လံာ်ယဃ့းစက့လး 14:6 - Sgaw Karen Common Bible

⁶ ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. ဃၣ်ကဒါက့ၤသုသးဒီးပာ်တ့ၢ်ကွံာ်သုတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢန့ၣ်တက့ၢ်.

လံာ်ယဃ့းစက့လး 14:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:6

ပမိၢ်ပၢ်ဖံဖုလၢပျၢၤတဖၣ်တသူၣ်တီသးရၤတ့ၢ်ဒီးယွၤ, ပကစၢ်ယွၤဘၣ်. ဒီးမၤတ့ၢ်တၢ်လၢအတဘၣ်ယွၤအသးန့ၣ်လီၤ. အဝဲသ့ၣ်လဲၤသဒၣ်ကွံာ်အီၤဒီးဃၣ်ကွံာ်အမဲာ်လၢတၢ်လီၢ်ဖဲယွၤ အိၣ်ဝဲဆိးဝဲန့ၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယဃ့းစက့လး 14:4

ခဲကနံၣ်အံၤကတိၤတၢ်ဒီးအဝဲသ့ၣ်ဒီးတဲဘၣ်အဝဲသ့ၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်န့ၣ်တက့ၢ်. ပှၤအံၣ်စရ့လးဖိကိးဂၤလၢအဟ့ၣ်လီၤအသးဆူတၢ်ဂီၤတၢ်ဖီၣ်တဖၣ် အအိၣ်ဒီးပျဲအဝဲသ့ၣ်ဆှၢအီၤဆူတၢ်ဒဲးဘးအပူၤ, ဝံၤဒီးဟဲဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ကမၤန့ၢ်တၢ်စံးဆၢတမံၤလၢယအိၣ်, တၢ်စံးဆၢလၢအဝဲအတၢ်ဂီၤတၢ်ဖီၣ်တဖၣ်ကြၢးဒိးန့ၢ်ဘၣ်ဝဲန့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 18:30

ခဲကနံၣ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုဝဲ ပှၤအံၣ်စရ့လးဖိတဖၣ်လၢ, ယကစံၣ်ညီၣ်သုဝဲတဂၤဘၣ် တဂၤစုာ်စုာ်ဒ်တၢ်လၢသုမၤတ့ၢ်အီၤအသိးန့ၣ်လီၤ. ဃၣ်ကွံာ်သုသးလၢကယဲၢ်တၢ်အၢတၢ်သီလၢသုမၤအီၤ, ဒီးပျဲသုတၢ်ဒဲးဘးမၤဟးဂီၤသုန့ၣ်တဂ့ၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ယဃ့းစက့လး 8:6

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်ဘၣ်တၢ်လၢအမၤ အသးလံကစီဒီဧါ, ကွၢ်ဃီၤတၢ်လၢအလီၤသးဘၣ်အၢတဖၣ်, လၢကီၢ် အံၣ်စရ့လးအပှၤဂီၢ်မုၢ်မၤဝဲဖဲအံၤ, ဒီးနီၣ်ထီၣ်ကွံာ်ယၤယံၤထီၣ်ယံၤထီၣ်ဒီးယတၢ်လီၢ်စီဆှံန့ၣ်တက့ၢ်. နကထံၣ်ဘၣ်ဒံးတၢ်လီၤမဲာ်ဆှးတဖၣ်အါန့ၢ်ဒိၣ်န့ၢ်ဒံးဒၣ်လဲာ်တၢ် အံၤန့ၣ်လီၤ.”

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်စကၤရယၤ 1:4

လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:3

စီၤၡမူၤအ့လးစံးဘၣ်ပှၤဂီၢ်မုၢ်, “သုမ့ၢ်ဃၣ်က့ၤသုသးဆူ ယွၤအအိၣ်လၢသူၣ်လၢသးဒီဖျၢၣ်ညါန့ၣ် သုကဘၣ်တၢၤကွံာ်ကယဲၢ်ပှၤ တခီဘီမုၢ်ဖိအကစၢ်တဖၣ်ဒီးကစၢ်မုၣ်ဧၤၡတြိးအဂီၤတဖၣ်လီၤ. ပာ်စီဆှံထီၣ်သုသးလၢာ်လၢာ်ဆ့ဆ့ဆူယွၤအအိၣ်ဒီး ဘူၣ်ထီၣ်ဘါထီၣ်ထဲအဝဲတဂၤဧိၤန့ၣ်တက့ၢ်. ဒီးအဝဲကအုၣ်က့ၤခီၣ်က့ၤသုလၢပှၤဖလ့ၡသးဖိတဖၣ်အစိကမီၤအ ဖီလာ်လီၤ.”