လံာ်ယဃ့းစက့လး 14:16 - Sgaw Karen Common Bible

¹⁶ ဒီးပှၤသၢဂၤန့ၣ်မ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်, ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဝဲသ့ၣ်အဖိဒၣ်ဝဲတဖၣ် ဒၣ်လဲာ်တသ့ဘၣ်န့ၣ်လီၤ. အဝဲသ့ၣ်အုၣ်က့ၤခီၣ်က့ၤကသ့ဒၣ်ထဲ အသးသမူဒၣ်ဝဲတဖၣ်, ဒီးထံကီၢ်န့ၣ်ကကဲထီၣ်ပှၢ်မုၢ်ကနၢ တတီၤန့ၣ်လီၤ.

လံာ်ယဃ့းစက့လး 14:16 Iomraidhean Croise

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်စီၤယိၤဘး 22:20

ကယဲၢ်တၢ်လၢအအိၣ်ဒီးပှၤတတီတလိၤခဲလၢာ်န့ၣ်ဘၣ်တၢ်မၤ ဟးဂီၤကွံာ်အီၤဒီးမ့ၣ်အူအီၣ်ကွံာ်တၢ်လၢအအိၣ်လီၤတဲာ် တဖၣ်န့ၣ်လီၤ.

လံာ်ယဃ့းစက့လး 14:14

ပှၤသၢဂၤလၢအမ့ၢ်ဝဲစီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, အဝဲသ့ၣ်အတၢ်ဂ့ၤတၢ်ဝါကအုၣ်က့ၤခီၣ်က့ၤဒၣ်ထဲအဝဲသ့ၣ်အသးသမူ ဒၣ်ဝဲဧိၤန့ၣ်လီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လီၤ.

လံာ်ယဃ့းစက့လး 14:18

ဒီးပှၤသၢဂၤန့ၣ်မ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်, ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲတဖၣ်ဒၣ်လဲာ်တသ့ဘၣ်. မ့မ့ၢ်အုၣ်က့ၤခီၣ်က့ၤကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 14:20

စီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲ တဖၣ်ဒၣ်လဲာ်တသ့ဘၣ်. အဝဲသ့ၣ်အတၢ်ဂ့ၤတၢ်ဝါအုၣ်က့ၤခီၣ်က့ၤ ကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.