လံာ်ယဃ့းစက့လး 14:23 - Sgaw Karen Common Bible

²³ အန့ၣ်ဒီးသုကသ့ၣ်ညါလၢတၢ်ခဲလၢာ်လၢယမၤတ့ၢ်အီၤန့ၣ်အိၣ်ဒီး အတၢ်ဂ့ၢ်တၢ်ခၢးလၢအဂ့ၤဝဲန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 14:23 Iomraidhean Croise

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

လံာ်စီၤယိၤဘး 33:27

အဝဲစံးတၢ်လၢပှၤဂီၢ်မုၢ်အမဲာ်ညါ, “ယမၤတ့ၢ်လံတၢ်ဒဲးဘးလံ. ယတမၤတၢ်လၢ အဘၣ်ဘၣ်. ဘၣ်ဆၣ်ဒီးကစၢ်ယွၤပျၢ်ဖျဲးယၤလီၤ.

တၢ်ကတိၤဒိ. 26:2

နမ့ၢ်တကြၢးဒိးဘၣ်အီၤဒီး, တၢ်ဆိၣ်အၢတဖၣ်မၤဘၣ်ဒိဘၣ်ထံးနၤ တသ့ဘၣ်. တၢ်တဖၣ်န့ၣ်လီၤဂာ်ဒ်ထိၣ်တဖၣ်လၢအယူၤပူၤကွံာ်ဝဲဒီး တစီၢ်လီၤနီတဘျီဘၣ်အသိးန့ၣ်လီၤ.

လံာ်ယဃ့းစက့လး 15:1

ယွၤကတိၤတၢ်ဒီးယၤလီၤ. အဝဲစံးဝဲ, “ပှၤကညီလၢအသံသ့ဧၢ, စပံးမုၢ်တမုၢ်ဒီးသ့ၣ်တထူၣ် န့ၣ်တၢ်ထိၣ်သတြီၤအီၤဒ်လဲၣ်. စပံးမုၢ်တမုၢ်အဒ့ဒီးသ့ၣ်တဖၣ်လၢပှၢ်လၢ်ကျါနထိၣ်သတြီၤအီၤ အဘျုးမနုၤကအိၣ်လဲၣ်.

လံာ်ယဃ့းစက့လး 16:54

နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်ဒၤနံးယ့လး 9:7

နဲဒၣ်, ယွၤဧၢ, နမၤတၢ်အဘၣ်တဘိယူၢ်ဃီ, ဘၣ်ဆၣ်ဒီးပဒုးလီၤဘၣ်တၢ်မဲာ်ဆှးလၢပဖီခိၣ်ဒၣ်ပဝဲတဘိယူၢ်ဃီလီၤ. တၢ်အံၤတီဒီးပဝဲကိးဂၤဒဲးလၢအအိၣ်လၢကီၢ်ယူဒၤဒီးဝ့ၢ်ယရူၤ ၡလ့ၣ်အပူၤ, ဒီးကယဲၢ်ပှၤအံၣ်စရ့လးဖိခဲလၢာ်လၢနမၤလီၤ ပြံလီၤပြါအီၤဆူထံကီၢ်အဘူးအယံၤတဖၣ်အဂီၢ်လၢအဝဲသ့ၣ် တတီဘၣ်ဒီးနၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”