လံာ်ယဃ့းစက့လး 14:22 - Sgaw Karen Common Bible

²² ပှၤတဂၤဂၤမ့ၢ်အိၣ်မူလီၤတဲာ်ဒံးဒီးအုၣ်က့ၤခီၣ်က့ၤအဖိတဖၣ် န့ၣ်, ကွၢ်အဝဲသ့ၣ်ဖဲအဟဲဆူသုအိၣ်တက့ၢ်. ကွၢ်အဝဲသ့ၣ်အၢဝဲသီဝဲ ထဲလဲၣ်ဒီးနာ်နီၢ်နီၢ်လၢတၢ်စံၣ်ညီၣ်လၢယဒုးဘၣ်ဝ့ၢ်ယရူၤၡလ့ၣ် အံၤမ့ၢ်တၢ်တီဝဲဘၣ်ဝဲန့ၣ်တက့ၢ်.

လံာ်ယဃ့းစက့လး 14:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

လံာ်ယၡါယၤ 24:13

တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:27

(ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 5:19

ဖဲအဝဲသ့ၣ်သံကွၢ်ဝဲ, ဘၣ်မနုၤအဃိယမၤတၢ်သ့ၣ်တဖၣ်အံၤခဲလၢာ် လဲၣ်န့ၣ်, စီၤယံးရမံယၤဧၢ, တဲဘၣ်အဝဲသ့ၣ်လၢ, ဒ်အဝဲသ့ၣ်ဃၣ်ကွံာ်အသးလၢယၤဒီးမၤ တ့ၢ်ပှၤတခီဘီမုၢ်အကစၢ်တဖၣ်အတၢ်မၤလၢအထံအကီၢ်ဒၣ်ဝဲ အပူၤအသိးန့ၣ်, အဝဲသ့ၣ်ကမၤပှၤလၢအတသ့ၣ်ညါဝဲတဖၣ် အတၢ်မၤလၢထံကီၢ်တဘ့ၣ်လၢအတမ့ၢ်အဝဲသ့ၣ်အတၢ်ဒၣ်ဝဲ အပူၤန့ၣ်လီၤ.”

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 16:54

နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 32:31

တၢ်ထံၣ်ဘၣ်ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤန့ၣ် ကမ့ၢ်တၢ်မၤမုာ်တမံၤလၢကီၢ်အဲၤကူပတူးအစီၤပၤဒီးအသုးမုၢ် အဂီၢ်န့ၣ်လီၤ. ယွၤပၢဘၣ်တၢ်ခဲလၢာ်ကစၢ်စံးတၢ်အံၤလီၤ.

လံာ်ယဃ့းစက့လး 36:20

ဖဲအဝဲသ့ၣ်လဲၤတပူၤလၢ်လၢ်န့ၣ်အဝဲသ့ၣ်ဒုးအိၣ်ထီၣ်တၢ်မၤမဲာ်ဆှး ယမံၤစီဆှံမ့ၢ်လၢ, ပှၤဂီၢ်မုၢ်ကစံးလၢ, ပှၤဂီၢ်မုၢ်တဖၣ်အံၤဘၣ်ဟးထီၣ်ကွံာ်လၢကီၢ်လၢ အဝဲသ့ၣ်အကစၢ်ဒၣ်ဝဲအကစၢ်ယွၤဟ့ၣ်လီၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 36:31

သုကသ့ၣ်နီၣ်ထီၣ်က့ၤသုတၢ်မၤအအၢအသီဒီးတၢ်ကမၣ်တဖၣ်လၢ သုမၤဘၣ်တ့ၢ်အီၤဒီးသုကသးဘၣ်အၢလီၤက့ၤသုသးလၢသု တၢ်ဒဲးဘးတဖၣ်ဒီးသုတၢ်အၢတၢ်သီတဖၣ်အဃိန့ၣ်လီၤ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်မၢ်ကူး 13:20

ကစၢ်မ့ၢ်တမၤစှၤလီၤမုၢ်နံၤမုၢ်သီတဖၣ်န့ၣ်ဘၣ်ဒီး, တမ့ၢ်လၢပှၤကတုၤဘၣ်က့ၤလၢတၢ်အုၣ်က့ၤခီၣ်က့ၤနီတဂၤ ဘၣ်. ဘၣ်ဆၣ်ဒီးပှၤလၢအဘၣ်တၢ်ဃုထၢပာ်ဝဲတဖၣ် အဂီၢ်န့ၣ်, ကမၤစှၤလီၤမုၢ်နံၤမုၢ်သီတဖၣ်န့ၣ်လီၤ.

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.