လံာ်ယဃ့းစက့လး 14:21 - Sgaw Karen Common Bible

²¹ တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 14:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:13

စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်ယၡါယၤ 51:19

တၢ်တတၢးတနါခံမံၤဟဲလီၤဘၣ်လၢနလိၤလီၤ. နလီၢ်နကျဲဘၣ်တၢ်မၤဟးဂီၤအီၤလၢ တၢ်ဒုးတၢ်ယၤအဃိ ဒီးနပှၤဂီၢ်မုၢ်သၣ်ဝံၤလီၤဒိဝဲလီၤ. ပှၤကဒုးနဲၣ်နၤလၢအတၢ်သးကညီၤ တအိၣ်နီတဂၤဘၣ်.

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 14:15

မ့တမ့ၢ်ယကမၢလီၤဆၣ်ဖိကီၢ်ဖိအမံၤတဖၣ်လၢကမၤသံကွံာ်ပှၤဂီၢ် မုၢ်တုၤဒၣ်လဲာ်ထံကီၢ်န့ၣ်ကလီၤပျံၤလီၤဖုးတုၤပှၤဟးထီၣ် က့ၤလီၤတသ့နီတဂၤဘၣ်,

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 14:19

ယမ့ၢ်မၢလီၤတၢ်ဆါသံသတြိာ်လၢကီၢ်န့ၣ်အဖီခိၣ်ဒီးလၢယတၢ်သး ထီၣ်အပူၤဟံးထီၣ်ကွံာ်သးသမူအါဖျၢၣ်, မၤသံကွံာ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒီး,

လံာ်ယဃ့းစက့လး 14:20

စီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲ တဖၣ်ဒၣ်လဲာ်တသ့ဘၣ်. အဝဲသ့ၣ်အတၢ်ဂ့ၤတၢ်ဝါအုၣ်က့ၤခီၣ်က့ၤ ကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 5:17

ယကမၢလီၤတၢ်သၣ်ဝံၤလီၤဒိဒီးဆၣ်ဖိကီၢ်ဖိအမံၤတဖၣ်လၢကမၤ သံသုဖိတဖၣ်, ဒီးယကဆှၤလီၤတၢ်ဆူးတၢ်ဆါ, တၢ်စုဆူၣ်ခီၣ်တကး, ဒီးတၢ်ဒုးတၢ်ယၤလၢကမၤသံသုအဂီၢ်လီၤ. ယၤ, ယွၤအံၤ, ကတိၤလံတၢ်လံ.