣ်တ့ၢ်လံ လၢမ့ၣ်အူတဘျီ, ဘၣ်ဆၣ်ဒီးခဲအံၤမ့ၣ်အူကအီၣ်ကွံာ်အဝဲသ့ၣ် န့ၣ်လီၤ. ဖဲယစံၣ်ညီၣ်အဝဲသ့ၣ်န့ၣ်, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 22:3

သုစၢၤသုသွဲၣ်တဂၤဂၤလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး, မ့ၢ်ဟဲဘူးဒီးတၢ်လုၢ်တၢ်ပာ်စီဆှံတဖၣ် လၢပှၤအံၣ်စရ့လးဖိ လုၢ်ထီၣ်ဆူယအိၣ်န့ၣ်, အဝဲလုၢ်တၢ်ပာ်တၢ်တသ့နီတဘျီလၢၤဘၣ်တစိၤသးန့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

လံာ်တၢ်ဂံၢ် 19:20

ပှၤတဂၤလၢ်လၢ်လၢအကဲထီၣ်တၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အသိးမ့ၢ်တမၤကဆှီဘၣ်အသးဒၣ်ဝဲန့ၣ်ကမ့ၢ်ဒံးဒၣ်တၢ် တကဆှီဘၣ်, မ့ၢ်လၢထံမၤကဆှီတၢ်န့ၣ်တဘၣ်တၢ်လူလီၤ အီၤလၢအဖီခိၣ်ဒံးဘၣ်အဃိလီၤ. အဝဲမၤဘၣ်အၢယွၤအဒဲစီဆှံဒီးတဘၣ်တၢ်ပာ်လၢၤအီၤဒ်ပှၤတဂၤ လၢယွၤအပှၤဂီၢ်မုၢ်အကျါနီတစုလၢၤဘၣ်န့ၣ်လီၤ.

လံာ်တၢ်ဂံၢ် 26:10

ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ.

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.

လံာ်သိၣ်လီၤသီလီၤတၢ် 28:46

အဝဲသ့ၣ်ကကဲထီၣ်ကစၢ်ယွၤအတၢ်စံၣ်ညီၣ်အတၢ်အုၣ်အသးတဖၣ်လၢသု လိၤဒီးလၢသုစၢၤသုသွဲၣ်တဖၣ်အလိၤလီၤစိၤလီၤထီန့ၣ်လီၤ.

လံာ်သိၣ်လီၤသီလီၤတၢ် 29:19

မၤလီၤတံၢ်လၢ, ဖဲအံၤ, တနံၤအံၤပှၤလၢအနၢ်ဟူတၢ်မၤလိာ်သမှံၤ သပှၢ်တဖၣ်ဒီးနာ်န့ၢ်လီၤဒံးအသးတုၤကစံးဝဲလၢမ့ၢ်လဲၤတၢ်လၢ အကျဲဒၣ်ဝဲအိၣ်ဒီးတၢ်ခိၣ်ကိၤဒၣ်လဲာ်န့ၣ်, တၢ်ကိးမံၤဒဲးကဘၣ်လီၢ်ဘၣ်စးဒီးအီၤလီၤန့ၣ်, တအိၣ်နီတဂၤဘၣ်တက့ၢ်. တၢ်န့ၣ်ကမၤဟးဂီၤကယဲၢ်သုဝဲခဲလၢာ်, ပှၤအဂ့ၤမ့ၢ်ဂ့ၤ, ပှၤအအၢမ့ၢ်ဂ့ၤဒ်သိးသိးန့ၣ်လီၤ.