လံာ်ယဃ့းစက့လး 14:1 - Sgaw Karen Common Bible

¹ ပှၤအံၣ်စရ့လးဖိအခိၣ်အနၢ်တနီၤဟဲဃ့တၢ်ဟ့ၣ်ကူၣ်ဟ့ၣ်ဖးလၢ ယၤ, ဘၣ်ဃးဒီးယွၤအတၢ်ဘၣ်အသးအဂ့ၢ်န့ၣ်လီၤ.

လံာ်ယဃ့းစက့လး 14:1 Iomraidhean Croise

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်ယၡါယၤ 21:12

ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယဃ့းစက့လး 14:2

အန့ၣ်ဒီးယွၤကတိၤတၢ်ဒီးယၤလီၤ, အဝဲစံးဝဲ, “ပှၤကညီလၢအသံသ့ဧၢ, ပှၤတဖၣ်အံၤဟ့ၣ်လီၤအသးဆူ တၢ်ဂီၤတၢ်ဖီၣ်တဖၣ်အအိၣ်ဒီးပျဲတၢ်ဂီၤတၢ်ဖီၣ်တဖၣ်ဆှၢအဝဲသ့ၣ် ဆူတၢ်ဒဲးဘးအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢယကဟ့ၣ်အဝဲသ့ၣ်တၢ်စံးဆၢတမံၤန့ၣ်ဧါ.

လံာ်ယဃ့းစက့လး 20:1

တၢ်မၤအသးအံၤမ့ၢ်ဖဲပလဲၤကဲကုၢ်နွံနံၣ်တနံၣ်လါယဲၢ်လါ တလါထီၣ်အသီတဆံအနံၤန့ၣ်လီၤ. ပှၤအံၣ်စရ့လးဖိတဖၣ်အတၢ်အိၣ် မူအကရူၢ်အခိၣ်အနၢ်ဟဲဆူယအိၣ်လၢကကတိၤသကိးတၢ်ဒီးယၤ အဂီၢ်ဘၣ်ဃးဒီးယွၤအတၢ်ဘၣ်သးအဂ့ၢ်, ဒီးအဝဲသ့ၣ်ဆ့ၣ်နီၤလၢယမဲာ်ညါန့ၣ်လီၤ.

လံာ်ယဃ့းစက့လး 20:3

အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးပှၤတဖၣ် အံၤဒီးတဲဘၣ်အဝဲသ့ၣ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်, သုဟဲဒ်သိးသုကသံကွၢ်ယတၢ်ဘၣ်သး, မ့ၢ်စ့ၢ်ဧါ. ဒ်ယမ့ၢ်သပှၢ်ကတၢၢ်ကစၢ်ယွၤလၢအမူဝဲတဂၤအသိး, ယစံးယဲ, ယတမၢသုသံကွၢ်ယၤလၢတၢ်နီတမံၤဘၣ်. ယၤ, ယွၤ, ပၢဘၣ်တၢ်, ကစၢ်ကတိၤလံတၢ်လံ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ယဃ့းစက့လး 33:32

လၢအဝဲသ့ၣ်တဖၣ်အဂီၢ်န့ၣ်, နတမ့ၢ်တၢ်အါန့ၢ်ဒံးပှၤတဂၤလၢ အဒုးအိၣ်ထီၣ်တၢ်သူၣ်မုာ်သးခုလၢတၢ်သးဝံၣ်တၢ်အဲၣ်တၢ်သးဝံၣ် တဖၣ်မ့ၢ်ဂ့ၤဒ့သီတူၢ်တခါမ့ၢ်ဂ့ၤန့ၣ်ဘၣ်. အဝဲသ့ၣ်ဒိကနၣ်နတၢ် ကတိၤတဖၣ်ခဲလၢာ်ဒီးတစူၢ်ဘၣ်ဝဲလၢအကျါနီတထံၣ်ဘၣ်.

လံာ်ယဃ့းစက့လး 8:1

လၢပတၢ်ကဲကုၢ်ဃုနံၣ်တနံၣ်, လါဃုလါတလါထီၣ်ယဲၢ်သီ အနံၤန့ၣ်, ကီၢ်ယူဒၤအပှၤခိၣ်ပှၤနၢ်လၢတၢ်ကဲကုၢ်အပူၤတဖၣ် ဆ့ၣ်နီၤသကိးဒီးယၤလၢယဟံၣ်ပူၤန့ၣ်လီၤ. သတူၢ်ကလာ်, ယွၤပၢဘၣ်တၢ်ခဲလၢာ်ကစၢ်အစိကမီၤလီၤဘၣ်လၢယလိၤန့ၣ်လီၤ.

လံာ်လူၤကၣ် 10:39

အဝဲဒၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤရံ, လၢအဆ့ၣ်နီၤဖဲကစၢ်အခီၣ်ထံးဒီးဒိကနၣ်အဝဲအတၢ်သိၣ် လီၤသီလီၤတၢ်န့ၣ်လီၤ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 4:5

လၢမုၢ်ဆ့ၣ်ထီၣ်တနံၤန့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤသူၣ်က့သးပှၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အိၣ်ဖှိၣ်သကိးလၢဝ့ၢ်ယရူၤၡလ့ၣ်အပူၤန့ၣ်လီၤ.

မၤတၢ် 4:8

တုၤနုၤတစုစီၤပ့းတရူးလၢထီၣ်ပှဲၤထီၣ်ဒီးသးစီဆှံဒီးအဝဲဒၣ်စံးဆၢက့ၤ အဝဲသ့ၣ်, “ပှၤခိၣ်ပှၤနၢ်ဒီးပှၤသူၣ်က့သးပှၢ်သ့ၣ်ဧၢ,